ទាំងទឹកភ្នែក Hanni បកស្រាយរឿងអយុត្តិធម៌ដែល NewJeans ជួបឥតចន្លោះ នៅក្នុងរដ្ឋសភា

Hanni សមាជិកនៃក្រុម K-pop NewJeans បានចូលខ្លួនស្រាយបំភ្លឺពីបទពិសោធន៍នៃការគំរាមកំហែង និងការរើសអើងជាប្រព័ន្ធនៅកន្លែងធ្វើការ ឯរដ្ឋសភារបស់ប្រទេសកូរ៉េខាងត្បូង។​

នៅក្នុងសវនកម្ម ដែលបានធ្វើឡើងកាលពីថ្ងៃទី១៥ ខែតុលាកន្លងទៅ តារាចម្រៀង K-pop រូបនេះបានស្ម័គ្រចិត្តផ្ដល់សក្ខីកម្មបន្ថែមពីរឿងរ៉ាវនៃការមិនអើពើ និងអយុត្តិធម៌ដែលខ្លួនបានជួបក្នុងនាមជាសិល្បករនៃផលិតកម្ម ADOR ដែលជាផលិតកម្មបុត្រសម្ព័ន្ធរបស់របស់ក្រុមហ៊ុន HYBE​។

បញ្ហានេះបានលេចឮជាលើកដំបូងនៅក្នុងការ Live មួយនៅលើ YouTube ដែលសមាជិកទាំង ៥បានធ្វើឡើងកាលពីថ្ងៃទី១១ ខែកញ្ញា​ ដោយ Hanni បានលើកឡើងថានាងបានធ្វើការរាក់ទាក់ដល់សិល្បករផ្សេងទៀតដែលស្ថិតនៅក្រោមក្រុមហ៊ុនមេតែមួយ តែបែរជាអ្នកគ្រប់គ្រងរបស់សិល្បករនេះ ប្រាប់ពួកគេកុំឱ្យខ្វាយខ្វល់ពីនាងទៅវិញ។ អ្នកគ្រប់គ្រងរូបនេះ ដោយក្រោយមកគេដឹងថាជាអ្នកគ្រប់គ្រងរបស់ក្រុមចម្រៀងនារី ILLIT បានចេញមុខប្រកែកនឹងការចោទប្រកាន់នេះ។

ទាក់ទងនឹងបញ្ហាខាងលើ Hanni បាននិយាយនៅក្នុងសវកម្មថា រឿងនេះមិនមែនកើតឡើងត្រឹមតែមួយដងនោះទេ ហើយមូលហេតុដែលនាងចេញមុខនិយាយបែបនេះ ក៏ដោយសារតែនាងមិនចង់ឱ្យអ្នកផ្សេងទៀតនៅក្នុងវិស័យមួយនេះទទួលបានបទពិសោធន៍ដូចជាខ្លួន។

តារាស្រីវ័យ ២០ឆ្នាំរូបនេះបានបន្តថា នាងបាននាំយកបញ្ហាខាងលើទៅប្រាប់ Kim Ju-young ដែរ តែនាយកប្រតិបត្តិការថ្មីរបស់ Ador រូបនេះហាក់មិនចេញមុខជួយនាងឱ្យពេញលេញទេ ដោយនាងបានត្រឹមដោះសាថា គ្មានភស្តុតាងគ្រប់គ្រាន់។

“ខ្ញុំបានមើលវីដេអូពីកាមេរ៉ាសុវត្ថិភាពដែរ តែវាមានប្រវែងត្រឹមតែ៨វិនាទីប៉ុណ្ណោះ។ ដោយឡែកវីដេអូប្រមាណ ៥០នាទីទៀតបែរជាបានបាត់ទៅវិញ។ នៅពេលដែលខ្ញុំសួរថាហេតុអ្វីបានជាបាត់ដូច្នេះ ការពន្យល់របស់គាត់ (Kim Ju-young) នៅក្នុងកិច្ចប្រជុំតែងតែប្រែប្រួលជានិច្ច រហូតដល់ចំណុចមួយគាត់បាននិយាយថា វីដេអូបានលុបបាត់ទៅហើយ” Hanni និយាយបែបនេះ។

តារាចម្រៀងដែលមានដើមកំណើត​វៀតណាមរូបនេះបានប្រាប់ទៅសមាជិកសភាបន្ថែមថា ដោយសារតែនាងមិនអាចស្ដាប់យល់ភាសាកូរ៉េបានទាំងអស់ ទើបនាងសម្រេចចិត្តថតកិច្ចសន្ទនានៅក្នុងការប្រជុំនោះទុកជាសំឡេងដើម្បីការពារក្នុងការឆកល្វែងព័ត៌មានសំខាន់ណាមួយ ដែលវាជាភស្តុតាងមួយដែលអាចបញ្ជាក់ថា​ ពួកគេពិតជាបានកុហកមែន។

ឆ្លើយតបនឹងការលើកឡើងនេះ Kim Ju-young ដែលបានចូលរួមជាសាក្សីម្នាក់ដែរក្នុងសវនកម្មនេះ បានច្រានចោលសម្ដីរបស់ Hanni ដោយគាត់បានពន្យល់ថា គាត់បានជឿជាក់លើអ្វីដែលសិល្បកររូបនេះបានប្រាប់​ ហើយគាត់ក៏ព្យាយាមស្វែងរកភស្តុតាងតាមអ្វីដែលខ្លួនអាចធ្វើបាន​ រួចទៅហើយដែរ។​

អតីតប្រធានផ្នែកធនធានមនុស្សរបស់ HYBE រូបនេះនិយាយថា៖ “យើងបានស្នើសុំការបញ្ជាក់ពីសិល្បករ និងអ្នកគ្រប់គ្រង់ម្នាក់នោះរួចមកហើយ។ ក្រោយមក យើងបានចាត់វិធានការគ្រប់បែបយ៉ាង រួមទាំងការព្យាយាមទាញយកវីដេអូពីការមេរ៉ាសុវត្ថិភាពដែលបានបាត់ដោយសារតែផុតកាលបរិច្ឆេទនៃការរក្សាទុកទៀតផង”។

បន្ថែមពីនេះ Hanni ក៏បានរៀបរាប់ពីការរើសអើងពីសំណាក់ក្រុមការងារ​ HYBE ដែលមានចំពោះនាង​ និងសមាជិកក្រុមដទៃទៀតផងដែរ។ ដំបូងឡើយ នាងគិតថា អាចគ្រាន់តែជាការយល់ឃើញផ្ទាល់ខ្លួនតែប៉ុណ្ណោះតែក្រោយពីប្រមូលបានភស្ដុតាងបន្ថែម ទើបនាងអាចសម្រេចបានថាវាជាការពិតដូចអ្វីដែលខ្លួនគិតមែន។ ម្ចាស់បទ Supernatural រូបនេះ បានអធិប្បាយថា ខ្លួនចាប់បានថាមានអ្នករិះគន់ និងព្យាយាមបន្ទាបបន្ថោកភាពជោគជ័យរបស់ក្រុមចម្រៀងខ្លួន។

ទន្ទឹមគ្នានោះ ចម្លើយរបស់ Kim Ju-young បានឆ្លើយតបទៅនឹងសមាជិកសភាថា ក្រុមហ៊ុននឹងទទួលយកការបញ្ចេញមតិរបស់សិល្បករខ្លួន និងរីករាយសហការយ៉ាងពេញទំហឹងជាមួយនឹងក្រសួងការងារក្នុងការការស៊ើបអង្កេតស្វែងរកការពិត។

គួរបញ្ជាក់ផងដែរថា ស្របពេលដែលគូបដិបក្ខទាំងពីបានបង្ហាញខ្លួននៅក្នុងសភានាថ្ងៃនោះ ដោយឡែកលោក Bang Si Hyuk បែរជាមិនបានបង្ហាញវត្តមាននោះទេ​។

លោក Park Hong Bae ដែលជាតំណាងនៃសមាជិកសភាម្នាក់បានរិះគន់ចំៗទៅលើស្ថាបនិក និងប្រធានក្រុមហ៊ុន HYBE រូបនេះថា ស្របពេលដែល Bang Si Hyuk ជាអ្នកដែលត្រូវចេញមុខទទួលខុសត្រូវទៅលើបញ្ហាមួយនេះ លោកបែរជាទៅរីករាយជាមួយនឹងដំណើរកម្សាន្តនៅសហរដ្ឋអាមេរិកទៅវិញ។ តំណាងរូបនេះបានបន្តថា លោក Bang គួរតែស្វែងយល់ពីភាពធ្ងន់ធ្ងន់នៃស្ថានភាពមួយនេះឱ្យបានច្រើនជាងនេះ។

លើសពីនេះ សេចក្ដីប្រកាសរបស់ HYBE អំពីផែនការសម្រាប់ត្រីមាសទី៤ឆ្នាំនេះ ក៏មិនមានគម្រោងចេញអាល់ប៊ុមថ្មីរបស់ NewJeans ដែរ បើទោះជា Min Hee Jin ធ្លាប់បង្ហើបថា NewJeans នឹងចេញអាល់ប៊ុមថ្មីនៅចុងឆ្នាំនេះក៏ដោយ។

មុននឹងបិទសវនកម្ម Hanni ធ្វើការថ្លែងអំណរគុណ​ចំពោះ​រដ្ឋសភា​ដែល​បាន​ផ្តល់​ឱកាស​មួយនេះ មុននឹងនាងបញ្ចប់សេចក្ដីរបស់ខ្លួនថា៖ “ខណៈដែលច្បាប់តែម្ខាងមិនអាចដោះស្រាយបញ្ហាទាំងអស់បាន ថ្នាក់មូលដ្ឋាននៃការគោរពគ្នាទៅវិញទៅមកក្នុងនាមជាមនុស្ស នឹងអាចកាត់បន្ថយបញ្ហានៃការបៀតបៀន និងគំរាមកំហែងនៅកន្លែងធ្វើការបាន”៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​



Leave a Reply

Your email address will not be published.Required fields are marked *