មិនធម្មតា បេក្ខភាពមកពីខេត្តរតនគិរីម្នាក់ អន្ទងចិត្តគណៈកម្មការទាំង ៤ ក្នុងកម្មវិធីប្រឡងចម្រៀងលំដាប់ពិភពលោក Cambodian Idol រដូវកាលទី៥ ឱ្យផ្ដល់សន្លឹកមាសដល់ខ្លួនជាមួយបទចម្រៀងដែលច្រៀងជាភាសាចារាយរបស់ជនជាតិភាគតិច។

ឌុច សុភាព ជាបេក្ខភាពដែលមកពីខេត្តរតនគិរី មានតួនាទីជាមន្ត្រីនគរបាលការពារព្រំដែនគោក ប៉ុន្តែទឹកដមសំឡេង និងសមត្ថភាពក្នុងការច្រៀងអាចធ្វើឱ្យគណៈកម្មការកម្មវិធី Cambodian Idol រដូវកាលទី៥ ពេញចិត្ត ថែមទាំងផ្ដល់ជូនសន្លឹកមាសដោយមិនស្ទាក់ស្ទើរ។
នៅក្នុងវគ្គ Judge Audition នេះរាងប្លែកបន្តិច ខណៈបេក្ខភាពមកពីខេត្តរតនគិរីរូបនេះបានលើកយកចម្រៀងជាភាសាចារាយមកបកស្រាយ ដែលមានចំណងជើងថា «ភូមិនេះពីណាមិនទាន់មានសង្សារ»។ គួបផ្សំការលេងជាមួយភ្លេង និងសំឡេង ក៏ដូចជាកាយវិការសម្ដែងរួមជាមួយការស្លៀកពាក់ផងនោះ បេក្ខភាពរូបនេះឆក់បានបេះដូងគណៈកម្មការទាំងបួនរូបតែម្ដង។ បេក្ខភាពញញឹមស្រស់រូបនេះ បានបំពេញកាតព្វកិច្ចនៅលើឆាកចម្រៀងដ៏អស្ចារ្យមួយនេះបានយ៉ាងល្អរហូតទទួលបានសំឡេងគាំទ្រក្នុងកម្មវិធី Cambodian Idol រដូវកាលទី៥។




គួរបញ្ចាក់ដែរថា ការលើកយកបទចម្រៀង ជាភាសាចារាយជាការបង្ហាញប្រាប់ពីប្រពៃណីទំនៀមទម្លាប់របស់បងប្អូនជនជាតិភាគតិចនៅក្នុងខេត្តរតនគិរី ក៏ដូចជាបង្កើតនូវបរិយាកាសដ៏សែនរីករាយតាមរយៈការច្រៀងលេងកម្សាន្តបែបប្រពៃណីបងប្អូនជនជាតិផងដែរ៕























Account
Security
Favourite Content