ភាពខ្មៅងងឹតពីក្រោយការហ្វឹកហាត់ទម្រាំក្លាយជាតារាខេប៉ុប

ទម្រាំក្លាយខ្លួនជាតារាខេប៉ុបពិតជាមិនងាយស្រួលឡើយ តាមអ្វីដែលធ្លាប់ដឹង ធ្លាប់លឺ សមាជិកក្រុមម្នាក់ៗ សុទ្ធតែទទួលការហ្វឹកហាត់យ៉ាងតឹងតែង និងច្រើនដំណាក់កាលទើបត្រូវបានគេជ្រើសរើស។ ប៉ុន្ដែមិនសូវជាមានព័ត៌មានលម្អិតប៉ុន្មាននោះទេទាក់ទងនឹងការហ្វឹកហាត់ថា តើមានការលំបាកខ្លាំងដល់កម្រិតណា ឬជួបបញ្ហាអ្វីខ្លះ?

មែនទែនទៅ យោងតាមប្រភពព័ត៌មាន BBC ធ្លាប់មានអ្នកហ្វឹកហាត់ម្នាក់ឈ្មោះ Euodias បាននិយាយរៀបរាប់ពីជីវិតរបស់រូបនាងកំឡុងពេលហ្វឹកហាត់ដើម្បីកា្លយជាសមាជិកក្រុមចម្រៀងខេប៉ុប។ ដោយរូបនាងបានលើកឡើងថា សាកល្បងខ្លួនឯងហើយគឺនាងមិនចង់ក្លាយជាតារាអ្វីទៀតនោះទេ។

Euodias បានលើកឡើងថា រូបនាងបានហ្វឹកហាត់អស់រយៈពេល ២ ឆ្នាំ និងបានផ្លាស់ប្ដូរទីលំនៅពីប្រទេសអង់គ្លេស មកកាន់កូរ៉េខាងត្បូង។ ដើមឡើយរូបនាងគ្រាន់តែសាកល្បងដាក់ពាក្យប្រលងនៅពេលដែលធ្វើដំណើរមកលេងបងប្អូននៅកូរ៉េប៉ុណ្ណោះ ប៉ុន្ដែជាសំណាងល្អរូបនាងក៏ត្រូវបានគេជ្រើសជាប់ឱ្យក្លាយជាអ្នកហ្វឹកហាត់ក្នុងផលិតកម្មធំមួយ។

នាងបន្ដថា ផលិតកម្មដែលនាងហ្វឹកហាត់ពិតជាមានភាពតឹងរ៉ឹងខ្លាំង។ នាងត្រូវបានគេតម្រូវឱ្យរស់នៅក្នុងអគារស្នាក់នៅមួយជួបជុំគ្នាជាមួយអ្នកហ្វឹកហាត់ស្រីផ្សេងទៀតដែលមានអាយុចន្លោះពី ៩ ឆ្នាំ ទៅ ១៦ ឆ្នាំ។ ពួកនាងអាចចេញក្រៅបានតែពេលដែលត្រូវទៅរៀនប៉ុណ្ណោះ ផ្សេងពីនេះគឺមិនអនុញ្ញាតឱ្យចេញទៅណាមកណាឡើយ ពេលខ្លះបើទោះជាមានការសំខាន់ប៉ុណ្ណាក៏ខាងផលិតកម្មមិនអនុញ្ញាតឱ្យចេញដែរ។ ក្នុងករណីបងប្អូន ក្រុមគ្រួសារចង់មកជួបសួរសុខទុក្ខត្រូវសុំការអនុញ្ញាតពីក្រុមហ៊ុនជាមុនសិន បើមិនដូច្នេះមិនអាចចូលជួបបាននោះទេ។

នាងបន្ដទៀតថា ចំពោះការហ្វឹកហាត់ ជារៀងរាល់ថ្ងៃគ្រប់គ្នាត្រូវងើបតាំងពីម៉ោង ៥ ភ្លឺ ដើម្បីរៀនហាត់រាំមុនទៅសាលារៀន។ នៅពេលដែលរៀនចប់ពេលថ្ងៃត្រលប់មកវិញគឺនៅបន្ដហ្វឹកហាត់ រាំ ច្រៀង រហូតដល់ម៉ោង ១១ យប់ ឬដល់ម៉ោង ១ ភ្លឺ ទើបត្រលប់ទៅអគារស្នាក់នៅវិញ។ អ្វីដែលកាន់តែស្មុគស្មាញ អគារស្នាក់នៅគឺមានកំណត់ម៉ោងដែលត្រូវបិទទ្វារ ដូច្នេះហើយអ្នកហ្វឹកហាត់ត្រូវប្រញាប់ត្រលប់ទៅវិញឱ្យទាន់ម៉ោង បើមិនអ៊ីចឹងទេនឹងត្រូវដេកខាងក្រៅជាមិនខាន។ ដេកក្រៅជាបញ្ហាធំមួយ ប៉ុន្ដែអ្វីដែលសំខាន់នឹងត្រូវខាងផលិតកម្មស្ដីបន្ទោស ឬដាក់ពិន័យផ្សេងៗ។

ទាក់ទងនឹងការសេពគប់មានស្នេហាវិញគឺត្រូវបានហាមឃាត់ផ្ដាច់ការតែម្ដង ក្នុងករណីដែលអ្នកហ្វឹកហាត់ប្រុសជាភេទទី ៣ ពួកគេត្រូវបង្ខំឱ្យធ្វើខ្លួនស្វាហាប់ និងលាក់ពីអត្ដចរិតខ្លួន។ បើប្រឆាំងនឹងក្រុមហ៊ុនច្បាស់ជាត្រូវដកចេញ។

មួយវិញទៀត អ្នកហ្វឹកហាត់ទាំងអស់មិនដែលស្គាល់ថ្ងៃឈប់សម្រាក ឬថ្ងៃបុណ្យទានអ្វីឡើយ បើទោះជាបុគ្គលិកផ្សេងៗ ឈប់ទៅដើរលេងកម្សាន្ដអស់ អ្នកហ្វឹកហាត់ត្រូវនៅហាត់ដោយខ្លួនឯង ឬនៅអគារស្នាក់នៅមិនអនុញ្ញាតឱ្យចេញទៅណាឡើយ។

ជាមួយគ្នាដែរ អ្នកហ្វឹកហាត់ត្រូវបែងចែកជាពីរក្រុម គឺក្រុម A និងក្រុម B។ សម្រាប់ក្រុម A ជាក្រុមប្រជុំទៅដោយអ្នកមានសមត្ថភាពខ្លាំងៗ និងមានមនុស្សប្រមាណជា ២០ ទៅ ៣០ នាក់ប៉ុណ្ណោះ។ រីឯក្រុម B ជាក្រុមអ្នកហ្វឹកហាត់មានសមត្ថភាពមធ្យម និងមានមនុស្សច្រើនជាង ២០០ នាក់។ ក្រុម B ត្រូវហ្វឹកហាត់លើសអ្នកនៅឯក្រុម A រហូតដល់អ្នកខ្លះមិនបានដេក និងដេកនៅក្រុមហ៊ុនតែម្ដង។

បើនិយាយពីរឿងគីឡូវិញគឺកាន់តែគួរឱ្យខ្លាច ដោយសារតែមិនអាចបណ្ដោយខ្លួនលើសពី ៤៧ គីឡូឡើយ និងត្រូវថ្លឹងទម្ងន់ជាប្រចាំ។ ជាធម្មតាទម្ងន់របស់អ្នកហ្វឹកហាត់ម្នាក់ៗនឹងត្រូវប្រកាសឱ្យគ្រប់គ្នាបានដឹង ជាហេតុធ្វើឱ្យគ្រប់គ្នាមានការស្រ្ដេសខ្លាំង មិនហ៊ានហូបអ្វីផ្ដេសផ្ដាសទេ។ លើសពីនេះ មានអ្នកបង្អត់អាហារខ្លួនរហូតដល់ឈឺ អ្នកខ្លះមានសម្ពាធពេករហូតដល់មានជំងឺរាំងរដូវទៀតផង។ សូម្បីខ្លួននាងផ្ទាល់ក៏ធ្លាប់សន្លប់ដល់ទៅពីរដង ដោយសារហូបចំណីមិនគ្រប់គ្រាន់។

នាងបន្ថែមថា នៅកន្លែងហ្វឹកហាត់ពិតជាពិបាករកមិត្តភក្ដិល្អណាស់ ដោយសារតែគ្រប់គ្នាប្រៀបដូចជាសត្រូវ គូប្រកួតប្រជែង អ្នកខ្លាំងមានសមត្ថភាពទើបអាចនៅបន្ដបាន។ ជារៀងរាល់ខែត្រូវប្រឡងច្រៀងរាំ នៅចំពោះមុខអ្នកហ្វឹកហាត់ទាំងអស់ និងគ្រូបង្វឹកទៀត វាជាពេលវេលាដ៏ភ័យរន្ធត់ស្រ្ដេសខ្លាំងមួយ។ ជាក់ស្ដែង អ្នកខ្លះត្រូគេស្ដីឱ្យរហូតយំភ្លាមៗ ព្រោះធ្វើមិនសូវបានល្អ។

សម្រាប់អ្នកដែលមានក្ដីស្រមៃមុតមាំចង់ក្លាយជាតារាខេប៉ុបច្បាស់ជាត្រូវដេកភ័យរាល់យប់ ព្រោះបើប្រហែសតែបន្ដិចសមត្ថភាពចុះខ្សោយជាងមុននឹងត្រូវគេដកចេញ និងដាក់អ្នកផ្សេងមកជំនួសមិនខាន។ រីឯរឿង bully ធ្វើបាបគ្នាក៏ចៀសមិនផុតដែរ កំឡុងពេលនាងនៅជាអ្នកហ្វឹកហាត់ធ្លាប់មានរឿងអ្នកហ្វឹកហាត់ស្រីធ្វើបាបគ្នា ដោយសារអ្នកដែលមិនសូវពូកែ មុខមាត់មិនសូវស្អាតនឹងត្រូវគេនិយាយសើចចម្អក មើលងាយខ្លាំង។

សម្រាប់អ្នកហ្វឹកហាត់ណាដែលត្រូវបានជ្រើសចូលក្រុមត្រៀមចេញច្រៀង ពួកគេនឹងត្រូវបង្ខំឱ្យកែសម្ផស្ស ធ្វើច្រមុះ វះភ្នែកជាដើមប្រសិនបើចាំបាច់ខ្លាំង។ ជាក់ស្ដែង រូបនាងក៏បានត្រូវគេជ្រើសចូលជាសមាជិកក្រុមចម្រៀងមួយដែរ អ្វីដែលគេតម្រូវឱ្យរូបនាងធ្វើមុនគេគឺកែច្រមុះ និងមាត់ ដោយខាងក្រុមហ៊ុនលើកឡើងថា មិនទាន់ស្អាតគ្រប់គ្រាន់ត្រូវកែកុនថែមទៀត។

ជាលទ្ធផលរូបនាងក៏សម្រេចចិត្តដកខ្លួនចេញមិនធ្វើជាតារាចម្រៀងខេប៉ុបអ្វីឡើយ និងជ្រើសមករស់នៅជីវិតធម្មតាវិញ មិនចង់ក្លាយជាតារាទៀតទេ ដោយសារមានអារម្មណ៍ថាមិនសប្បាយចិត្ត និងមានសម្ពាធច្រើន។ អ្វីដែលសំខាន់នាងមានអារម្មណ៍ថាខ្លួនបាត់បង់សិទ្ធិសេរីភាពទាំងអស់ និងមិនអាចធ្វើអ្វីដែលខ្លួនចង់ធ្វើបានទេ។ តែយ៉ាងណាមិញ វាក៏ជាបទពិសោធន៍ជីវិតមួយដែលធ្វើឱ្យនាងកាន់តែចាស់ទុំ និងកាន់តែមានអំណត់អត់ធន់ច្រើន៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​