តារាសម្ដែងកូរ៉េខាងត្បូងចំនួន ២រូប និងប្រែខ្លួនមកបញ្ចេញស្នាដៃចម្រៀងរួមគ្នាជាលើកដំបូង ដោយ Park Bo Gum នឹងធ្វើជាអ្នកលេងព្យាណូឱ្យ Lee Jun Young ក្នុងចម្រៀងបទ If It Were Me។


កាលពីថ្ងៃទី ១៨ ខែមិថុនានេះ អ្នកតំណាងពីស្ថានីយទូរទស្សន៍ KBS 2 បានប្រកាសថា Park Bo Gum និង Lee Jun Young នឹងចេញចម្រៀងរួមនេះនៅថ្ងៃទី២០ ខែមិថុនា ខាងមុខ ដោយដើមឡើយ តារាប្រុសទាំងពីរធ្លាប់បានសម្ដែងស្នាដៃនេះជាមួយគ្នាម្ដងរួចទៅហើយ កាលពីខែមេសាកន្លងទៅ នៅក្នុងកម្មវិធី The Seasons – Park Bo Gum’s Cantabile។
នេះគឺជាការឆ្លើយតបតាមតម្រូវការរបស់ទស្សនិកជន ក្រោយមានអ្នកគាំទ្រចំនួន ១.២លានបានចូលទស្សនាវីដេអូខ្លីរបស់តារាប្រុសនៅក្នុងយូធូប ព្រមទាំងស្នើសុំឱ្យអ្នកទាំងពីរចេញចម្រៀងបទនេះជាផ្លូវការទៀតផង។

ដ្បិតមានតួនាទីចម្បងជាតួសម្ដែងក្ដី តែការចេញបទ If It Were Me គឺជាការបង្ហាញពីចំណង់ចំណូលចិត្តរបស់ Park Bo Gum ដែលតែងតែបញ្ចេញបទចម្រៀងជារឿយៗជូនអ្នកគាំទ្រ មិនថាបទ My Person, Let’s Go See the Stars និងអាល់ប៊ុមចម្រៀងភាសាជប៉ុន Bloomin ជាដើម។
គួរឱ្យដឹងផងដែរថា Park Bo Gum និង Lee Jun Young បានធ្វើការរួមគ្នាជាលើកដំបូងនៅក្នុងរឿងភាគ When Life Gives You Tangerines ដែល Park Bo Gum បានដើរតួជា Gwan Shik ត្រូវជាស្វាមីរបស់តួអង្គ Ae Soon សម្ដែងដោយ IU ស្របពេលដែល Lee Jun Young បានដើរតួជា Young Beom ដែលជាគូដណ្តឹងរបស់ Geum Myung កូនស្រីរបស់តួអង្គទាំងពីររូបនេះដែលសម្តែងដោយ IU ដូចគ្នា៕























Account
Security
Favourite Content