ក្មេងអាយុ ១១ ឆ្នាំ ត្រូវឡើងតុលាការជុំវិញករណីលេងឈើគូសបង្កគ្រោះអគ្គិភ័យឆេះផ្សារទំនើប ស្លាប់មនុស្ស ៧២ នាក់

ក្មេងប្រុសអាយុ ១១ ឆ្នាំម្នាក់ ត្រូវបានកំណត់ឱ្យឡើងសវនាការនៅតុលាការអនីតិជន បន្ទាប់ពីត្រូវបានចោទប្រកាន់ថាបានលេងឈើគូស ហើយបង្កជាគ្រោះអគ្គិភ័យយ៉ាងសន្ធោសន្ធៅឆាបឆេះផ្សារទំនើប Gul Plaza នៅក្នុងទីក្រុងការ៉ាជី (Karachi) ដែលជាទីក្រុងធំបំផុតរបស់ប្រទេសប៉ាគីស្ថាន កាលពីខែមករាកន្លងទៅ ដោយបានសម្លាប់មនុស្សចំនួន ៧២ នាក់។

គ្រោះមហន្តរាយនេះក៏បានបណ្តាលឱ្យមនុស្ស ៨ នាក់ផ្សេងទៀតរងរបួស និងបានបំផ្លាញតូបលក់ដូរទាំងស្រុងជាង ១១៥៣ តូប ដែលបង្កឱ្យមានការខូចខាតផ្នែកហិរញ្ញវត្ថុយ៉ាងធ្ងន់ធ្ងរ។

យោងតាមសារព័ត៌មាន NDTV បានឱ្យដឹងថា ក្រុមអ្នកស៊ើបអង្កេតបានដាក់លិខិតចោទប្រកាន់តាមរយៈរដ្ឋអាជ្ញា ដោយបានកំណត់ឈ្មោះជនជាប់ចោទចំនួន ៦ នាក់ កាលពីថ្ងៃទី ៤ ខែកក្កដា។ ក្នុងចំណោមជនជាប់ចោទទាំងនោះ រួមមានក្មេងប្រុសរូបនេះ ឪពុករបស់គេដែលជាម្ចាស់ហាងលក់ផ្កាក្លែងក្លាយនៅក្នុងផ្សារទំនើបនោះ និងសមាជិកគណៈកម្មការគ្រប់គ្រងផ្សារទំនើប Gul Plaza ចំនួន ៤ នាក់ផ្សេងទៀត។

ក្រោយពេលកើតហេតុ ដែលក្រុមពន្លត់អគ្គិភ័យបានចំណាយពេលជិតមួយសប្តាហ៍ទើបអាចពន្លត់បានទាំងស្រុង ជនសង្ស័យទាំង ៦ នាក់បានរត់គេចខ្លួន ប៉ុន្តែចុងក្រោយត្រូវបានសមត្ថកិច្ចចាប់ខ្លួនបានសម្រេច។

យោងតាមលទ្ធផលនៃការស៊ើបអង្កេតបានឱ្យដឹងថា អគ្គិភ័យដ៏សាហាវនេះបានឆាបឆេះឡើង ខណៈពេលដែលក្មេងប្រុសអាយុ ១១ ឆ្នាំរូបនេះ កំពុងលេងឈើគូសនៅខាងក្នុងហាងលក់ផ្កាក្លែងក្លាយរបស់ឪពុកគេ។

សាក្សីម្នាក់អាយុ ១៣ ឆ្នាំបានប្រាប់ចៅក្រមថា រូបគេបានស្ថិតនៅក្នុងហាងនោះដែរ នៅពេលដែលក្មេងប្រុសខាងលើកំពុងលេងឈើគូស ហើយស្រាប់តែអណ្តាតភ្លើងបានឆាបឆេះឡើងយ៉ាងគំហុក។

សាក្សីជាមនុស្សពេញវ័យពីរនាក់ទៀត ក៏បានផ្តល់សក្ខីកម្មស្របគ្នានេះដែរក្នុងកំឡុងពេលស៊ើបអង្កេត។ យោងតាមការចុះផ្សាយរបស់ Times of India ពួកគេបានឱ្យដឹងថា ឪពុករបស់ក្មេងប្រុសនេះតែងតែទុកកូនប្រុសតូចរបស់ខ្លួនឱ្យនៅមើលថែហាងតែម្នាក់ឯងជាប្រចាំ ដោយគ្មានការត្រួតពិនិត្យ ឬមើលការខុសត្រូវពីមនុស្សពេញវ័យឡើយ។

ភស្តុតាងពីប្រវត្តិនៃការប្រើប្រាស់ទូរស័ព្ទ ដែលត្រូវបានដកស្រង់នៅក្នុងដីកាចោទប្រកាន់ បានបញ្ជាក់ថា បុរសជាឪពុកពិតជាមិនបានស្ថិតនៅក្នុងហាងនោះទេ នៅពេលដែលអគ្គិភ័យបានចាប់ផ្តើមឆាបឆេះ។

ដីកាចោទប្រកាន់ក៏បានលាតត្រដាងផងដែរអំពីការធ្វេសប្រហែសយ៉ាងធ្ងន់ធ្ងរ ទាក់ទងនឹងហេដ្ឋារចនាសម្ព័ន្ធរបស់អាគារ។ ក្រុមអ្នកស៊ើបអង្កេតបានរកឃើញថា ផ្សារទំនើបនេះខ្វះខាតវិធានការសុវត្ថិភាពអគ្គិភ័យជាមូលដ្ឋាន និងមិនបានបំពេញតាមស្តង់ដារដែលបានកំណត់នោះទេ។

យោងតាមការចុះផ្សាយរបស់ Gulf News ច្រកចេញអាសន្នត្រូវបានចាក់សោ ឬមានរបស់របរបិទបាំង បំពង់ពន្លត់អគ្គិភ័យមានចំនួនមិនគ្រប់គ្រាន់ ហើយទីតាំងនោះមិនមានទាំងប្រព័ន្ធទុយោពន្លត់អគ្គិភ័យ និងភ្លើងបំភ្លឺអាសន្ននោះឡើយ។

កង្វះខាតដ៏សំខាន់ទាំងនេះបានធ្វើឱ្យគ្រោះមហន្តរាយនេះកាន់តែធ្ងន់ធ្ងរឡើង។ នៅពេលដែលប្រព័ន្ធអគ្គិសនីត្រូវបានកាត់ផ្តាច់ អាគារទាំងមូលត្រូវធ្លាក់ចូលទៅក្នុងភាពងងឹតសូន្យឈឹង ស្របពេលដែលអណ្តាតភ្លើងកំពុងរីករាលដាល។

ប្រវត្តិនៃការហៅទូរស័ព្ទក៏បានបង្ហាញផងដែរថា ភាគីគ្រប់គ្រងផ្សារទំនើបបានខកខានក្នុងការរាយការណ៍ទៅកាន់នាយកដ្ឋានពន្លត់អគ្គិភ័យ ឬសេវាកម្មសង្គ្រោះបន្ទាន់ នៅក្នុងដំណាក់កាលដំបូងនៃគ្រោះអាសន្ននេះ។

ខណៈពេលដែលក្មេងប្រុសអាយុ ១១ ឆ្នាំ នឹងត្រូវកាត់ទោសនៅក្នុងប្រព័ន្ធយុត្តិធម៌សម្រាប់យុវជន ជនជាប់ចោទជាមនុស្សពេញវ័យដែលនៅសេសសល់ ត្រូវប្រឈមមុខនឹងការចោទប្រកាន់ព្រហ្មទណ្ឌធ្ងន់ធ្ងរ រួមមាន៖ បទមនុស្សឃាតដោយអចេតនា, ការប្រព្រឹត្តដោយធ្វេសប្រហែសទាក់ទងនឹងភ្លើង ឬសារធាតុឆេះ, សកម្មភាពខ្វះការប្រុងប្រយ័ត្ន ឬធ្វេសប្រហែសបង្កឱ្យមានរបួស, ការបង្កវិនាសកម្មដោយភ្លើង ឬសារធាតុផ្ទុះក្នុងបំណងបំផ្លិចបំផ្លាញទ្រព្យសម្បត្តិ និងការសមគំនិតគិតគូររួមគ្នា ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។



Leave a Reply

Your email address will not be published.Required fields are marked *