ក្រោយរៀបការបានប៉ុន្មានថ្ងៃ ស្រីនា និង ហេង វិសាល បានចំណាយថវិកា ១ ម៉ឺនដុល្លារ បរិច្ចាគទៅកាន់មន្ទីរពេទ្យកុមារអង្គរ និងគន្ធបុប្ផា។ ដោយឡែកថ្មីៗនេះ អ្នកទាំងពីរ រួមទាំងម្ដាយទាំងសងខាងក៏បានចូលជាបច្ច័យសាងសង់ស្ពានសម្រាប់ព្រះសង្ឃនៅវត្តផាអោក ប្រមាណជិត១ម៉ឺនដុល្លារទៀត។
នាវេលាព្រឹកថ្ងៃទី៣០ ខែមីនា ឆ្នាំ២០២៤ ចំនួនទឹកប្រាក់សរុប ១ ម៉ឺនដុល្លារត្រូវបានបញ្ជូនចេញពីគណនីរួមរបស់ ហេង វិសាល និងស្រីនា ទៅកាន់គណនីរបស់មន្ទីរពេទ្យកុមារអង្គរ ខេត្តសៀមរាប និងមន្ទីរពេទ្យគន្ធបុប្ផា។ គួរបញ្ជាក់ថា ចំនួនទឹកប្រាក់នេះត្រូវបានចែកជា ២ ដោយ មន្ទីរពេទ្យកុមារអង្គរ ខេត្តសៀមរាបទទួលបាន ៥ ពាន់ដុល្លារ និងមន្ទីរពេទ្យគន្ធបុប្ផាទទួលបាន ៥ ពាន់ដុល្លារ។
ចំពោះការបរិច្ចាគថវិកាផ្ទាល់ខ្លួនរបស់ស្វាមីភរិយាគូរនេះលោក ហេង វិសាល បានរៀបរាប់ថា៖ «បន្ទាប់ពីកម្មវិធីបានបញ្ចប់ពួកយើងទទួលបានក្ដីស្រលាញ់ និងភាពកក់ក្ដៅពីបងប្អូនទាំងអស់គ្នា ហើយដូចរាល់ដងក្ដីស្រលាញ់មួយនេះមិនគួរបញ្ចប់ត្រឹមពួកយើងទេ ថ្ងៃនេះដែរ ខ្ញុំនិងភរិយានឹងចែកចាយភាពកក់ក្ដៅទាំងអស់នេះបន្តទៅកាន់កុមារកម្ពុជារបស់ពួកយើង ជូនបុណ្យផងណា»។






យ៉ាងណាមិញ បន្ទាប់ពីបានបរិច្ចាគទៅកាន់មន្ទីរពេទ្យហើយនោះ អ្នកទាំងពីររួមទាំងម្ដាយទាំងសងខាងបានចូលជាបច្ច័យកសាងស្ពានថ្វាយព្រះសង្ឃនៅវត្តផាអោក ក្នុងចំនួនទឹកប្រាក់ ៨ ០៥០ ដុល្លារ ថែមទៀតផង៕























Account
Security
Favourite Content