មក​ស្គាល់​រថយន្ត​ថ្លៃ​បំផុត​ក្នុង​លោក ដែល​មាន​តម្លៃ​ ១៤៣លាន​ដុល្លារ

នា​ថ្ងៃ​ទី ៥ ខែ​ឧសភា រថយន្ត​ប្រណាំង​ដ៏​កម្រ​​ឆ្នាំ​ ១៩៥៥ Mercedes-Benz 300 SLR Uhlenhaut Coupé ត្រូវ​បាន​ដាក់​ដេញ​ថ្លៃ និង​លក់​បាន​តម្លៃ​ ១៣៥លានអ៊ឺរ៉ូ ឬ​ ១៤៣លាន​ដុល្លារ​សហរដ្ឋអាមេរិក។ រថយន្ត​របស់​ Mercedes-Benz មួយ​នេះ​បាន​ក្លាយ​ជា​រថយន្ត​ថ្លៃ​បំផុត​ក្នុង​លោក ដោយ​បាន​យក​ឈ្នះ​កំណត់​ត្រា​រថយន្តFerrari 250 GTO ដែល​លក់​បាន​ក្នុង​តម្លៃ ៧០លាន​ដុល្លារ។ ក្នុង​នោះ Uhlenhaut Coupé ក៏​បាន​ឈ្នះ និង​កាន់​កាប់​កំណត់​ត្រា​រថយន្ត​ដេញ​ថ្លៃ​ដែល​មាន​តម្លៃ​ថ្លៃ​បំផុត​ផង​ដែរ។

Uhlenhaut Coupé ជា​រថយន្ត​កម្រ​បំផុត​ដែល​ក្រុមហ៊ុនMercedes-Benz របស់​អាល្លឺម៉ង់​ផលិត​តែ​ ២គ្រឿង​ប៉ុណ្ណោះ​ ដែល​មាន​ការ​រចនា​ដ៏​វិសេស និង​មាន​ប្រវត្តិ​ដ៏​អស្ចារ្យ។ មុន​ពេល​សង្គ្រាម​លោក​លើក​ទី២ ជា​ពេល​ដែល​អាល្លឺម៉ង់​គ្រប់​គ្រង​ដោយ​របប​ណាស៊ី​រថយន្ត​ប្រណាំង​របស់​ Mercedes-Benz នេះ​បាន​ឈ្នះ​ពានរង្វាន់​ Grands Prix ជា​ច្រើន។ ក្រោយ​ពេល​ចប់​សង្គ្រាម​លោក Uhlenhaut Coupé ក៏​បាន​ត្រលប់​ចូល​ទីលាន​ប្រកួត​វិញ ហើយ​បាន​ឈ្នះ​ពាន​រង្វាន់​ជើង​ឯក​ពិភព​លោក ២​ជំនាន់​ឆ្នាំ ១៩៥៤ និង​១៩៥៥ ដែល​កាល​នោះ​បើកបរ​ដោយ​លោក​ Juan Manuel Fangio។

គួរ​បញ្ជាក់​ផង​ដែរ​ថា Uhlenhaut Coupé ត្រូវ​បាន​ផលិត​ឡើង​ដោយ​លោក Rudolf Uhlenhaut ដែល​ជា​វិស្វករ និង​អ្នក​រចនា​រថយន្ត​របស់​ក្រុមហ៊ុន Mercedes-Benz។ រថយន្ត​មួយ​នេះ​អាច​បើកបរ​បាន​ ២៩០គីឡូមែត្រ​ក្នុង​មួយ​ម៉ោង​ដែល​ជា​រថយន្ត​លឿន​បំផុត​នា​សម័យ​នោះ។

ហេតុផល​ដែល​ធ្វើ​ឲ្យ​រថយន្ត​ដ៏​កម្រ​មួយ​នេះ​មាន​តម្លៃ​ថ្លៃ​កប់​ពពក​បែប​នេះ​គឺ​ដោយ​សារ​តែ​វា​មិន​មែន​ជា​រថយន្ត​សម្រាប់​លក់ ហើយ​ការ​ដាក់​លក់​ដោយ​ការ​ដេញ​ថ្លៃ​របស់ Mercedes-Benz ក៏​បាន​ធ្វើ​ឲ្យ​គ្រប់​គ្នា​មាន​ការ​ភ្ញាក់ផ្អើល និង​សឹង​តែ​មិន​ជឿ​ថា​ក្រុមហ៊ុន​មួយ​នេះ​ដាក់​លក់​ផង​។ យ៉ាង​ណា​ Mercedes-Benz បាន​និយាយ​ថា​ការ​ដាក់​លក់​ដេញ​ថ្លៃ​នេះ​គឺ​ដើម្បី​បង្កើត​ជា​ទន់​សម្រាប់​​ផ្ដល់​អាហារូបករណ៍​ដល់​និស្សិត​ដែល​រៀន​ផ្នែក​វិទ្យាសាស្ត្រ​បរិស្ថាន និង​ការ​បំបែក​កាបូន។

Mercedes-Benz 300 SLR Uhlenhaut Coupé ត្រូវ​បាន​លក់​អស់​មួយ​គ្រឿង​កាល​ពី​ដើម​ខែ​ ៥​ ឆ្នាំ​២០២២ នេះ​ប៉ុណ្ណោះ ខណៈ​នៅ​សល់​មួយ​គ្រឿង​ទៀត​នៅ​បន្ត​ស្ថិត​ក្រោម​ការ​គ្រប់​គ្រង​ និង​តាំង​បង្ហាញ​ក្នុង​សារមន្ទីរ​របស់​ក្រុមហ៊ុន​រថយន្ត​អាល្លឺម៉ង់​មួយ​នេះ​​ក្នុង​ទីក្រុង Stuttgart ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​