ប្រេនសម្លៀកបំពាក់ដ៏ប្រណីតរបស់ខ្មែរ ដែលកំពុងឆក់បានការគាំទ្រខ្លាំងពីសំណាក់អតិថិជនជាតារាស្រីល្បីៗជុំវិញពិភពលោកពិសេសតារានៅអាមេរិក និងចិន សុទ្ធតែបានជ្រើសរើសឈុតដែលចម្រាញ់ពី ALmée Couture។

ថ្មីៗនេះ Ju Jingyi តារាស្រីជួរមុខរបស់ចិន បានជ្រើសរើសរ៉ូបពណ៌ផ្កាឈូករបស់ ALmée Couture មានឈ្មោះ Radiant Elegance ហើយក៏ជា Collection The World Inside Me ដែលជាការបង្កើតដ៏រស់រវើក និងភាពឆើតឆាយ ជាមួយកំណាត់ទន់ៗ។ ចាប់ពីផ្ទៃផ្នែកដើមទ្រូងដែលមានការរចនាយ៉ាងល្អឥតខ្ចោះ រហូតដល់ខ្សែបូចម្រុះពណ៌ និងឌិនអង្កាំខ្លះៗ។
Ju Jingyi ជាតារាសម្ដែង តារាចម្រៀង និងជាអ្នករាំដ៏ជំនាញរបស់ចិនវ័យ ៣១ ឆ្នាំ ដែលនាងមានរូបសម្រស់ស្រស់ស្អាត។ ឆ្នាំ ២០២៤ Jingyi ទទួលបានជោគជ័យក្រាស់ក្រែល ព្រោះតែរឿង In Blossom ដែលសម្ដែងរួមគ្នាជាមួយ Liu Xue Yi មានប្រជាប្រិយភាពប្រចាំឆ្នាំផងដែរ។


សម្រាប់ឈុត Radiant Elegance ដែលកញ្ញា Ju Jingyi គ្រងនាពេលនោះ គឺក្នុង នាម ជាឯកអគ្គរដ្ឋទូត VIP ជាន់ខ្ពស់សម្រាប់ QQ Music ហើយនាងក៏បានបង្ហោះរូបភាពនៅលើ wiebo កាលពីថ្ងៃ ១៥ខែមករា ឆ្នាំ ២០២៦ កន្លងទៅ។
អាចថា Ju Jingyi ជាលើកដំបូងដែលនាងបានជ្រើសរើសឈុតពីប្រេនខ្មែរ ALmée Couture តែបើ Angela Zhang គឺជាអតិថិជនម្នាក់ដែលជ្រើសរើសឈុតពី ALmée ច្រើនជាងគេ។ ក្រៅពី Angela Zhang នៅមានតារាសម្ដែង និងតារាចម្រៀងចិនជាច្រើនរូបទៀតមានដូចជា Chen Li, Jane Zhang, Miss Universe Venezuela 2025 Stephany Abasali, Li Landi ហើយថ្មីៗនេះទៀតសោតតារាអាមេរិក Ariana Madix ក៏សុទ្ធតែបានស្លៀករ៉ូបច្នៃឡើងដោយស្នាដៃកូនខ្មែរដ៏អស្ចារ្យនេះ៕






Li Landi


Ariana Madix
រូបភាពពី ALmée Couture


























Account
Security
Favourite Content