«Dungeons & Dragons: Hornor Among Thieves» ដែលជាភាពយន្តហូលីវូដថ្មីរបស់ក្រុមហ៊ុន Paramount បានធ្លាក់មកដល់ទីផ្សារកម្ពុជាហើយ ដោយចាក់បញ្ចាំង Pre-Screening ឱ្យអ្នកស្នេហាវិស័យកុន និងទស្សនិកជនបានទស្សនា កាលពីល្ងាចថ្ងៃទី២៩ ខែមីនាកន្លងទៅ សាល IMAX នៅរោងភាពយន្ត Major Cineplex by Smart សាខា Aeon 2។
លោក សុខ សិរីសុភា ប្រធានផ្នែកនាំចូល និងចែកចាយភាពយន្ត Sabay MVP បានឱ្យដឹងថា ការសម្រេចនាំចូលរឿង Dungeons & Dragons ឬហៅខ្លីៗថា D&D មកទីផ្សារកម្ពុជា គឺដោយសាររឿងនេះមានចំណុចពិសេសច្រើន ដែលអាចជាចំណីចក្ខុថ្មីសម្រាប់អ្នកស្នេហាវិស័យកុន ព្រោះវាជាប្រភេទរឿងផ្សងព្រេងអភិនីហារ ស្រមើស្រមៃ ឬគេនិយមហៅថារឿងបែប fantasy។ ចំណុចពិសេសមួយទៀត គឺរឿងនេះដកស្រង់ចេញមដ៏ល្បីល្បាញជំនាន់ទសវត្សរ៍ឆ្នាំ៩០ ដូច្នេះអ្នកទស្សនាអាចរំលឹកដល់អនុស្សាវីរយ៍ចាស់ៗរបស់ខ្លួនបាន។ លោកជឿជាក់ថា ទស្សនិកជននឹងចូលចិត្តរឿងនេះជាក់ជាមិនខាន ហើយតាមការរំពឹងទុក លោកគិតថាសប្តាហ៍ដំបូងរឿងនេះអាចនឹងមានអ្នកចូលទស្សនាប្រមាណ៣ម៉ឺននាក់។
សុខ សិរីសុភា
មិនមែនតែលោកទេដែលមានក្តីរំពឹងខ្ពស់លើរឿងនេះ សូម្បី លោក ពិសិដ្ឋ អ្នកតំណាងរោងភាពយន្ត Major Cineplex by Smart សាខា Aeon 2 ក៏ជឿជាក់ថារឿងនេះនឹងមានអ្នកទស្សនាច្រើន ព្រោះ Trailer ទាក់ទាញ សាច់រឿងប្លែក ហើយរឹតតែពិសេសពេលបានទស្សនាក្នុងសាល IMAX អេក្រង់យក្សដែលឧបករណ៍បំពងសំឡេងខ្លាំង ពិតជាធ្វើឱ្យអ្នកទស្សនារឹតជក់ចិត្តខ្លាំងឡើង។
រឿង «Dungeons & Dragons: Hornor Among Thieves» ចូលរួមសម្តែងដោយតារាហូលីវូដល្បីៗរួមមាន Chris Pine, Michelle Rodriguez, Regejean Page, Justice Smith, Sophia Lillis និងតារាល្បីៗជាច្រើនរូបទៀត។ រឿងនេះ ចាក់បញ្ចាំងគ្រប់រោងភាពយន្តទូទាំងប្រទេសកម្ពុជា ចាប់ពីថ្ងៃ៣០ ខែមីនានេះតទៅ៕
























Account
Security
Favourite Content