សារព័ត៌មានចក្រភពអង់គ្លេស The Sun បានចុះផ្សាយពីតារាស្រី Arina Madix ដែលពេលនាងគ្រងឈុត Almée Couture ជាស្នាដៃកូនខ្មែរ នាគ្រាបង្ហាញខ្លួនចូលរួមសម្ពោធរឿងហូលីវូដ Wuthering Heights របស់តារាស្រី Margot Robbie និងតារាប្រុស Jacob Elordi។

កាលពីនារាត្រីថ្ងៃថ្ងៃ ២៨ ខែមករា ឆ្នាំ ២០២៦ Ariana Madix ត្រូវបានសារព័ត៌មាន Entertainmentnow និង The Sun ចុះផ្សាយ និងដាក់ចំណងជើងថា “រ៉ូប Couture និងសក់ពណ៌ត្នោតថ្មីរបស់ Ariana Madix បានទាក់ទាញចំណាប់អារម្មណ៍នៅក្នុងការចាក់បញ្ចាំងលើកដំបូងនៃរឿង ‘Wuthering Heights”។
Entertainmentnow បានរៀបរាប់បន្តថា កម្រាលព្រំក្រហមត្រូវបានតុបតែងដោយតារាល្បីៗជាច្រើន ហើយក៏មាន Ariana ដែរ។ ពិធីកររឿង “Love Island” បានទាក់ទាញចំណាប់អារម្មណ៍យ៉ាងខ្លាំងជាមួយនឹងរ៉ូប Couture និងសក់ពណ៌ត្នោតថ្មីដិតរបស់នាង។ តារាស្រីវ័យ ៤០ ឆ្នាំរូបនេះកំពុងឆក់យកការចាប់អារម្មណ៍ម្ដងទៀត ដោយធ្វើឱ្យអ្នកគាំទ្រភ្ញាក់ផ្អើលជាមួយនឹងរូបរាងថ្មីបំផុតរបស់នាងនៅក្នុងការចាក់បញ្ចាំងលើកដំបូងលើពិភពលោកនៃរឿង “Wuthering Heights” នៅហូលីវូដ រដ្ឋកាលីហ្វ័រញ៉ា កាលថ្ងៃ ២៨ កន្លងទៅ។


អ្នកគាំទ្របានចូលទៅផ្នែកមតិយោបល់របស់អ្នករចនាម៉ូដ ដោយសរសើរពីសម្រស់ Madix មើលទៅស្រស់ស្អាតនៅក្នុងរ៉ូប Almée Couture។ អ្នកគាំទ្រម្នាក់បានចែករំលែកថា “មែនហើយ នាងជាមនុស្សដ៏ល្អឥតខ្ចោះក្នុងការស្លៀកឈុតនេះ“។ ម្នាក់ទៀតបានចែករំលែកថា “នាងមើលទៅស្រស់ស្អាតណាស់” ខណៈពេលដែលមនុស្សជាច្រើនបានចែករំលែករូបសញ្ញាបេះដូងដែលត្រូវគ្នានឹងអាវ corset ពណ៌ក្រហមដិតរបស់រ៉ូប។
គួរបញ្ជាក់ថា Rosefire ជាឈុតដែលតារាស្រី Arina Madix គ្រងកាលពីពេលថ្មីៗនេះ ហើយឈុតនោះដែរជា collection ថ្មីរបស់ ALmée ដែលបានទៅដើរបង្ហាញនៅ Sanya Bridal Fashion Week 2025 កន្លងទៅថ្មីៗ។ មិនមែនតែសារព័ត៌មាន The Sun របស់ចក្រភពអង់គ្លេសទេ Entertainment Now ក៏ចាប់អារម្មណ៍ និងបានសរសើរពីឈុតដែល Ariana Madix ឈុតជាប្រេនកូនខ្មែរ Almée Couture ដូចគ្នា៕




























Account
Security
Favourite Content