មហោស្រពសៀកអន្តរជាតិ «ទីនេះទីនោះ» លើកទី១១ ធ្វើឡើងចុងសប្តាហ៍នេះ

មហោស្រព​សៀក​អន្តរជាតិ«ទីនេះទីនោះ» លើក​ទី​១១ បាន​កំពុង​ត្រឡប់​មក​វិញ​ម្ដង​ទៀត​ហើយ ដោយ​នឹង​​ប្រព្រឹត្ត​ទៅ​នៅ​ខេត្ត​បាត់ដំបង ចាប់ពី​ថ្ងៃ​ទី​២៩ ខែ​ឧសភា ដល់​ថ្ងៃ​ទី៣ ខែ​មិថុនា ឆ្នាំ ២០២២។ មហោស្រព​សៀក​អន្តរជាតិ «ទីនេះទីនោះ» គឺជា​មហោស្រព​សៀក​អន្តរជាតិ​ដែល​នាំ​យក​សិល្បករ សិល្ប​ការិនី​ជាច្រើន​នៅ​ជុំវិញ​ពិភពលោក​មក​បង្ហាញ​សមត្ថភាព​នៃ​ការ​សម្ដែង​សៀក​របស់​ពួកគេ​នៅ​តាម​ដង​ផ្លូវ និង​ទី​ប្រជុំ​ជន​នានា​នៅ​ក្នុង​ប្រទេស​កម្ពុជា។

មហោស្រព​នេះ រួមមាន​សិល្បករ សិល្ប​ការិនី មកពី​ប្រទេស​កម្ពុជា ថៃ តៃវ៉ាន់ និង​បារាំង ដែល​នឹង​មក​ប្រមូល​ផ្ដុំ​គ្នា​នៅ​ទី​​ក្រុង​បាត់ដំបង ដើម្បី​ធ្វើ​ការ​សម្ដែង ចែក​រំលែក​បទពិសោធន៍ ចំណេះ​ដឹង ជាមួយ​សិស្ស​សៀក ក្នុង​ន័យ​បំផុត​គំនិត​ពួកគេ​ឱ្យ​ដើរ​តាម​ក្ដី​ស្រមៃ​ក្នុង​វិថី​សិល្បៈ។

រយៈពេល ៦ ថ្ងៃ​នៃ​មហោស្រព​សៀក​អន្តរជាតិ «ទីនេះ​ទីនោះ» នឹង​នាំ​យក​មក​នូវ​ការ​សម្ដែង​សៀក​ខុស​ប្លែក​គ្នា ថ្មី​ៗ រៀងរាល់​ល្ងាច​នៅ​ក្នុង​តង់​សម្ដែង​នៃ​សមាគម​ហ្វារ​ពន្លឺ​សិល្បៈ។ អ្វី​ដែល​ពិសេស​នោះ គឺ​លោក​អ្នក​អាច​ចូលរួម​ជាមួយ​សកម្មភាព​សិល្បៈ​ទស្សនា​​ការ​សម្ដែង​ខ្លី​ៗ​ដោយ​ឥតគិតថ្លៃ និង​ភ្លក់​រសជាតិ​អាហារ​ក្នុង​ស្រុក​ឆ្ងាញ់​ៗ​ផង​ដែរ។ 

សម្រាប់​ពិធី​បើក​មហោស្រព​សៀក ដែល​ត្រូវ​នឹង​ថ្ងៃ​ទី ២៩ ខែ​ឧសភា ក៏​នឹង​មាន​ក្បួន​ដង្ហែ​តុក្កតា​យក្ស និង​សៀក​នៅ​តាម​ដង​ផ្លូវ​នៃ​ក្រុង​បាត់ដំបង​ផង​ដែរ។ ចំណែកថ្ងៃទី៣ ខែ​មិថុនា ដែល​ជា​ថ្ងៃ​បង្ហើយ​កម្មវិធី នឹង​មាន​ការ​ប្រគំ​តន្ត្រី​ចុងក្រោយ ដោយ​ក្រុម​តន្ត្រី​ហ៊ីបហប «ក្លាប​យ៉ាហែន» ផង​ដែរ។ គោល​បំណង​ធំ​នៃ​មហោស្រព​នេះ​សៀក​អន្តរជាតិ​នេះ គឺ​នាំ​ឱ្យ​មាន​ការ​បំផុស​គំនិត​ដល់​យុវជន ជំរុញ​ឱ្យ​មាន​ការ​ចូលរួម​ពី​សហគមន៍​មូលដ្ឋាន លើក​កម្ពស់​សិល្បៈ​ក្នុង​សង្គម​កម្ពុជា នាំ​មក​នូវ​ការ​រួបរួម និង​ការ​យល់​ដឹង​ពី​តម្លៃ​រួម​គ្នា។

«ការ​នាំ​យក និង​រៀបចំ​មហោស្រព​សិល្បៈ គឺជា​ផ្នែក​មួយ​នៃ​យុទ្ធសាស្ត្រ​របស់​ហ្វារ ដើម្បី​នាំ​យក​សិល្បៈ​ទៅ​កាន់​ប្រជាជន និង​ចូល​រួម​ជាមួយ​សហគមន៍ ដើម្បី​កសាង​អត្តសញ្ញាណ​វប្បធម៌​បេតិកភណ្ឌ​រួម​គ្នា។ យើង​សង្ឃឹម​ថា ការ​នាំ​មក​នូវ​មហោស្រព​សិល្បៈ នឹង​ជួយ​លើក​មុខ​មាត់​ខេត្ត​បាត់ដំបង ដែល​ជា​ខេត្ត​នៃ​មជ្ឈមណ្ឌល​សិល្បៈ និង​វប្បធម៌​ច្នៃ​ប្រឌិត​របស់​ប្រទេស​កម្ពុជា»។ នេះ​បើ​តាម​ប្រសាសន៍​លោក អូស្មាន់ ខាវ៉ាចា។ 

លោក​បន្ត​ថា៖ «យើង​ពិត​ជា​មាន​សេចក្ដី​សោមនស្ស​រីករាយ​ដែល​យើង​បាន​ទទួល​ការ​គាំទ្រ​ពី​អភិបាល​ខេត្ត​បាត់ដំបង ក្រោយ​ពី​យើង​មាន​ការ​លុប​ចោល​ព្រឹត្តិការណ៍​នេះ​ម្តង​ហើយ​កាល​ពី​ឆ្នាំ ២០២០ ដោយសារ​ជំងឺ​កូវីដ​រាតត្បាត។ ចាប់តាំង​ពី​មាន​ការ​បើក​ច្រក​ព្រំដែន​ឡើង​វិញ​នៅ​ក្នុង​ប្រទេស​កម្ពុជា​មក យើង​ច្បាស់​ណាស់​ថា ព្រឹត្តិការណ៍​មហោស្រព «ទីនេះទីនោះ» ឆ្នាំ​នេះ នឹង​នាំ​ឱ្យ​មាន​ភាព​សប្បាយ​រីករាយ​កើត​ឡើង សម្រាប់​គ្រប់​គ្នា ទោះបី​ជា​យើង​មាន​រយៈពេល​ខ្លី​ក្នុង​ការ​រៀបចំ​ក៏​ដោយ»។

មហោស្រព​សៀក​អន្តរជាតិ «ទីនេះទីនោះ» លើកទី១១ ត្រូវ​បាន​ឧបត្ថម្ភ​ដោយLa Region Occitanie Organisation Internatoinale de la Francophonie,ក្រសួង​វប្បធម៌ តៃវ៉ាន់ និង​សហការ​រៀបចំ​កម្មវិធី​ដោយ​ល្ខោន​សៀក​កម្ពុជា​ហ្វារ។ ការ​កើត​មាន​ឡើង​នៃ​មហោស្រព​នេះ គឺជា​ឱកាស​ដ៏​ល្អ​មួយ ដើម្បី​នាំ​យក​សិល្បករ សិល្ប​ការិនី​អន្តរជាតិ ក៏​ដូចជា​លើក​ទឹកចិត្ត​ភ្ញៀវ​ទេសចរ​ឱ្យ​ត្រឡប់​មក​លេង​ខេត្ត​បាត់ដំបង​ជា​ថ្មី​ម្ដង​ទៀត។

កុំ​ភ្លេច​ចូល​រួម​លេង​កម្សាន្ត និង​ទទួល​យក​ផ្ទាំង​ទស្សនីយភាព​ការ​សម្ដែង​សៀក​ពី​សិល្បករ ជាតិ និង​អន្តរ ក្នុង​ព្រឹត្តិការណ៍​មហោស្រព​​សៀក​​អន្តរជាតិ «ទីនេះ​ទីនោះ» លើក​ទី​១១ ដែល​នឹង​នៅ​ចុង​សប្ដាហ៍​នេះ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក