បវរកញ្ញាចក្រវាលកម្ពុជា ២០២២ កញ្ញា ហង្ស ម៉ានីតា បានទៅដល់ទឹកដីអាមេរិកហើយ និងបានត្រៀមខ្លួន ក្លាយជាតួអង្គទេព្ដាឆ្នាំថ្មី ព្រះនាម គោរាគៈទេវី នាទីក្រុងវត្តខេមរារាម ក្រុង Houston រដ្ឋTexas សហរដ្ឋអាមេរិក។ ហង្ស ម៉ានីតា បានខកខានមិនបានចូលរួមប្រកួត Miss World Cambodia 2025 ដោយសារមានភារកិច្ចនៅអាមេរិក ១ ឆ្នាំ ទើបមិនអាចចូលរួមប្រកួតក្នុងកម្មវិធី Miss World Cambodia 2025 ដូចការរំពឹងទុករបស់អ្នកគាំទ្រ។


ក្រោយទៅដល់អាមេរិក ហង្ស ម៉ានីតា បានចូលរួមកម្មវិធី ដើម្បីផ្សព្វផ្សាយពីវប្បធម៌ខ្មែរនៅទឹកដីនាយសមុទ្រមួយនោះ។ រូបភាពរបស់បវរកញ្ញាខ្មែររូបនេះ ច្រើនសន្លឹកត្រូវបានបង្ហោះឡើងដោយ Miss Cambodia ដែលស្ថិតនៅក្រោមការគ្រប់គ្រងរបស់លោក ម៉ែន និមលរ័ត្ន ដែលខ្លួនលោកផ្ទាល់ក៏កំពុងមានវត្តមាននៅអាមេរិកនោះដែរ។
គួរបញ្ជាក់ថា ស្អែកថ្ងៃ ១១ (នៅអាមេរិក) ហង្ស ម៉ានីតា នឹងត្រូវតែងតួជាព្រះនាង គោរាគៈទេវី ដែលប្រជាជនខ្មែររស់នៅទីនោះ បានរៀបចំកម្មវិធីដង្ហែទេព្ដាឆ្នាំថ្មី ហើយកម្មវិធីលេងល្បែងប្រជាប្រិយខ្មែរជាច្រើនប្រភេទទៀត។
ចំពោះមូលហេតុ ហង្ស ម៉ានីតា បានបញ្ជាក់ឲ្យដឹងថាដោយសារឆ្នាំ ២០២៥ នេះ នាងមានធុរៈផ្ទាល់ខ្លួនរយៈពេលមួយឆ្នាំពេញនៅសហរដ្ឋអាមេរិក ដូច្នេះហើយទើបកញ្ញា ហង្ស ម៉ានីតា អាចនឹងមិនបានទៅចូលរួមប្រកួត Miss World 2025 ទេតែទោះយ៉ាងណា ម៉ានីតា សន្យាថាឆ្នាំ ២០២៦ នាងនឹងមកយ៉ាងពិតប្រាកដ៕








រូបភាព៖ Manita Hang និង Miss Cambodia
























Account
Security
Favourite Content