បេសកកម្មនាំយកទង់ជាតិកម្ពុជាបង្ហាញលើឆាកអន្តរជាតិកំពុងដុះពន្លក ក្រោយបវរកញ្ញា ឈុំ ចាន់ដារ៉ា ទទួលបានវីសាទៅប្រកួតនៅប្រទេសប៉ូឡូញដូចបំណាង ដើម្បីបំពេញបំណងម្ដងរួចមកហើយ។ ទីបំផុត Miss Supranational Cambodia 2025 រូបនេះធ្វើបានហើយ។

មហាជនបានចូលរួមអបអរចំពោះសមិទ្ធផលដែលបវរកញ្ញា ឈុំ ចាន់ដារ៉ា ទទួលបាននាពេលនេះ ខណៈកាលឆ្នាំទៅមិញស្រីស្រស់ខកខានមិនបានចូលរួមប្រកួតក៏ព្រោះតែបញ្ហាទិដ្ឋាការនេះឯង។ កាលឆ្នាំ២០២៤ កញ្ញា ឈុំ ចាន់ដារ៉ា ទទួលបានឱកាសក្នុងការចេញទៅប្រកួតនៅប្រទេសប៉ូឡូញក្នុងតំណែងជា Miss Supranational Cambodia 2024 ប៉ុន្តែដោយសារតែមានការចម្រូងចម្រាស់លើបញ្ហាទិដ្ឋាការទើបកញ្ញាខកខាននិងមិនបានបង្ហាញវត្តមានក្នុងការប្រកួតនាពេលនោះ។
មកដល់ឆ្នាំ ២០២៥ ឈុំ ចាន់ដារ៉ា បានបន្តក្ដីស្រមៃរបស់ខ្លួនដោយបានឈានជើងចូល Miss Supranational ជាថ្មីម្ដងទៀតរហូតក្ដោបបានតំណែងជាម្ចាស់ជយលាភី Miss Supranational Cambodia 2025។ បវរកញ្ញាដែលមកទាំងកញ្ចប់រូបនេះមិនមានភាពញញើតក្នុងការបោះជំហានឈោងចាប់យកក្ដីស្រមៃក្នុងការនាំយកមុខមាត់ជាតិទៅកាន់ឆាកអន្តរជាតិនៅក្នុងឆ្នាំនេះនោះឡើយ។ រីឯជោគជ័យមួយទៀតរបស់កញ្ញាគឺការទទួលបានទិដ្ឋាការទៅកាន់ប្រទេសប៉ូឡូញដើម្បីចូលរួមប្រកួត Miss Supranational 2025។
គួរឱ្យដឹងដែរថា ការប្រកួត Miss Supranational 2025 នៅឯប្រទេសប៉ូឡូញនឹងរៀបចំធ្វើឡើងចាប់ពីថ្ងៃទី ៩ ដល់ថ្ងៃទី ២៨ ខែមិថុនា ឆ្នាំ២០២៥។ ចាំមើលថាតើ Miss Supranational Cambodia 2025 ធ្វើបានល្អកម្រិតណានៅលើឆាកអន្តរជាតិនាលើកនេះ?







រូបភាព៖Chhum Chandara























Account
Security
Favourite Content