ចង់ឱ្យបរិយាកាសកាន់តែល្អពេលណាត់ជួបគ្នាដំបូងសាកមកកន្លែង ៥ នេះ

សម្រាប់គូស្នេហ៍ដែលទើបតែចាប់ផ្ដើមទំនាក់ទំនងស្នេហាជាមួយគ្នាដំបូងៗ ការណាត់ជួបគ្នាទៅខាងក្រៅគឺពិតជាសំខាន់មែនទែន។ វាគឺជាឱកាសដំបូងដែលយើងអាចយល់ចិត្តគ្នាល្អជាងមុន ស្គាល់គ្នាច្បាស់ជាងមុន និងជាការសាងពេលវេលាល្អៗជាមួយគ្នានៃការចាប់ផ្ដើមស្នេហាផងដែរ។ ដូច្នេះហើយតើការណាត់ជួបលើកដំបូងបែបនេះគួរទៅកន្លែងបែបណា?

១. ហាងកាហ្វេ

ហាងកាហ្វេគឺកន្លែងមួយដែលកំពុងពេញនិយមនាពេលបច្ចុប្បន្ន មិនថាការជួបជុំគ្នាពិភាក្សាការងារ ឬការណាត់ជួបគ្នានោះទេ។ ការណាត់ជួបនៅហាងកាហ្វេអាចឱ្យយើងមានការសន្ទនាមួយដ៏ល្អ មិនរញ៉េរញ៉ៃ និងមានអារម្មណ៍សុវត្ថិភាពផងដែរ។ មិនតែប៉ុណ្ណោះ យើងក៏អាចថតរូបជាមួយគ្នាទុកជាអនុស្សាវរីយ៍ទៀតផង។

២. រោងកុន

តាមពិតគូស្នេហ៍ភាគច្រើនបើមិនទៅញ៉ាំអីនោះទេ ក៏ទៅមើលកុនដែរ។ ការមើលកុនជាមួយគ្នានៅពេលណាត់ជួបគ្នាលើកដំបូងអាចជាសកម្មភាពសាមញ្ញដោយគូស្នេហ៍ភាគច្រើនតែងតែធ្វើ ប៉ុន្តែវាគឺជាឱកាសមួយដែលអនុញ្ញាតឱ្យយើងស្គាល់ពីចំណូលចិត្តគ្នាកាន់តែច្បាស់។ ជាមួយគ្នានេះ នៅពេលជ្រើសរើសភាពយន្តណាមួយក៏គួរតែ​​​​​​​​​​​ពិភាក្សាគ្នា និងសម្របតាមគ្នាផងដែរ។

៣. ភោជនីយដ្ឋាន ឬកន្លែងញ៉ាំអី

ការណាត់ជួបគ្នានៅកន្លែងញ៉ាំអីបែបនេះរឹតតែជាពេលដែលយើងអាចស្វែងយល់ពីចំណង់ចំណូលចិត្តគ្នាកាន់តែច្បាស់ផងដែរ។ យើងមិនចាំបាច់ទៅកន្លែងថ្លៃៗនោះទេ មានន័យថាគ្រាន់តែទៅកន្លែងដែលមានតម្លៃសមរម្យ និងអាហារឆ្ងាញ់បានហើយ។ ជាពិសេសនៅពេលមនុស្សយើងបានញ៉ាំអាហារឆ្ងាញ់ភាគច្រើនគឺមិនសូវមានការប្រុងប្រយ័ត្នខ្លួននោះទេ ដូច្នេះវាក៏ជាពេលល្អដែលយើងអាចសម្គាល់មើលអត្តចរិតដៃគូផងដែរ។

៤. សារមន្ទីរ ឬវិចិត្រសាល

សម្រាប់អ្នកដែលមានចំណង់ចំណូលចិត្តបែបសិល្បៈ វប្បធម៌ ការណាត់ជួបនៅសារមន្ទីរ ឬវិចិត្រសាលគឺជាកន្លែងមួយដ៏ល្អ។ កន្លែងមួយនេះគឺមានរក្សាទុកទៅដោយវត្ថុមានតម្លៃ ការចារទុកនូវប្រវិត្តសាស្រ្ត ឬស្នាដៃសិល្បៈផ្សេងៗដែលផ្ដល់នូវអារម្មណ៍ស្ងប់ស្ងាត់ និងពេលវេលាដ៏រ៉ូមែនទិកទៀតផង។

៥. សួនសត្វ ឬអាងចិញ្ចឹមត្រី (Aquarium)

មនុស្សយើងភាគច្រើនមែនទែនគឺមានភាពទន់ភ្លន់ជាមួយសត្វ ពេលខ្លះក៏បញ្ចេញភាពគួរឱ្យស្រឡាញ់មកដោយមិនដឹងខ្លួនផងដែរ។ ការជ្រើសរើស​សួនសត្វជាកន្លែងណាត់ជួបគ្នាអាចមានបង្កើតប្រធានបទផ្សេងៗគ្នាយកមកនិយាយដោយជាឱកាសដែលយើងអាចបង្កើតភាពផ្អែមល្ហែមទៀតផង។ ពេលខ្លះវាមើលទៅហាក់ដូចជាក្មេងបន្តិចមែន ប៉ុន្តែវាពិតជារ៉ូមែនទិកមែនទែន ៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

កូនខ្មែរកាត់រុស្ស៊ី ឌៀប សុហ្វៀរ៉ា សិល្បករស្រករក្រោយ កំពុងត្រូវប៉ាន់ការងារសិល្បៈ

ប្រិយមិត្តអ្នកនិយមតាមដានរឿងរ៉ាវសិល្បៈពិតជាបានស្គាល់ កូនខ្មែរកាត់រុស្ស៊ី យុវតី ឌៀប សុហ្វៀរ៉ា ដែលនាងជាសិល្បករ​ស្រករក្រោយម្នាក់ កំពុងផ្ទុះការចាប់អារម្មណ៍យ៉ាងខ្លាំង​ក្រោយឈ្នះ

មកស្គាល់បុរសនៅពីក្រោយ ការបង្កើតតុក្កតាចម្លែក Labubu ដែលកំពុងពេញនិយម

ប្រិយមិត្ដជាច្រើនប្រហែលជាបានឃើញតុក្កតាបិសាចចម្លែកមួយប្រភេទ ដែលកំពុងពេញនិយមលើបណ្ដាញសង្គមមានឈ្មោះថា Labubu។ Labubu ជាតួអង្គតុក្កតាមួយ​បង្កើត​ឡើងដោយ

សិក្ខាសាលាផលិតវីដេអូកុមារលើកទី១ របស់ SEAVFC ២០២៤ បញ្ចប់ដោយក្ដីរីករាយពីឪពុកម្ដាយ

កាលពីថ្ងៃទី១៦ ខែមិថុនាកន្លងទៅនេះ «មហោស្រពភាពយន្តវីដេអូសម្រាប់កុមារអាស៊ីអាគ្នយ៍» (Southeast Asia Video Festival for Children - SEAVFC) បានរៀបចំ

សន្ទុះគាំទ្រខ្លាំង! ភាពយន្តខ្មែររឿង «​បណ្ដាសានាងរាត្រី» រកចំណូលបានច្រើនបំផុតនៅតៃវ៉ាន់

សន្ទុះ​នៃ​ការ​គាំទ្រ​​ភាពយន្ត​ខ្មែរ​រឿង​ «​​បណ្ដាសា​នាង​រាត្រី​» បាន​បំបែក​កំណត់​ត្រា​ប្រវត្តិសាស្ត្រ​ក្នុង​ប្រទេស​តៃវ៉ាន់ ​​ក្លាយជាភាពយន្តដែល​រក​ចំណូល​បាន​ច្រើន​បំផុត​ពី​ការ​លក់​សំបុត្រ​ចូល​

Stray Kids ត្រៀមវាយលុកតារាងតន្ត្រីកូរ៉េ និងពិភពលោកជាមួយអាល់ប៊ុមទី៩

កាលពីថ្ងៃ១៩ ខែមិថុនា ផលិតកម្ម JYP Entertainment បានប្រកាសឱ្យដឹងថា អាល់ប៊ុមទី៩ របស់ក្រុម Stray Kids មានចំណងជើងថា "ATE" ដោយនឹងបង្ហាញពីថាមពលរីករាយរបស់

សុភាពនារីមាន ៣ ចំណុចនេះ អាចដាក់ពាក្យចូលប្រកួតកម្មវិធី Miss Cambodia 2024 បានហើយ!

ស្របពេលដែលកម្មវិធីប្រកួត Miss Cambodia 2024 នៅបន្តបើកទទួលពាក្យជ្រើសរើសបេក្ខនារី រហូតដល់ចុងខែកក្កដា ឆ្នាំ ២០២៤ សំណាង អេលីណា Miss International Cambodia

ទម្លាយគម្រោងបន្តរបស់សមាជិក BLACKPINK ក្រោយរកទ្រនំបានរៀងៗខ្លួន

បន្ទាប់ពីចែកផ្លូវគ្នាដើម្បីផ្ដោតលើការងារទោលរៀងៗខ្លួនជាង១ឆ្នាំ នៅពេលនេះមានសេចក្ដីរាយការណ៍ថាសមាជិកទាំង ៤ របស់ក្រុម BLACKPINK មានគម្រោងជួបជុំគ្នាម្តងទៀតសម្រាប់

គូស្នេហ៍ យ៉ាងគួ សៀវឡុងនី កំពុងត្រូវសង្ស័យដើរដល់ផ្លូវបញ្ចប់ ក្រោយរៀបការ ៨ ឆ្នាំ

កាលពីឆ្នាំ ២០១៤ រឿងភាគល្បី The Romance Of The Condor Heroes បានធ្វើឲ្យតារាសម្ដែងប្រុសចិន Chen Xiao និងតារាស្រី Michelle Chen ដែលជាតួឯក បានលង់ស្រឡាញ់គ្នា និងចាប់ដៃគ្នាចូលរោងមង្គលសាងគ្រួសារយ៉ាងមានសុភមង្គល។

បាត់មួយរយៈ ពេលនេះ Kara ប្រកាសត្រលប់មកឆាកតន្ត្រីវិញនៅខែក្រោយ

ក្រុមចម្រៀងស្រីខេប៉ុបជំនាន់ទី២ដ៏ល្បីល្បាញ Kara បានប្រកាសត្រលប់មកឆាកតន្ត្រីវិញក្នុងខែកក្កដា ដែលជាការ Comeback លើកដំបូងក្នុងរយៈពេលមួយឆ្នាំ និងប្រាំបីខែ

Fan Page ទទូចឱ្យ ឈុំ ចាន់ដារ៉ា ចូលប្រកួត Miss Cambodia 2024 ក្រោយខកឱកាសទៅប្រកួតនៅប៉ូឡូញ

បវរកញ្ញារូបស្រស់ ឈុំ ចាន់ដារ៉ា បានខកខានឱកាសតំណាងកម្ពុជាទៅប្រកួតកម្មវិធី Miss Supranational 2024 នៅប្រទេសប៉ូឡូញ បាត់ទៅហើយ ធ្វើឱ្យហ្វេនៗ និងអ្នកនិយមគាំទ្រ