វិទ្យាស្ថានស្រាវជ្រាវពាណិជ្ជកម្មកូរ៉េកាលពីថ្ងៃទី១៧ ខែមេសា នេះបានបង្ហាញាថាក្រុមចម្រៀងបុរស BTS បានជាប់ចំណាត់ថ្នាក់លេខ ១ ជាកំពូលតារាដែលមានប្រជាប្រិយភាពបំផុតសម្រាប់ខែមេសានេះដោយចំណាត់ថ្នាក់លេខ ២ បានទៅលើក្រុមចម្រៀងបុរស Seventeen និងតាមពីក្រោយដោយក្រុម IVE នៅចំណាត់ថ្នាក់លេខ ៣។

នាយកនៃវិទ្យាស្ថាន លោក Koo Chang Hwan បាននិយាយថានៅក្នុងខែមេសា ឆ្នាំ២០២៥នេះ BTS បានក្ដាប់ជាប់ចំណាត់ថ្នាក់លេខ ១ ជាតារាមានកេរ្ដិ៍ឈ្មោះបំផុតដែលមានសមាជិកទាំង ៧ រូបដូចជា RM, Jin, SUGA, J-Hope, Jimin, V និង Jungkook។ លោកបានបន្ថែមថាការជាប់ចំណាត់ថ្នាក់លេខ ១ នេះផងដែរមិនមែនត្រឹមតែភាពស្រស់សង្ហា និងវត្តមាននៅលើឆាកតន្ដ្រីរបស់ BTS ឡើយ ប៉ុន្តែក៏មកទាំងព្រមជាមួយនឹងពាក្យគន្លឹះដែលបានប្រើប្រាស់នៅលើបណ្ដាញសង្គមសម្រាប់ភ្ជាប់ជាមួយនឹងកិត្តិយសរបស់ពួកគេមួយចំនួនទៀតដូចជា Donate=ការបរិច្ចាគ, Performance=ការសម្ដែង ឬសកម្មភាពរបស់សមាជិកក្រុម និង Release=ការបញ្ចេញបទចម្រៀងជាដើម។ ជាមួយគ្នានេះពាក្យគន្លឹះដែលត្រូវបានគេប្រើប្រាស់ភាគច្រើនសម្រាប់ភ្ជាប់ជាមួយនឹង BTS មានដូចជា ARMY សំដៅទៅដល់ក្រុមអ្នកគាំទ្រ, Billboard និង military hiatus =ការផ្អាកផ្នែកយោធា។

គួរឱ្យដឹងផងដែរថាសន្ទស្សន៍កេរ្ដិ៍ឈ្មោះនៃក្រុមតារាចម្រៀងខេប៉ុបគឺជារង្វាស់ដែលបង្កើតឡើងផ្អែកទៅលើការវិភាគទិន្នន័យធំៗដោយកំណត់ពីរបៀបដែលអ្នកគាំទ្របានបង្ហាញពីអាកប្បកិរិយា និងសកម្មភាពចំពោះអាយដលរបស់ខ្លួន។ ការវិភាគអំពីប្រជាប្រិយភាព និងកេរ្ដិ៍ឈ្មោះរបស់អាយដលនេះត្រូវបានវាយតម្លៃដោយរួមបញ្ចូលទាំងការយល់ឃើញជាវិជ្ជមាន និងអវិជ្ជមាន ចំណាប់អារម្មណ៍ប្រព័ន្ធផ្សព្វផ្សាយ ការចូលរួមរបស់អ្នកលេងអ៊ីនធឺណេត និងចំនួននៃការទំនាក់ទំនងផងដែរ។ មិនត្រឹមប៉ុណ្ណេះដើម្បីទទួលបានសន្ទស្សន៍នៃកេរ្ដិ៍ឈ្មោះ ឬប្រជាប្រិយភាពទាំងមូលបែបនេះ ក្រុមចម្រៀងខេប៉ុបទាំងអស់មិនថាផ្នែកបុរស ឬនារីឡើយគឺត្រូវតែមានការរួមបញ្ចូលគ្នាពីចំណែកផ្សេងៗទៀតដូចជាសន្ទស្សន៍ការចូលរួមសកម្មភាពនានាទាំងជាតិ និងអន្ដរជាតិ សន្ទស្សន៍ប្រព័ន្ធផ្សព្វផ្សាយ សន្ទស្សន៍ទំនាក់ទំនង និងសន្ទស្សន៍សហគមន៍ៀងដែរ។
ដូច្នេះចំពោះតារារូបណា ឬក្រុមចម្រៀងមួយណាដែលទទួលបានចំណាត់ថ្នាក់កំពូលជាតារាមានប្រជាប្រិយភាពបំផុតមានន័យថាទាល់តែពួកគេបានបំពេញគ្រប់ផ្នែកតូចៗទាំងអស់ដូចដែលបានរៀបរាប់ខាងលើទើបអាចក្ដោបជាប់តំណែងមួយនេះ៕
























Account
Security
Favourite Content