ចូលរួមការដើរបង្ហាញម៉ូតនៅប្រទេសអូស្ត្រាលីនាលើកនេះអ្នករចនាម៉ូតកម្ពុជា អូលីវ៉ា គង់ បានដឹកដៃម៉ូដែលតូច ឡឺរេន បង្ហាញភាពអស្ចារ្យនៃខូលិកសិនសម្លៀកបំពាក់ខ្មែរលើឆាកអន្តរជាតិទទួលបានការគាំទ្រ និងសរសើរព្រោងព្រាតពីមហាជន។

នេះមិនមែនជាលើកទី១ នោះទេដែលអ្នកច្នៃម៉ូត អូលីវ៉ា គង់ ដឹកនាំតារាបង្ហាញម៉ូតក្នុងស្រុកចូលរួមកម្មវិធី Fashion Show នៅក្រៅប្រទេស។ ដោយឡែក សម្រាប់កម្មវិធីបង្ហាញម៉ូត Lakme Sydney Australia នាលើកនេះ អូលីវ៉ា គង់ បានចាកចេញពីមាតុប្រទេសជាមួយកូនសិស្សសំណព្វ ឡឺរេន ដើម្បីចូលរួមការដើរនៅប្រទេសអូស្ត្រាលី។
ទោះបីជាពេលវេលាមិនសូវគ្រប់គ្រាន់ក៏ពិតមែនតែអ្នកច្នៃម៉ូតដ៏ជំនាញរូបនេះបានត្រៀមស្រេចជាមួយឈុតសម្លៀកបំពាក់នៃប្រេន KALKIN របស់ខ្មែរ ដើម្បីយកទៅបង្ហាញឱ្យប្រទេសនាប៉ែកអឺរ៉ុបមួយនេះបានឃើញជាពិសេសបងប្អូនខ្មែរដែលរស់នៅក្នុងប្រទេសអូស្ត្រាលីតែម្ដង។ សម្រាប់ការដើរម៉ូតនាលើកនេះដែរ ឡឺរេន ត្រូវបានដើរបើក Show នៅក្នុងកម្មវិធីជាមួយការបង្ហាញឈុតដ៏ស្រស់ស្អាតដែលជាថ្វីដៃច្នៃម៉ូតដោយ អូលីវ៉ា គង់ ព្រមជាមួយតារាក្រៅស្រុកជាច្រើនរូបទៀត។





ទម្រាំអាចទៅដើរបង្ហាញម៉ូតនាលើកនេះបានទាំង អូលីវ៉ា គង់ និង ឡឺរេន បានជួបឧបសគ្គខ្លះៗដែរ តែទីបំផុតនៅតែអាចធ្វើបានយ៉ាងល្អជាមួយការនាំយកសម្លៀកបំពាក់ដែលច្នៃពីខូលិកសិនប្រេនរបស់ខ្មែរបង្ហាញឱ្យបរទេសបានឃើញ និងស្គាល់ពីសមត្ថភាពរបស់កូនខ្មែរ៕
ចុចទីនេះទស្សនាការដើរ Show របស់កំពូលអ្នកច្នៃម៉ូត អូលីវ៉ា គង់ និង ឡឺរ៉េន ក្នុងឈុតប្រេន KALKIN ៖ https://www.facebook.com/reel/1427919351580596
រូបភាព ៖ ផ្ដល់ដោយ Oliva Kong

























Account
Security
Favourite Content