យោងតាមការចុះផ្សាយរបស់សារព័ត៌មាន Allkpop នៅថ្ងៃទី៧ ខែតុលានេះ តារាចម្រៀង និងតារាសម្ដែង IU បានជូនកាដូចំនួន ៥សែនវ៉ុន ប្រមាណ ៣៧៥ ដុល្លារអាមេរិកទៅដល់ក្រុមការងារផលិតរឿង 21st Century Grand Prince’s Wife រឿងថ្មីសម្ដែងជាគូនឹង Byeon Woo Seok។

កាដូក្នុងគ្រានេះ គឺធ្វើឡើងសម្រាប់ពិធីបុណ្យសែនព្រះខែប្រពៃណីកូរ៉េ ឬ Chuseok ដោយក្រុមការងារម្នាក់បានចែករំលែកនៅបណ្ដាញទំនាក់ទំនងសង្គមរបស់ខ្លួនថា៖ “រៀមច្បង IU បានឱ្យអាំងប៉ាវ ៥០០ ០០០វ៉ុន ទៅឱ្យក្រុមការងារគ្រប់គ្នា”។
សូមរំឭកថា នេះមិនមែនជាលើកទីមួយទេ ដែលតារាស្រីវ័យ ៣២ឆ្នាំបានបង្ហាញទឹកចិត្តសប្បុរសបែបនេះ។ ជាក់ស្ដែង តួឯកស្រីក៏ធ្លាប់បានជូនកាដូជា AirPods Max ទៅដល់ក្រុមការងាថតរឿង When Life Gives You Tangerines ផងដែរ ខណៈក្រោយបញ្ចប់កម្មវិធីប្រគំតន្ត្រីទេសចរណ៍កាលពីឆ្នាំមុន នាងក៏បានកក់សំបុត្រយន្តហោះលំដាប់ខ្ពស់ Business Class ដើម្បីឱ្យក្រុមការងារអាចធ្វើដំណើរត្រឡប់មកប្រទេសកូរ៉េខាងត្បូងវិញបានស្រួលខ្លួនជាងមុនផងដែរ។
គួរឱ្យដឹងដូចគ្នាថា រឿងភាគថ្មីរបស់ MBC ចំណងជើង 21st Century Grand Prince’s Wife មានសាច់រឿងដើរតាមខ្សែជីវិតរបស់ Seong Hee Joo សម្ដែងដោយ IU គឺជាទាយាទវង្សត្រកូលកំពូលមួយរបស់កូរ៉េខាងត្បូងដែលជីវិតមានគ្រប់យ៉ាងដែលនាងត្រូវការ។ តែឈ្មោះជាសាមញ្ញជនបានក្លាយជាឧបសគ្គក្នុងជីវិតរបស់នាង និងជាដើមហេតុដែលធ្វើឱ្យនាងបានទៅជួបនឹងព្រះអង្គម្ចាស់ Lee Ahn សម្ដែងដោយ Byeon Woo Seok ដែលជីវិតគ្មានអ្វីទាំងអស់ ក្រៅពីនាមជាសែស្រឡាយរាជវង្ស៕
























Account
Security
Favourite Content