ការប្រកាសលែងលះគ្នារបស់តារាប្រុសជើងចាស់ហុងកុង Roger Kwok និង ភរិយា Cindy Au បានធ្វើឲ្យមហាជន និងអ្នកគាំទ្រជាច្រើនហាក់ការភ្ញាក់ផ្អើល ព្រមទាំងមានការសោកស្ដាយ។ អ្នកទាំងពីរបានចាប់ដៃគ្នាសាងគ្រួសារយ៉ាងមានសុភមង្គលអស់រយៈពេល ១៨ ឆ្នាំទៅហើយ។


យោងតាមប្រភពព័ត៌មាន The Star បានឲ្យដឹងថា តារាប្រុស Roger Kwok មានទ្រព្យសម្បត្ដិសរុបក្នុងដៃប្រមាណ ៩០ លានដុល្លារហុងកុង ឬប្រហែល ១១.៥ លានដុល្លារអាមេរិក។ ទ្រព្យសម្បត្ដិនោះ រួមមានទាំងអគារ ផ្ទះ និងផ្សេងៗទៀត។
ភរិយារបស់លោក តារាស្រី Cindy Au បានសម្រេចមិនដាក់ឈ្មោះក្នុងទ្រព្យសម្បតិ្ដរបស់តារាប្រុស Roger Kwok ឡើយ ដើម្បីបញ្ចៀសមានបញ្ហា ឬជម្លោះផ្សេងៗ។ ឈ្មោះកូនទាំងពីររបស់ Roger Kwok ក៏មិនត្រូវបានដាក់ចូលក្នុងបញ្ជីទ្រព្យសម្បត្ដិរបស់លោកដូចគ្នា។ បើតាមការបញ្ជាក់របស់តារាប្រុសរូបនេះ ធ្លាប់បានលើកឡើង លោកមានគម្រោង បរិច្ចាគទ្រពសម្បត្ដិរបស់លោកមួយផ្នែកធំ ជួយដល់សង្គម ដោយសារលោកគិតថា មានមនុស្សខ្វះខាតជាច្រើនកំពុងត្រូវការវា។


គួរបញ្ជាក់ថា តារាប្រុស Roger Kwok និង ភរិយា Cindy Au សម្រេចចិត្ដដឹកដៃគ្នាចូលរោងមង្គលសាងគ្រួសារកក់ក្ដៅ នៅក្នុងឆ្នាំ ២០០៦ បន្ទាប់ពីសេពគប់គ្នាមួយរយៈ។ អ្នកទាំងពីរទទួលបានចំណងដៃកូន ២ នាក់ ដោយកូនប្រុសបច្ចុប្បន្ន មានអាយុ ១៦ ឆ្នាំ និងកូនស្រីមានអាយុ ១២ ឆ្នាំ៕


























Account
Security
Favourite Content