អ្នកគាំទ្រជាច្រើនហាក់មានការភ្ញាក់ផ្អើល ក្រោយសមាជិកក្រុមចម្រៀង Girls Day គឺ Hyeri បានចុច unfollow គណនីរបស់អតីតមិត្ដប្រុស Ryu JunYeol ក្នុងបណ្ដាញសង្គម IG។

នៅថ្ងៃទី ១៥ ខែ មីនា ឆ្នាំ ២០២៤ បន្ទាប់ពីបង្ហោះ Story ក្នុងបណ្ដាញសង្គម IG និងសរសេរភ្ជាប់ជាមួយពាក្យពេចន៍ថា៖ “វាពិតជាសប្បាយ” Hyeri ក៏បានចុច unfollow គណនីរបស់អតីតមិត្ដប្រុស Ryu JoonYeol ក្នុងបណ្ដាញសង្គម IG ភ្លាមៗ ដោយគ្មានស្ដាយស្រណោះ។





ការចុច unfollow របស់តារាស្រី Hyeri គឺនៅក្រោយពេលអតីតមិត្ដប្រុសរបស់ខ្លួនលេចពាក្យចចាមអារ៉ាមកំពុងបង្កាត់ភ្លើងស្នេហាជាមួយតារាស្រីកំពុងមានឈ្មោះល្បី Han SoHee។ តារាប្រុស Ryu JoonYeol និង Han SoHee ត្រូវបានគេលើកឡើងថា កំពុងមានទំនាក់ទំនងស្នេហា និងទៅដើរកម្សាន្ដជាមួយគ្នានៅឯកោះ ហាវ៉ៃ។ ភ្ញៀវទេសចរមួយរូប បានបង្ហោះសំណេរថា៖ Ryu JunYeol និង Han SoHee បានទៅដើរកម្សាន្ដនៅកោះ Hawaii ជាមួយគ្នា ថែមទាំងចុះលេងក្នុងអាងទឹកសាងសងគ្នា ដោយមិនខ្វល់ពីអ្នកជុំវិញ។ បើទោះជាមានការបដិសេធថា តារាប្រុសស្រីមួយគូនេះមិនបានទាក់ទងគ្នា ប៉ុន្ដែមតិមួយចំនួននៅតែមិនជឿ និងលើកឡើងថា អ្នកទាំងពីរព្យាយាមគេច និងមិនព្រមបញ្ជាក់ពីទំនាក់ទំនងស្នេហារបស់ខ្លួន។



គួរបញ្ជាក់ថា Hyeri និងអតីតមិត្ដប្រុស Ryu JoonYeol បានប្រកាសពីទំនាក់ទំនងស្នេហាក្រោយសម្ដែងរឿង Reply 1988 រួមគ្នា។ ក្រោយសេពគប់គ្នាអស់រយៈពេល ៧ ឆ្នាំ អ្នកទាំងពីរក៏ប្រកាសចែកផ្លូវគ្នានៅខែ វិច្ឆិកា ឆ្នាំ ២០២៣។ ការចុច unfollow គណនីរបស់អតីតមិត្ដប្រុស Ryu JoonYeol ធ្វើឲ្យអ្នកគាំទ្រជាច្រើន មានជំនឿថា អ្នកទាំងពីរអាចមានបញ្ហាទាស់ទែងគ្នាណាមួយទើបឈានដល់ការចុច unfollow បែបនេះ៕























Account
Security
Favourite Content