តារាកូរ៉េ ៥ រូប តស៊ូជម្នះជំងឺមហារីករហូតទាល់ជាសះស្បើយ

មហារីកជាជំងឺកាចសាហាវមួយ ប្រសិនបើអ្នកកើតជំងឺនេះមិនមានភាពរឹងមាំ និងតស៊ូនោះទេ ពួកគេអាចនឹងត្រូវជំងឺមួយនេះឆក់យកជីវិតជាមិនខាន។ ជាមួយគ្នាដែរ តារាកូរ៉េ ៨ រូប ធ្លាក់ខ្លួនកើតជំងឺមហារីក ប៉ុន្ដែមិនចុះចាញ់ ខិតខំតស៊ូជម្នះលើជំងឺមហារីក។

១.Kim WooBin

តារាសម្ដែងប្រុស Kim WooBin បានរកឃើញថា លោកកើតជំងឺមហារីកបំពង់ក នៅក្នុងឆ្នាំ ២០១៧ ដោយលោកចាប់ផ្ដើមមានអាការហូរឈាមច្រមុះខុសប្រក្រតី។ ជំងឺមហារីក បានធ្វើឲ្យតារាប្រុស Kim WooBin ត្រូវសម្រាកពីសិល្បៈអស់រ​យៈពេលជាង ២ ឆ្នាំ។ លោកចាប់ផ្ដើមវិលត្រលប់ចូលសិល្បៈវិញ នៅក្នុងឆ្នាំ ២០១៩ ដោយទទួលថតរឿងខ្លីៗ សិនជាជំហានដំបូង។ រហូតដល់ឆ្នាំ ២០២២ លោកបង្ហាញមុខក្នុងរឿងភាគមានចំណងជើងថា “Our Blues”។ លោកធ្លាប់បង្ហាញពីអារម្មណ៍កំលុងពេលប្រឆាំង និងជំងឺមហារីកថាលោកមានភាពភ័យខ្លាច ជាពិសេសខ្លាចមិនអាចសម្ដែងតទៅទៀត ជាហេតុធ្វើឲ្យលោកចាប់ផ្ដើមស្រកគីឡូ ទាំងសុខភាពផ្លូវកាយ និងផ្លូវចិត្ដ សុទ្ធតែចុះខ្សោយ។ ជំងឺមហារីក បានបង្រៀនឲ្យលោកចេះស្រឡាញ់មើលថែសុខភាព និងចំណាយពេលវេលាជាមួយក្រុមគ្រួសារ។

២.Nam WooHyun សមាជិកក្រុម INFINITE

នៅចុងឆ្នាំ ២០២៣ តារាប្រុស Nam WooHyun សមាជិកក្រុម INFINITE បានទម្លាយខ្លួនមានជំងឺមហារីកកម្រម៉្យាង គឺជាមហារីកក្រពះពោះវៀន (Gastrointestinal Stromal Tumor)។ ដុំសាច់មហារីកដែលនៅក្នុងខ្លួនរបស់លោក ត្រូវចំណាយពេលប្រមាណជា ១០ ម៉ោងក្នុងការវះកាត់យកចេញ។ ផ្នែកពោះរបស់លោកត្រូវវះកាត់ប្រវែង ២០ សង់ទីម៉ែត្រ។ បើទោះជាដុំសាច់ត្រូវបានវះយកចេញ ប៉ុន្ដែលោកនៅតែបន្ដតាមដានពីសុខភាពរបស់ខ្លួន ដើម្បីប្រាកដថាវាជាសះស្បើយពិតប្រាកដ។ លោកនឹងធ្វើតេស្ដជាថ្មីម្ដងទៀត ក្នុងឆ្នាំ ២០២៤។

៣.Uhm JungHwa

តួឯកស្រីក្នុងរឿង Doctor Cha ក៏ធ្លាប់ជួបបទពិសោធន៍កើតជំងឺមហារីកផងដែរ។ រូបនាងបានបាត់មុខពីវិស័យសិល្បៈអស់រយៈពេលប្រមាណជា ៨ ឆ្នាំ ដោយសារជំងឺមហារីកក្រពេញទីរ៉ូអ៊ីត។ បន្ទាប់ពីទទួលការព្យាបាលអស់រយៈពេលជាច្រើនឆ្នាំ រូបនាងត្រូវបានរាយការណ៍ថា ជាសះស្បើយ និងត្រលប់ចូលសិល្បៈវិញ។ ក្នុងវ័យ ៥៤ ឆ្នាំ នាងនៅតែបន្ដសកម្មភាពក្នុងវិស័យសិល្បៈ​ ទាំងការសម្ដែង និងច្រៀង។ តារាស្រី Uhm JungHwa ធ្លាប់លើកឡើងថា ជំងឺនេះជាបទពិសោធន៍ជូរចត់មួយសម្រាប់ជីវិតនាង។

៤.Park Sodam

តួស្រីក្នុងរឿង Parasite ត្រូវបានរាយការណ៍ថាមានជំងឺមហារីកក្រពេញទីរ៉ូអ៊ីត ក្នុងឆ្នាំ ២០២១។ នាងបានរកឃើញថាខ្លួនមានជំងឺមហារីក កំលុងពេលទៅពិនិត្យសុខភាពប្រចាំខែ។ នាងចាប់ផ្ដើមទទួលការព្យាបាលភ្លាមៗ ក្រោយពីបានដឹងថា ខ្លួនជាប់មានជំងឺមហារីក។ ការព្យាបាលធ្វើឲ្យរូបនាងអវត្ដមានពីការផ្សព្វផ្សាយភាពយន្ដ “Special Cargo”។ បច្ចុប្បន្ន នាងកំពុងស្ថិតក្នុងដំណាក់កាលជាសះស្បើយ។

៥.Choi Yena សមាជិកក្រុម IZ*ONE

តារាចម្រៀងស្រីទោល Choi Yena និងអតីតសមាជិកក្រុម IZ*ONE។ រូបនាងជាប់មានជំងឺមហារីកកូនកណ្ដុរ តាំងពីនៅវ័យក្មេង។ ជំងឺរបស់នាងដើមឡើយត្រូវបានរាយការណ៍ថាមានសភាពធ្ងន់ សូម្បីតែក្រុមគ្រូពេទ្យក៏អស់សង្ឃឹម។ តែទោះជាយ៉ាងណាក្ដី ម្ដាយឳពុក និងក្រុមគ្រួសាររបស់នាង មិនបានបោះបង់ចោលឡើយ និងបន្ដព្យាបាលរបស់នាង។ រហូតដល់ចុងក្រោយ រូបនាងក៏ជាសះស្បើយ និងអាចក្លាយជាតារាខេប៉ុបផងដែរ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​