តារាចម្រៀងស្រីអាមេរិក Ariana Grande នឹងចេញអាល់ប៊ុម “Eternal Sunshine” ជា Version បែប Deluxe Edition មានចំណងជើងថា “Eternal Sunshine Deluxe: Brighter Days Ahead” នៅថ្ងៃទី ២៨ ខែមីនា ដើម្បីអបអរការខួបគម្រប់ ១ ឆ្នាំនៃការចេញអាល់ប៊ុម “Eternal Sunshine” ។

ផ្អែកតាមសេចក្ដីប្រកាសផ្លូវការ អាល់ប៊ុម “Eternal Sunshine Deluxe: Brighter Days Ahead” នេះនឹងនៅតែរួមបញ្ចូលបទចម្រៀងល្បីៗពីអាល់ប៊ុមដើមដែលបានចេញផ្សាយក្នុងខែមីនា ឆ្នាំ ២០២៤ រួមទាំងបទ “yes, and?” និងបទ “We Can’t Be Friends (Wait for Your Love)” ដែលបទទាំងពីរនេះគឺសុទ្ធតែបានឡើងដល់ចំណាត់ថ្នាក់កំពូលនៃតារាង Billboard Hot 100 រួមជាមួយនឹងបទចម្រៀងថ្មីចំនួន ៦ បទ ដែលមិនទាន់មានចំណងជើង។
មិនតែប៉ុណ្ណោះ អាល់ប៊ុមពិសេសនេះក៏រួមបញ្ចូលទាំងបទចម្រៀង Remix ពីអាល់ប៊ុម Eternal Sunshine ដែល Ariana Grande បានចេញកាលពីមុនដែរ រួមមានបទ “yes, and” (Feat. Mariah Carey) បទ “supernatural” (Feat. Troye Sivan) និងនិងបទ “the boy is mine” (Feat. Brandy និង Monica)។
មែនទែនទៅកាលពីខែមករា Ariana Grande ក៏បានបង្ហើបពីគម្រោងចេញអាល់ប៊ុម “Eternal Sunshine” បែប Deluxe Edition នេះដែរ ដោយនាងបាននិយាយប្រាប់សារព័ត៌មាន Variety ថា នាងកំពុងសម្ងំធ្វើការលើគម្រោងនេះ ហើយនាងនឹងបន្ថែមបទចម្រៀងថ្មីៗមួយចំនួនទៀត។
គួររំឭកថា កាលពីឆ្នាំមុន Ariana Grande បានចេញអាល់ប៊ុម “Eternal Sunshine” ដែលក្រោយមកអាល់ប៊ុមនេះបានឈរនៅចំណាត់ថ្នាក់លេខ១លើតារាង Billboard 200 និងបានចេញវីដេអូចម្រៀងខ្លះសម្រាប់អាល់ប៊ុមនេះនៅលើ YouTube បន្ទាប់ពីនោះមក នាងក៏មមាញឹកក្នុងការផ្សព្វផ្សាយរឿង “Wicked” ហើយក៏ជាប់ឈ្មោះប្រកួតពានរង្វាន់អូស្ការលើកដំបូងសម្រាប់ការសម្តែងរឿងនេះផងដែរ។ វគ្គ២នៃរឿងនេះមានចំណងជើងថា “Wicked: For Good មានគម្រោងចេញបញ្ចាំងនៅចុងឆ្នាំ២០២៥នេះ ៕



























Account
Security
Favourite Content