៥ រឿងភាគចិនដែលល្បីផ្ទុះលើ Netflix មើលមួយភាគហើយ ចង់មើលមួយភាគទៀត

ឆ្នាំ២០២៥នេះ ចាត់ទុកថាជាឆ្នាំមួយដ៏ជោគជ័យសម្រាប់​ឧស្សាហកម្មភាពយន្តរបស់ចិន ខណៈដែលភាពយន្តភាគជាច្រើនចំណងជើងទទួលបានប្រជាប្រិយភាពមិនត្រឹមតែនៅតាមបណ្ដាប្រទេសអាស៊ីប៉ុណ្ណោះទេ តែក៏ទទួលបានការគាំទ្រពីទស្សនិកជនឆ្លងទ្វីបផងដែរ។  

ខាងក្រោយនេះ គឺជាភាពយន្តភាគចិនដ៏ពេញនិយមប្រចាំឆ្នាំ ៥ចំណងជើងនៅលើ Netflix ដែល AMS ចង់ណែនាំឱ្យទស្សនិកជនសាកល្បងទស្សនាកម្សាន្ត៖

១. The First Frost

ផ្ដើមដោយរឿងភាគកំពូលប្រជាប្រិយភាព The First Frost ជាភាពយន្តបែបមនោសញ្ចេតនា ដែលអាចទាក់ទាញការគាំទ្រពីទស្សនិកជនពីជុំវិញពិភពលោក។ សាច់រឿងបានដើរតាមខ្សែជីវិតរបស់ Wen Yifan សម្ដែងដោយ Zhang Ruonan ស្រ្តីវ័យក្មេងដួងចិត្តប្រេះស្រាំ ដែលកំពុងតែព្យាយាមព្យាបាលបេះដូងឡើងវិញ មុននឹងបានត្រឡប់ទៅជួបជាមួយនឹងបុរសដែលខ្លួនធ្លាប់លួចស្រឡាញ់តាំងតែពីក្មេង គឺ Sang Yan សម្ដែងដោយ Bai Jingting បុរសដែលមានដួងចិត្តទន់ភ្លន់ តែមានរូបរាងខាងក្រៅដូចជាព្រះរាជបុត្រទឹកកក។

ក្រៅពីការសម្ដែងដ៏ស័ក្តិសមរវាងតួឯកទាំងពីរ The First Frost ក៏ទទួលបានការកោតសរសើរទៅលើសាច់រឿងបែបចាស់ទុំ​ និងស៊ីជម្រៅ ខណៈរូបភាពក៏មានភាពស្រស់ស្អាតលេចធ្លោផងដែរ។  

២. Flourished Peony

Flourished Peony គឺជាជំនួបសាជាថ្មីរវាងដៃគូចាស់ Yang Zi និង Li Xian បន្ទាប់ពីអ្នកទាំងពីរធ្លាប់បានសម្ដែងរួមគ្នានៅក្នុងរឿង Go Go Squid!។ សាច់រឿងបានផ្ដោតទៅលើជីវិតតួអង្គ He Wei Fang សម្ដែងដោយ Yang Zi ជានារីវ័យក្មេងដែលមានភាពរឹងមាំ និងឯករាជ្យខុសពីស្រ្តីដទៃក្នុងសម័យកាលតែមួយ ដោយនាងក្លាហានក្នុងការជម្នះក្រឹត្យក្រមរបស់សង្គមចាស់បុរាណ។

ក្រៅពីមានសាច់រឿងលើកកម្ពស់តម្លៃស្រ្តីដ៏ជក់ចិត្ត ចំណុចមួយទៀតដែលទស្សនិកជនតែងលើកយកមកនិយាយ នោះគឺ សម្លៀកបំពាក់ប្រណិតជាច្រើនឈុតរបស់តួអង្គ ដែលបន្ថែមទស្សនីយភាពដ៏ទាក់ទាញមួយកម្រិតទៀតដល់សាច់រឿង។

៣. The Prisoner of Beauty

The Prisoner of Beauty គឺជារឿងបែបប្រវត្តិសាស្រ្ត ដែលមានសាច់រឿងកើតឡើងចំកណ្ដាលសង្គ្រាមនៃអំណាច នយោបាយ ភាពស្មោះត្រង់ និងការលួចក្បត់ពីក្រោយខ្នង។ សាច់រឿងបាននាំមុខដោយតួអង្គ Xiaoqiao សម្ដែង Song Zuer ជាអ្នកយុទ្ធសាស្ត្រស្រីដ៏មានឥទ្ធិពល ជាមួយនឹងមេទ័ព Wei Shao សម្ដែងដោយ Liu Yuning។

ក្នុងមួយភាគៗ The Prisoner of Beauty បានច្របាច់បញ្ចូលគ្នានូវភាពស្មុគស្មាញផ្នែកនយោបាយ និងជម្រៅផ្លូវចិត្តរបស់តួអង្គនីមួយៗ រហូតមហាជនបានដាក់រហស្សនាមឱ្យរឿងនេះថា ជា Games of Thrones ប្រចាំប្រទេសចិន។

៤. Love Game in Eastern Fantasy

អ្នកដែលចូលចិត្តរឿងបែបវេទមន្ត អាទិទេព និងទេវតាមិនគួររំលងរឿង Love Game in Eastern Fantasy ទេ ព្រោះរឿងនេះបានក្លាយជារឿងភាគចិនប្រភេទ Fantasy ដែលទទួលបានការពេញនិយមបំផុតនៅលើ Netflix ក្នុងឆ្នាំនេះ តាមរយៈសាច់រឿងបែបកំប្លែង គួរផ្សំនឹងវេទមន្តលើសពីធម្មជាតិ។

សាច់រឿងទាំងមូលនឹងមិនអាចកើតឡើងបានឡើយ បើសិនជាតួអង្គ Ling Miao Miao សម្តែងដោយ Esther Yu មិនបានឆ្លងភពចូលទៅក្នុងប្រលោមលោកទៅជួបនឹងទេវបុត្រជីវិតអមតៈ Mu Sheng សម្ដែង Ding Yuxi ។ នៅពេលឆ្លងចូលទៅកាន់ប្រលោមលោក Ling Miao Miao បានក្លាយជាតួអង្គចិត្តអាក្រក់មួយដែលត្រូវជម្នះឧបសគ្គសរសេរជោគវាសនារបស់ខ្លួនសាជាថ្មី។

៥. Our Generation

Our Generation បានចាប់ផ្ដើមសាច់រឿងតាំងតែពីតួអង្គនៅក្មេងៗនៅឡើយ ដោយ Lin Yingtao សម្ដែងដោយ​ Zhao Jinmai គឺជាក្មេងស្រីម្នាក់ដែលធំធាត់នៅទីជនបទ ខណៈដែរតួអង្គ Jiang Qiaoxi សម្ដែងដោយ Zhang Linghe គឺជាអ្នកចំណូលថ្មី ដែលទើបតែផ្លាស់ទីលំនៅមកពីទីក្រុង។ សាច់រឿងរបស់អ្នកទាំងពីរបានបន្តរហូតដល់ម្នាក់ៗធំពេញវ័យ ជាគ្រាដែលពួកគេត្រូវបំបែកផ្លូវគ្នាទៅចាប់យកក្ដីស្រមៃរៀងៗខ្លួន។ ចំណុចដែលគួរឱ្យចាប់អារម្មណ៍របស់សាច់រឿងបានចាប់ផ្ដើម នៅពេលដែល Lin Yingtao មិនអាចបណ្ដោយឱ្យខ្លួនបែកគ្នាជាមួយនឹង Jiang Qiaoxi ដោយងាយៗនោះទេ។

Our Generation គឺជាភាពយន្តដែលបានបំផុសពីភាពជាក់ស្ដែងនៃជីវិតរបស់យុវវ័យ ដែលត្រូវស្រវាចាប់ទាំងស្នេហា​ ការងារ និងក្ដីស្រមៃនៅក្នុងទីក្រុងធំ ខណៈភាពយន្តនេះក៏អាចទាក់ទងទស្សនិកជនវ័យក្មេងពីជុំវិញពិភពលោកផងដែរ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ចុងភៅលំដាប់ផ្កាយ Michelin ២ គឺលោក Christophe Hay និងមេចុងភៅ លោក លូ ម៉េង សហការគ្នានៅរាជធានី ភ្នំពេញ ដើម្បីជួយដល់កុមារនៅសាលារៀនតាមជនបទក្នុងខេត្តកំពត តាមរយៈអង្គការ Les Écoles de La Plantation

ងភៅដ៏ល្បីល្បាញជនជាតិបារាំង លោក Christophe Hay ដែលមាន រហស្សនាមថា «ចុងភៅកសិករ» (Farmer-Chef) និងមេចុងភៅកម្ពុជា លោក លូ ម៉េង បានរួមគ្នាក្នុងកម្មវិធីរាត្រីអាហារ

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី



Leave a Reply

Your email address will not be published.Required fields are marked *