ក្រោយ​បរាជ័យ​ ៤ដង ទី​បំផុត​​អ្នក​វិទ្យាសាស្ត្រ​បាន​ចូល​ទៅ​ដល់​ដើម​ឈើ​ខ្ពស់​បំផុត​ក្នុង​ព្រៃ​អាម៉ាហ្សូន​

បន្ទាប់​ពី​ការ​រៀប​ចំ​គម្រោង​អស់​រយៈ​ពេល​ ៣​ឆ្នាំ ការ​ប៉ុន​ប៉ង​ជា​លើក​ទី​៥ ចំណាយ​ពេល​អស់​រយៈ​ពេល​ ២​សប្ដាហ៍​នៅ​ក្នុង​ព្រៃ​ដ៏​ធំ​បំផុត​ និង​សម្បូរ​សត្វ​ចម្លែកៗ​ ទី​បំផុត​ក្រុម​អ្នក​វិទ្យាសាស្ត្រ​បាន​ធ្វើ​ដំណើរ​ទៅ​ដល់​ដើម​ឈើ​ខ្ពស់​បំផុត​ក្នុង​ព្រៃ​អាម៉ាហ្សូន​ ដែល​មាន​កម្ពស់​ស្មើ​នឹង​អគារ​ ២៥ជាន់។

ដើម​ឈើ​យក្ស​មួយ​នេះ​ត្រូវ​បាន​ ក្រុម​អ្នក​ស្រាវជ្រាវ​ថត​បាន​តាម​ប្រព័ន្ធ​ផ្កាយ​រណប​កាល​ពី​ឆ្នាំ​ ២០១៩ ដែល​ដុះ​នៅ​ក្នុង​ព្រៃ​ជ្រៅ​នៃ​តំបន់​អភិរក្ស​ទន្លេ​ធម្មជាតិ Iratapuru ភាគ​ខាង​ជើង​ប្រទេស​ប្រេស៊ីល និង​មាន​ឈ្មោះ​បែប​​វិទ្យាសាស្ត្រ​ថា Dinizia excelsa មាន​កម្ពស់ ៨៨,៥​ ម៉ែត្រ និង​មាន​អង្កត់​ផ្ចិត ៩,៩ ​ម៉ែត្រ។ អ្នក​វិទ្យាសាស្ត្រ​អះអាង​ថា វា​គឺ​ជា​ដើម​ឈើ ដែល​ធំ​ជាង​គេ​បំផុត​មិន​ធ្លាប់​មាន នៅ​ក្នុង​កំណត់​ត្រា​នៃ​ព្រៃ​អាម៉ាហ្សូន និង​នៅ​លើ​ពិភព​លោក​និយាយ​ជា​រួម​។

អ្នក​បរិស្ថាន អ្នក​វិទ្យាសាស្ត្រ និង​មគ្គទេសក៍​ បាន​ចាប់​ផ្ដើម​​បេសកកម្ម​ដំបូង​បង្អស់​ទៅ​កាន់​ទីតាំង​ដើម​ឈើ​ដ៏​ធំ និង​ខ្ពស់​ជាង​គេ​នេះ មួយ​ឆ្នាំ​ក្រោយ​ការ​ថត​បាន​ តែ​ត្រូវ​បរាជ័យ​ត្រឹម​រយៈ​ពេល ១០​ថ្ងៃ​ប៉ុណ្ណោះ​ ដោយ​សារ​ត្រូវ​ធ្វើ​ដំណើរ​កាត់​ព្រៃ​ជ្រៅ ដែល​មាន​ស្ថានភាព​លំបាក​ខ្លាំង​ ភាព​ហត់​នឿយ មិន​បាន​ត្រៀម​ស្បៀង​គ្រប់​គ្រាន់ និង​មាន​សមាជិក​ម្នាក់​ធ្លាក់​ខ្លួន​ឈឺ​ផង ក្រុម​អ្នក​ស្រាវ​ជ្រាវ​សម្រេច​ចិត្ត​ត្រឡប់​បក​ក្រោយ​វិញ លះ​បង់​ចោល​មហិច្ឆតា​របស់​ខ្លួន។

បន្ទាប់​ពី​បរាជ័យ​ហើយ​ ក្រុម​អ្នក​ស្រាវ​ជ្រាវ​ដដែល នៅ​តែ​បន្ត​ព្យាយាម​បន្ត​បេសកកម្ម​​​ចំនួន ៣​ ដង​ទៀត និង​បាន​ទៅ​ដល់​តំបន់​ជ្រលង Jariដ៏​ដាច់​ស្រយាល ស្ថិត​នៅ​ព្រំដែន រវាង​រដ្ឋ Amapa និង​រដ្ឋ Para របស់​ប្រេស៊ីល ហើយ​បាន​​រក​ឃើញ​ដើម​ឈើ​ធំ​ៗ​ជា​ច្រើន ក្នុង​នោះ​មាន​ដើម​ឈើ​ ១ ​ដើម ​មាន​កម្ពស់​ខ្ពស់​រហូត​ដល់​ទៅ ៦៦ ​ម៉ែត្រ​ផង​ដែរ​។

ក៏​ប៉ុន្តែ​មហិច្ឆតា​ចង់​ចូល​ទៅ​ឃើញ​​ផ្ទាល់​ភ្នែក​ខ្លួន​ឯង ដើម​ឈើ​ដ៏​ធំ ដែល​លូត​ខ្ពស់​ផុត​គេ​ផុត​ឯង នៅ​ក្នុង​ព្រៃ​អាម៉ាហ្សូន Dinizia excelsa នៅ​តែ​បរាជ័យ​រហូត​ដល់​ថ្ងៃ​ទី​ ១២ ដល់ ២៥ កញ្ញា​២០២២ ជា​បេសកកម្ម​ទី​៥ ទើប​ពួក​គេ​អាច​ទៅ​ដល់​ដើម​ឈើ​កម្ពស់​ ៨៨មែត្រ​នេះ​ ដោយ​អ្នក​វិទ្យាសាស្ត្រ​មួយ​ក្រុម​នេះ​បាន​ធ្វើ​ដំណើរ​តាម​ទូក​ ២៥០គីឡូមែត្រ​ និង​ថ្មើរ​ជើង​រុក​រក​ក្នុង​ព្រៃ​ដ៏​ជ្រៅ​នេះ ២០​គីឡូម៉ែត្រ​បន្ថែម​ទៀត។

បន្ទាប់​ពី​បាន​ទៅ​ដល់ ក្រុម​អ្នក​ស្រាវ​ជ្រាវ​បាន​បោះ​តង់​នៅ​ក្រោម​ដើម​ឈើ​នោះ និង​បាន​ប្រមូល​ស្លឹក​ឈើ ដី និង​សំណាក​ផ្សេង​ៗ​ទៀត សម្រាប់​យក​ទៅ​សិក្សា​វិភាគ​ដើម្បី​ឱ្យ​ដឹង​ច្បាស់​អំពី​អាយុ​ពិត​ប្រាកដ​នៃ​ដើម​ឈើ​នេះ ​ស្វែង​យល់​ថា​ហេតុ​អ្វី​តំបន់​មួយ​នេះ​សម្បូរ​ដើម​ឈើ​យក្ស​ និង​ស្រាវ​ជ្រាវ​ពី​ចំនួន​កាបូន​ដែល​ដើម​ឈើ​ទាំង​នេះ​មាន​។ ក្នុង​នោះ​អ្នក​វិទ្យាសាស្ត្រ​ម្នាក់​ក្នុង​ចំណោម​ក្រុម​រុក​រក​នេះ​គឺ​លោក Silva បាន​ប៉ាន់ស្មាន​ថា ដើម​ឈើ​នេះ មាន​អាយុ​ចំណាស់​មែន​ទែន យ៉ាង​ហោច​ណាស់​ក៏​ក្នុង​ចន្លោះ​ពី ៤០០ ទៅ​ ៦០០​ ឆ្នាំ​ដែរ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​