កាលពីថ្ងៃសៅរ៍ទី ៨ ខែមិថុនា កន្លងទៅអ្នកជំនួញអនឡាញដ៏ល្បីឈ្មោះបោះសំឡេង ម៉ែរួយ បានប្រកាសទូតសុឆន្ទៈឲ្យផលិតផលជាច្រើនរបស់ខ្លួន ក្រោយជោគជ័យជិត ១០ ឆ្នាំមកនេះ។ ក្នុងកម្មវិធីដ៏ធំដែលប្រារព្ធឡើងនៅផ្សារ Aeon 2 នោះ មានអ្នកគាំទ្រច្រើនខ្លាំង រហូតដល់ជា់ទី២ ៣ នៃផ្សារ ទំនើប។

វត្តមានព្រះនាង នរោត្តម ជេនណា ដែលជា BA ធំរបស់ប្រេន ម៉ែរួយ ញ៉ាំងឲ្យកម្មវិធីរឹតតែទទួលបានការចាប់អារម្មណ៍ខ្លាំង ព្រោះអ្នកដែលបានចូលរួម និងឆ្លងកាត់កន្លែងប្រារព្ធកម្មវិធីកុងត្រាទូតសុឆន្ទៈសុទ្ធតែភ្ញាក់ផ្អើលជាមួយសម្រស់ ព្រមជាមួយអ្នកតំណាងជាង ១០ នាក់ផ្សេងទៀត ដែលជាបុគ្គលមានឈ្មោះបោះសំឡេងលើបណ្ដាញសង្គមទាំងហ្វេសប៊ុក និង តិកតុក។
ព្រះនាង នរោត្តម ជេនណា ដែលជាសែរាជវង្សកំពុងទទួលបានការគាំទ្រខ្លាំងពីសំណាក់មហាជនបានអះអាងថា ការទទួលធ្វើជាអ្នកតំណាងផលិតផលរបស់ក្រុមហ៊ុន ម៉ែរួយ ព្រោះបានសាកល្បងប្រើប្រាស់ផ្ទាល់ និងទទួលបានផលល្អពិតៗ។ មួយវិញទៀតព្រះនាង ក៏បានកោតសរសើរ ម៉ែរួយ ថាជាមនុស្សស្រីមានចិត្តល្អ ចេះជួយសុខទុក្ខអ្នកដទៃ និងជាមនុស្សស្រីមានចំណេះដឹង ជួយបង្ហាត់បង្ហាញផ្លូវ សម្រាប់បុគ្គលទន់ខ្សោយដទៃទៀតផង។ ព្រះនាងតូច ជេនណា ទ្រង់គឺជាអ្នកតំណាងសាប៊ូកក់សក់ឲ្យប្រេនរបស់ ម៉ែរួយ ដែល ជាផលិតផលថ្មី។

ចំណែកម្ចាស់ប្រេនដែលមានឈ្មោះពិត ស្រី ណារួម ហៅ ម៉ែរួយ បានលើកឡើងថាជាង ៧ ឆ្នាំមកនេះ លោកស្រីបានខិតខំផ្សព្វផ្សាយ និងធ្វើទីផ្សារតែម្នាក់ឯង ទទួលបានជោគជ័យ ហើយពេលនេះជាលើកដំបូងដែលធ្វើពិធីបង្ហាញ BA ព្រោះដល់ពេលឲ្យអ្នកតំណាងមកជួយផ្សព្វផ្សាយផលិតផលបន្ថែមទៀត។ លោកជំទាវឧកញ៉ាដែលល្បីល្បាញផ្នែកអនឡាញបានបញ្ជាក់ច្បាស់ៗពីការនាំចូលមកឲ្យអតិថិជនប្រើថា បើផលិតផលនោះមិនសាក មិនប្រើ ឬប្រើមិនត្រូវ ក៏លោកជំទាវឧកញ៉ាមិនលក់ឲ្យអ្នកគាំទ្រដែរ។ អ្នកជំនួញអនឡាញរូបនេះឲ្យដឹងទៀតថា កន្លងមកលោកស្រីមិនធ្លាប់ធ្វើកម្មវិធីដ៏ធំបែបនេះឡើយ ត្រឹមការជួបជុំតំណាងចែកចាយប្រចាំឆ្នាំប៉ុណ្ណោះ តែលើកនេះកុងត្រា BA ជាង ១០ នាក់ ហើយព្រះនាង ជេនណា គឺជា brand Ambassador ធំ។
សម្រាប់កម្មវិធីចុះកុងត្រា BA ជាង ១០ រូបមានកម្មវិធីសម្ដែងពិសេសរបស់ក្រុមបងប្អូនភេទទី ៣ ព្រមទាំងរបាំអប្សរាថែមទៀត។ ក្រៅពីព្រះនាងតូច ជេនណា នាដការីដ៏ល្បីលំដាប់ប្រទេស សុខគា គឹមលាង ហៅ Kon Ant, តារាសម្ដែងសាច់ចាំ លី ម៉ារីណា, តារាកំប្លែង ស្រីអ៊ីត ព្រមជាមួយកូនស្រី ណាន ណាន, តារាតិកតុក សុខ លីន,សារ៉ា, ផាត់ តាភូ ,អោម វិច្ឆិកា, Fa Fa និង ប៉ែន ចាន់សិទ្ធ។
បន្ថែមពីនោះក៏មានការដើរម៉ូដបង្ហាញផលិតផលរបស់ក្រុមហ៊ុន រួយ Infinity រាប់សិបមុខ ដែលសុទ្ធសឹងតែទទួលបានការគាំទ្រពីសំណាក់អតិថិជនរួចមកហើយ៕




























Account
Security
Favourite Content