នៅសល់ប្រមាណ ៤៤ ថ្ងៃទៀតព្រឹត្តិការណ៍ស៊ីហ្គេមលើកទី៣២ ដែលកម្ពុជាធ្វើជាម្ចាស់ផ្ទះនឹងបានមកដល់ ខណៈព្រះរាជពិធីសុំអគ្គីជ័យកីឡាក៏បានបញ្ចប់ទៅប្រកបដោយភាពជោគជ័យ កាលពីព្រឹកថ្ងៃទី ២១ ខែមីនា ឆ្នាំ ២០២៣ នេះ នៅមុខប្រាសាទអង្គរវត្ត។

ក្នុងពិធីដ៏អស្ចារ្យនោះ លោក ថោង ខុន រដ្ឋមន្ត្រីក្រសួងទេសចរណ៍ ប្រធានគណៈកម្មាធិការជាតិអូឡាំពិកកម្ពុជា និងជាអនុប្រធានអចិន្ត្រៃយ៍នៃគណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ បានថ្លែងឲ្យដឹងពីចំនួនបឋមនៃប្រតិភីកីឡា របស់បណ្តាលប្រទេសជាសមាជិក តាមទិន្នន័យដូចខាងក្រោម៖
១. ប្រតិភូ កីឡា ប្រ៊ុយណេ ចំនួន ៨២ នាក់
២. ប្រតិភូ កីឡា កម្ពុជា ចំនួន ១៣១២ នាក់
៣. ប្រតិភូ កីឡា ឥណ្ឌូណេស៊ី ចំនួន ១៧៣៦ នាក់
៤. ប្រតិភូ កីឡា ឡាវ ចំនួន ៥៨៣ នាក់
៥. ប្រតិភូ កីឡា ម៉ាឡេស៊ី ចំនួន ១៤៤០ នាក់
៦. ប្រតិភូ កីឡា មីយ៉ាន់ម៉ា ចំនួន ៦៦៣ នាក់
៧. ប្រតិភូ កីឡា ហ្វីលីពីន ចំនួន ១១២១ នាក់
៨. ប្រតិភូ កីឡា សិង្ហបុរី ចំនួន ១២៧១ នាក់
៩. ប្រតិភូ កីឡា ថៃ ចំនួន ១៨៥៥ នាក់
១០. ប្រតិភូ កីឡា ទីម័រខាងកើត ចំនួន១៦៧ នាក់
១១. ប្រតិភូកីឡា វៀតណាម ចំនួន ១២២៣ នាក់
សរុបជារួមចំនួនប្រតិភូកីឡាទាំងមានចំនួន ១១ ៤៥៣ នាក់ ប៉ុន្តែតួលេខនេះអាចមានការប្រែប្រួលបន្ថែមទៀតនៅតំណាក់កាលចុងក្រោយ។ យ៉ាងណាបើយើងគិតត្រឹមតួលេខនេះ បានបញ្ជាក់ថាចំនួនដ៏ច្រើនបើធៀបទៅនឹងចំនួនប្រតិភូកីឡាដែលចូលរួមក្នុងព្រឹត្តិការណ៍កីឡាស៊ីហ្គេមលើកទី៣១ នៅប្រទេសវៀតណាម កាលពីឆ្នាំ២០២២ ដែលមានចំនួនត្រឹមតែ ៥៤៣៥នាក់ប៉ុណ្ណោះ។
គួរបញ្ជាក់ផងដែរថា ព្រឹត្តិការណ៍កីឡាស៊ីហ្គេមលើកទី៣២ ដែលកម្ពុជានឹងធ្វើជាម្ចាស់ផ្ទះមានប្រទេសចំនួន ១១ ចូលរួមនិងមានប្រភេទកីឡាអនុម័តចុងក្រោយចំនួន ៣៧ប្រភេទ ដោយក្នុងនោះមានវិញ្ញាសាសរុបចំនួន ៥៨១វិញ្ញាសា ហើយចាប់ផ្ដើមប្រកួតប្រជែងចាប់ពីថ្ងៃសុក្រ ទី៥ ខែឧសភា ឆ្នាំ២០២៣ ដល់ ថ្ងៃពុធ ទី១៧ ខែឧសភា ឆ្នាំ២០២៣៕


























Account
Security
Favourite Content