ប៉ុន្មានថ្ងៃមុន ផលិតកម្ម Galaxy Navatra បានទម្លាក់បទចម្រៀង «១០ឆ្នាំមានប៉ុន្មានដង?» ជាការបកស្រាយរបស់ តារាចម្រៀង ខេមរៈ សិរិមន្ត ដែលនេះជាចម្រៀងភ្ជុំបិណ្ឌទី១ របស់តារាចម្រៀងល្បីឈ្មោះរូបនេះ សម្រាប់រដូវបុណ្យភ្ជុំបិណ្ឌ២០២៣ ដែលបាននឹងកំពុងឈានចូលដល់នាពេលឆាប់ៗខាងមុខនេះ។

ក្នុងបទ «១០ឆ្នាំមានប៉ុន្មានដង?» នេះដែរ ខេមរៈ សិរិមន្ត បានរៀបរាប់ពីការធ្វើបុណ្យសាងមិត្តឱ្យបានច្រើន ព្រោះពេលវេលាមិនមានច្រើនសម្រាប់យើងនោះទេ។ លើសពីនេះ បទចម្រៀងមួយបទនេះ ក៏មានបង្កប់សារអប់រំ និងត្រៃលក្ខណ៍ធម៌ ឱ្យអ្នកស្តាប់បានឮផងដែរ។ តាមរយៈអត្ថន័យ បទភ្លេង និងពាក្យពេជន៍ចុងជួន ធ្វើឱ្យបទនេះរឹតតែទាក់ទាញ និងទទួលបានការគាំទ្រពីសំណាក់ពុកម៉ែបងប្អូន ដែលគេជឿជាក់ថា បទនេះនឹងត្រូមហាជនយកទៅចាក់ស្តាប់កម្សាន្តអំឡុងពិធីបុណ្យភ្ជុំបិណ្ឌឆ្នាំ២០២៣ នេះជាក់ជាមិនខាន។
សូមជម្រាបថា បទ «១០ឆ្នាំមានប៉ុន្មានដង?» របស់តារាចម្រៀង ខេមរៈ សិរិមន្ត ដែលបច្ចុប្បន្នមានងារជា ឧកញ៉ា និពន្ធទំនុកច្រៀងដោយ ឯកឧត្តម ខេមរៈ ភារុណ , និពន្ធ Melody និងបទភ្លេងដោយ Tonosaki ឧបករណ៍ភ្លេងខ្មែរ ដោយ ខាត់ យ៉ៃ។ ចង់ដឹងបទនេះពីរោះកម្រិតណា ទស្សនាវីដេអូខាងក្រោមនេះ៖


























Account
Security
Favourite Content