កាលពីខែ សីហា ឆ្នាំ ២០២៣ កន្លងទៅ ប្រភពព័ត៌មានកូរ៉េបានឲ្យដឹងថា សមាជិកក្រុមចម្រៀងនារីល្បី BLACKPINK គឺ Jisoo នឹងត្រៀមបង្ហាញខ្លួនក្នុងរឿងភាគថ្មីបែប Zombie។ រឿងនោះមានចំណងជើងថា “Influenza”។ ក្រោយមកនៅដើមខែ ធ្នូ ឆ្នាំ ២០២៣ រូបនាងក៏បានបញ្ជាក់ជាផ្លូវការខ្លួននឹងត្រៀមបង្ហាញមុខក្នុងរឿងភាគ “Influenza” ឆាប់ៗ នេះ។


ជាមួយគ្នាដែរ Jisoo ត្រូវបានរាយការណ៍ថានឹងសម្ដែងជាតួ Young Ju ជាក្មេងស្រីម្នាក់ទើបបាត់បង់ស្នេហា និងព្យាយាមកាត់ចិត្តធ្វើឱ្យជីវិតនាងប្រសើរឡើង តែក៏ធ្លាក់ក្នុងសុបិនអាក្រក់មិនធ្លាប់ស្មានដល់ និងជួបហេតុការណ៍ខ្មោចឆៅ Zombie លុកលុយទីក្រុង ខណៈដែលនាងត្រូវតស៊ូរត់គេចដើម្បីរស់រានមានជីវិត។


នៅថ្ងៃទី ៨ ខែ មករា ឆ្នាំ ២០២៤ Jisoo ត្រូវបានមហាជន និងអ្នកគាំទ្រប្រទះឃើញកំពុងថតរឿងថ្មី ជាមួយក្រុមការងារជាច្រើននាក់នៅតំបន់ Korea residential area។ បើតាមសម្ដីរបស់អ្នកមានវត្ដមាននៅទីនោះ រូបនាងកំពុងថតរឿង “Influenza”។ រឿងនេះដែរ នឹងមានការចូលរួមសម្ដែងពីតារាប្រុស Park JungMin ផងដែរ។
អ្នកគាំទ្រជាច្រើនបានបង្ហាញអារម្មណ៍រីករាយដោយសារតែទីបំផុត Jisoo បានត្រឡប់មកសម្ដែងជាតួឯកស្រីក្នុងរឿងភាគវិញហើយ ដោយរឿងភាគដែលនាងសម្ដែងចុងក្រោយគឺរឿង Snow Drop ដែលបានចេញផ្សាយតាំងតែពីឆ្នាំ ២០២១។ រឿងនេះរំពឹងថា នឹងអាចចាក់ផ្សាយនៅចុងឆ្នាំ ២០២៤ ឬដើមឆ្នាំ ២០២៥។


គួរបញ្ជាក់ថា អាជីពសិល្បៈរបស់ Jisoo នាពេលបច្ចុប្បន្ន រូបនាងបានបន្ដកុងត្រាផ្សព្វផ្សាយជាក្រុមជាមួយសមាជិក BLACKPINK ដទៃទៀត។ សម្រាប់សកម្មភាពទោលរបស់នាង មិនទាន់ត្រូវបានបញ្ជាក់ថានឹងត្រូវចូលរួមជាមួយផលិតកម្ម ឬក្រុមហ៊ុនណានោះទេ។ Jisoo នឹងផ្ដោតលើទាំងការសម្ដែង និងច្រៀងនៅក្នុងឆ្នាំថ្មី ឆ្នាំ ២០២៤ នេះ៕

























Account
Security
Favourite Content