ដោយសារតែសន្ទុះនៃការគាំទ្រយ៉ាងច្រើនលើសលប់ពីសំណាក់មហាជននៅក្នុងស្រុក នាយកដ្ឋានសិល្បៈទស្សនីយភាពបានសម្រេចបង្ហាញជូនទស្សនីយភាពសិល្បៈបុរាណល្ខោនបាមោជ្ជទ័យ រឿង “កុលាបប៉ៃលិន” ជាថ្មីម្ដងទៀតនាពាក់កណ្ដាលខែកុម្ភៈខាងមុខនេះ។

ឆ្លើយតបទៅនឹងការសំណូមពររបស់មហាជនដែលមិនទាន់បានទស្សនាការសម្ដែងទស្សនីយភាពសិល្បៈបុរាណ ល្ខោនបាមោជ្ជទ័យ រឿង “កុលាបប៉ៃលិន” នាយកដ្ឋានសិល្បៈទស្សនីយភាពបានរៀបចំការសម្ដែងជាថ្មីម្ដងទៀត រយៈពេល ៣ ថ្ងៃចាប់ពីថ្ងៃទី ១៤ ដល់ថ្ងៃទី ១៦ ខែកុម្ភៈ ឆ្នាំ២០២៥។
តាមរយៈការជូនដំណឹងពីផេកផ្លូវការរបស់នាយកដ្ឋានសិល្បៈទស្សនីយភាពបានឱ្យដឹងទៀតថា ការសម្ដែងឡើងវិញនេះដែរ នឹងធ្វើឡើងនៅសាលសន្និសីទចតុម្មុខ ចាប់ពីម៉ោង ៥៖៣០ នាទីល្ងាចតទៅ។ គួរឱ្យដឹងដែរថា ការសម្ដែងល្ខោនបាមោជ្ជទ័យ រឿង “កុលាបប៉ៃលិន” ទើបតែបញ្ចប់កាលពីពេលកន្លងទៅថ្មីៗនេះ មិនត្រឹមមានអ្នកចូលរួមយ៉ាងច្រើនកុះករប៉ុណ្ណោះទេ ថែមទាំងទទួលបានការកោតសរសើរពីសំណាក់មហាជនអ្នកចូលរួមតាមរយៈការសម្ដែងរបស់តួអង្គ ព្រមជាមួយសាច់រឿងនៅក្នុងទម្រង់ល្ខោនបុរាណខ្មែរបាមោជ្ជទ័យនេះទៀតផង។










ល្ខោនបាមោជ្ជទ័យ ឬប្រាមោទ្យទ័យ គឺជាទម្រង់ល្ខោនច្រៀងបែបទំនើបមួយ ដែលបានកើតឡើងនៅដើមសតវត្សរ៍ទី២០ ក្រោយសង្គ្រាមលោកលើកទី១ ចន្លោះឆ្នាំ ១៩១៤-១៩១៨ ។ គួរជាទីមោទនបំផុតដែលល្ខោនបុរាណខ្មែរមួយនេះត្រូវបានគាស់កកាយយកមកបង្ហាញឡើងវិញដើម្បីឱ្យកូនខ្មែរគ្រប់គ្នាបានស្គាល់៕
ប្រភពរូបភាព ៖ នាយកដ្ឋានសិល្បៈទស្សនីយភាព























Account
Security
Favourite Content