បន្ទាប់ពីទទួលបានការគាំទ្រយ៉ាងខ្លាំងពីសំណាក់អ្នកគាំទ្រជុំវិញពិភពលោក តួសម្ដែងនីមួយៗ ក្នុងរឿងភាគ “The Glory” សុទ្ធតែទទួលបានការចាប់អារម្មណ៍ និងត្រូវបានគេសរសើរពីថ្វីដៃសម្ដែងដ៏សមឥតទាស់។ ក្នុងចំណោមនោះ តារាស្រីវ័យក្មេង Oh Ji Yul ក៏ត្រូវបានគេសរសើរមិនដាច់ពីមាត់ ដោយសារមានវ័យ ៨ ឆ្នាំប៉ុណ្ណោះ តែនាងតូចអាចធ្វើបានយ៉ាងល្អក្នុងការសម្ដែងសូម្បីតែឈុតឆាកសម្រក់ទឹកភ្នែក។
ជាមួយនេះដែរ នាងក៏ត្រូវបានអ្នកគាំទ្រសរសើរថាមានរូបរាងស្រស់ស្អាតថ្លៃថ្នូរដូចព្រះនាងតូចទៀតផង។ ថ្មីៗ នេះ នាងតូចក៏បានបង្ហាញខ្លួនលើក្របទស្សនាវដ្ដីជាលើកដំបូងបំផុតរបស់ខ្លួន សម្រាប់ទស្សនាវដ្ដីល្បី ELLE និងផ្ដល់បទសម្ភាសន៍មួយចំនួនទាក់ទងនឹងរឿង “The Glory”។ រូបភាពរបស់នាងត្រូវពិតជាទទួលបានការចាប់អារម្មណ៍ខ្លាំងក្រោយបង្ហោះលើបណ្ដាញសង្គម ពិតជាស្រស់ស្អាត និងគួរឱ្យស្រឡាញ់។


ក្រៅពីនេះ រូបភាពមួយចំនួនរបស់នាងថែមទាំងត្រូវបានមហាជនលើកឡើងថាស្រស់ស្អាត និងមើលទៅស្រដៀង Song HyeKyo ថែមទៀត។
គួរបញ្ជាក់ផងដែរ Oh Ji Yul បានបង្ហាញមុខក្នុងរឿងភាគដំបូងបំផុតក្នុងឆ្នាំ ២០២២ គឺរឿង “Extraordinary Attorney Woo”។ មកទល់បច្ចុប្បន្ន នាងបានបង្ហាញមុខក្នុងរឿងភាគចំនួន ៣ ហើយគឺ “The Glory”, “Agency” និង “Extraordinary Attorney Woo”៕



















































Account
Security
Favourite Content