ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
បើមានស្វាមីផ្តល់ ៤ យ៉ាងនេះ នោះអាចបញ្ជាក់ថាអ្នកមនុស្សស្រីមានសំណាងណាស់។ ការរៀបការជាមួយមនុស្សប្រុសដែលស្មោះត្រង់ ស្មោះស្ម័គ្រចំពោះប្រពន្ធកូនជាអ្វីដែលស្ត្រីគ្រប់រូបប្រាថ្នា ប៉ុន្តែជាក់ស្ដែងចិត្តមនុស្សពិតជាស្មានមិនងាយត្រូវនោះឡើយ។ បើចង់ដឹងថាមនុស្សប្រុសស្មោះឬអត់ កុំស្ដាប់តែសម្ដីគេ តែចាំមើលថាគេហ៊ានឲ្យ ៤ យ៉ាងនេះឬអត់?
១. ផ្ដល់លុយកាក់
កុំគិតថាអាពាហ៍ពិពាហ៍មិនត្រូវការទ្រព្យសម្បត្តិ។ ក្នុងសម័យនេះលែងមានអ្នកចង់រស់ក្នុងខ្ទមប្រក់ស្បូវតែមានបេះដូងស្មោះទៀតហើយ។ ការមានលុយច្រើនអាចធានាដល់ជីវិតអាពាហ៍ពិពាហ៍។ ពេលមានកូនហើយបើត្រូវបារម្ភរឿងអាហារហូបចុក របស់ប្រើប្រាស់ និងសម្លៀកបំពាក់ទៀតនោះគឺងាយនឹងកើតជម្លោះណាស់។ ប្រសិនបើបុរសម្នាក់ហ៊ានឱ្យប្រាក់ខែរបស់ខ្លួនទៅប្រពន្ធ នោះវាបង្ហាញថាគេពិតជាស្រឡាញ់ប្រពន្ធ ហើយជឿជាក់លើនាង។ ផ្ទុយទៅវិញ បុរសខិលខូចតែងតែលាក់បាំងប្រពន្ធពីចំណូលចំណាយរបស់ខ្លួន។
២. ផ្ដល់ពេលវេលា
ពេលវេលាសម្រាប់គ្រួសារមិនមែនជាពេលវេលាដែលសេសសល់ពីមិត្តភ័ក្ដិនិងការជួបជុំផ្សេងៗខាងក្រៅនោះទេ ប៉ុន្តែវាគឺជាអទិភាព។ បើសូម្បីតែផុតម៉ោងការងារហើយក៏គេមិនមានពេលវេលាសម្រាប់ប្រពន្ធកូន ឬពេលប្រពន្ធកូនមានបញ្ហាគេមិននៅជាមួយ មិនបានផ្ដល់អារម្មណ៍កក់ក្ដៅ នោះមានន័យថាគេមិនអាចហៅខ្លួនឯងថាប្ដីល្អស្មោះត្រង់នោះឡើយ។
២. ផ្ដល់កិត្តិយស
ប្រសិនបើបុរសនោះមានទំនាក់ទំនងលួចលាក់ក្រៅចំណងអាពាហ៍ពិពាហ៍ គេនឹងមិនហ៊ានយកប្រពន្ធទៅចូលរួមកម្មវិធីផ្លូវការផ្សេងៗឡើយ។ អ្នកខ្លះរៀបការច្រើនឆ្នាំហើយ នៅតែលាក់ៗ មិនហ៊ាននាំប្រពន្ធទៅជួបមិត្តភ័ក្តិ។ ប៉ុន្តែបើបុរសស្មោះត្រង់ គេនឹងស្រឡាញ់ប្រពន្ធអស់ពីចិត្ត ហើយមិនស្ទាក់ស្ទើរក្នុងការណែនាំនាងទៅកាន់សង្គមរបស់ខ្លួន។ គ្រប់ពាក្យសម្ដីនិងទង្វើរបស់គេនឹងបង្ហាញពីការផ្ដល់តម្លៃឱ្យនាងយ៉ាងសក្ដិសមជាភរិយាពេញច្បាប់និងជាម្ដាយរបស់កូនគេ។
៣. Password
បណ្ដាញសង្គមមិនត្រឹមតែជាកន្លែងបញ្ចេញមតិយោបល់និងចែករំលែករឿងរ៉ាវផ្សេងៗប៉ុណ្ណោះទេ ប៉ុន្តែក៏មានអាថ៌កំបាំងជាច្រើនទៀតដែរ។ មានបុរសខ្លះមើលពីក្រៅដូចមានចរិតស្លូតបូត តែក្នុងឆាតពួកគេមានរឿងអាក្រក់ៗជាច្រើនលាក់បាំងប្រពន្ធ។ ប៉ុន្តែប្រសិនបើស្វាមី ហ៊ានឱ្យ Password បណ្តាញសង្គមខ្លួនទៅប្រពន្ធ នោះបង្ហាញថាគេមិនមានអ្វីត្រូវលាក់បាំងនោះទេ ទោះវាមិនអាចបញ្ជាក់បាន១០០ភាគរយប៉ុន្តែវាក៏បានបង្ហាញពីទំនុកចិត្តរវាងប្ដីនិងប្រពន្ធ ៕
Account
Security
Favourite Content