មិនខ្ចីខ្វល់ តែក៏មិនព្រមដោះលែង! សាកល្បងវិធី ៤ បើជួបសង្សារចរិតធុនៗ នេះ

ស្នេហា ពិតណាស់មិនមែនសមប្រកបគ្រប់ពេលវេលាឡើយ ពេលខ្លះស្ដ្រេសឡើងលែងចង់គិតអ្វីតែម្ដងព្រោះមិនដឹងថា រាល់ថ្ងៃប្រឹងដើម្បីអ្វី ទាំងដែលគេមើលទៅហាក់មិនខ្វល់សោះ។ ប៉ុន្ដែគេក៏មិនព្រមដោះលែង ឬនិយាយគ្នាឲ្យដាច់ស្រេច បើថាឈប់ស្រឡាញ់ក៏បញ្ចប់តែម្ដងទៅ ស្រួលទុកមុខរាប់គ្នា តែអត់ទេគឺទុកនៅទាក់ទើរទាំងអស់គ្នា មិនដឹងថាទៅមុខ ឬថយក្រោយ។ ប្រសិនបើអ្នកដឹងថា ខ្លួនកំពុងស្ថិតនៅក្នុងស្ថានភាពបែបនេះ សាកល្បងវិធីខាងក្រោមនេះមើល​ក្រែងលោប្រសើរជាងពីមុន៖

១.  សួរតាមត្រង់

បើតឹងទ្រូងពេក សាកល្បងហៅគេនិយាយទល់មុខគ្នាម្ដងទៅ ថាតើគេចង់បានអ្វីពិតប្រាកដ? ត្រូវចាំថា អ្នកមិនអាចគេចវេស ឬទ្រាំរហូតទេ ព្រោះបេះដូងចិត្តគំនិតអ្នកមិនមែនធ្វើចេញពីដុំថ្មក៏ចេះឈឺចាប់។ស្នេហាផ្ដើមចេញពីមនុស្ស ២ នាក់ ចុះហេតុអ្វីគេទុកឲ្យអ្នកតស៊ូតែឯង?  ព្យាយាមប្រាប់តែមិនមែនអង្វរ ឬទៅយំទួញសោកនោះទេ និយាយលក្ខណៈច្បាស់លាស់ ប្រាប់ពីអារម្មណ៍របស់អ្នក ឬផលលំបាករបស់អ្នក ហើយចាំមើលថាតើគេមានប្រតិកម្មដូចម្ដេច? បើថាគេនៅតែធ្វើចរិតម៉ាកៗ នេះ និយាយលំៗ អ្នកច្បាស់ក្នុងចិត្តហើយ ថាគេមិនមែនជាជម្រើសល្អទេ ដកខ្លួនចេញឲ្យហើយ។

២. ឈប់ខ្វល់មួយរយៈសិនមើល

មិនអើពើ តែក៏មិនព្រមបែក ប្រហែលអាចមកពីអ្នកជាមនុស្សងាយស្រួលចុះសម្រុង ឬមានប្រយោជន៍សម្រាប់គេ អ៊ីចឹងហើយនៅបន្ដទាក់ទងជាមួយអ្នកគ្មានខាតបង់អ្វីនោះទេ។ សាកល្បងលែងរវល់ ឈប់ខ្វល់ និងធ្វើដូចគេដែរមើលថា តើលទ្ធផលនឹងទៅជាបែបណា? តើអត្ដចរិតគេប្រែប្រួលទេ ឬនៅតែដដែល?

មិនថាមនុស្សប្រុស ឬស្រី ឡើយ ពេលខ្លះមានរបស់ល្អនៅនឹងមុខ គឺមិនចេះថែរក្សានោះទេ ទាល់តែបាត់បង់ទើបចាប់ផ្ដើមស្ដាយក្រោយ។ គេប្រហែលជាអាចងាកមកចាប់អារម្មណ៍នឹងអ្នក ថាហេតុអ្វីសុខៗ អ្នកប្រែប្រួលលែងធ្វើល្អ ឬយកចិត្តទុកដាក់ជាមួយគេ។ ជាក់ស្ដែង បើអ្នកធ្លាប់តែមានមនុស្សម្នាក់ទិញរបស់ញ៉ាំឲ្យរាល់ថ្ងៃ ឬជាប្រចាំ តែសុខៗ ថ្ងៃនេះគ្មាន តិច ឬច្រើនក៏ឆ្ងល់ដែរ ម្នាក់នឹងធ្វើអី ឬរវល់អីមែន បានជាអត់ទិញឲ្យអ៊ីចឹង។

៣.  ធ្វើឲ្យខ្លួនឯងរឹងមាំមានតម្លៃ

អាចមកពីគេជឿថា អ្នកស្រឡាញ់គេខ្លាំង អ្នកគ្មានគេមិនបាន អស់ពីគេគឺអ្នកគ្មានជម្រើសទេ ដូច្នេះទោះ ធ្វើអ្វីក៏អ្នកមិនហ៊ានមាត់ដែរ។ ត្រូវបង្ហាញគេថា អ្នករឺងមាំ ទោះគ្មានគេក៏អ្នកអាចរស់បាន ហើយមូលហេតុដែលអ្នកមិនព្រមចាកចេញគឺមិនមែនមកពីគ្មានជម្រើស តែមកពីអ្នកស្រឡាញ់ និងចង់ទុកឱកាសឲ្យគេ។ ចាំណាកុំឲ្យគេធ្វើអ្វីបានស្រេចតែចិត្ត ឬក្រឡាលើពេក ធ្វើឲ្យគេភ្លឺភ្នែកថា គេមើលអ្នកខុស អ្នកមិនមែនទន់ខ្សោយ ឬអន់ដូចដែលគេបានគិតនោះទេ។

៤. សុំបែកតែម្ដង

ជាជម្រើសចុងក្រោយបំផុត តែបើទៅមុខលែងរួចហើយ អ្នកគួរតែក្លាហានហ៊ាននិយាយពាក្យមួយនេះ ព្រោះទុកក៏មិនចំណេញ ដកចេញក៏មិនខាត។ គ្មាននរណាចង់បែកបាក់ស្នេហាឡើយ ព្រោះតិច ឬច្រើន អ្នកនឹងទទួលការឈឺចាប់។ ប៉ុន្ដែបើប្រឹងប្រែងអស់ហើយ គេនៅតែមិនខ្វល់បើអ្នកនៅតែប្រឹងបន្ដមិនត្រឹមតែហត់នឿយឈឺចាប់ ថែមទាំងខាតពេលវេលាទៀត៕  



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។