រូបមន្តធម្មជាតិទាំង ៥ សម្រាប់អប់សក់ ព្យាបាលសក់ខូច

ជាទូទៅសក់មនុស្សមិនថាប្រុស ឬស្រីនោះទេគឺតែងតែជួបប្រទះនូវបញ្ហាស្ងួត បែកចុង និងសំពោងជាដើម។ ប៉ុន្តែពេលខ្លះមិនមែនរាល់ការប្រើប្រាស់ផលិតផលសម្រាប់ព្យាបាលសសរសៃសក់សុទ្ធតែមានប្រសិទ្ធភាពទាំងអស់ឡើយ ថែមទាំងចំណាយថវិកាច្រើនទៀតផង។ ដូច្នេះយើងអាចមកសាកល្បងជាមួយរូបមន្តបែបធម្មជាតិដូចខាងក្រោមនេះបានទាំងអត្ថប្រយោជន៍ និងសន្សំប្រាក់៖

១. ស៊ុត និងប្រេងអូលីវ

ស៊ុតគឺសម្បូរទៅដោយប្រូតេអ៊ីនដែលអាចជួយទៅបំប៉នសរសៃឱ្យមានភាពទន់រលោង ខណៈប្រេងអូលីវដើរតួជាអ្នកផ្ដល់ភាពត្រជាក់សល់ស្បែកក្បាល។ ការលាយបញ្ចូលគ្នាគ្រឿងផ្សំទាំងពីរនេះអាចនឹងកាត់បន្ថយសក់សំពោង ត្រង់ និងស្រស់ស្អាតផងដែរ។ សម្រាប់វិធីធ្វើគឺងាយៗដោយគ្រាន់តែប្រើស៊ុត ២ គ្រាប់ និងប្រេងអូលីវ ២ ស្លាបព្រាបាយវាយចូលគ្នាឱ្យសព្វរួចយកលាបលើសក់។ បន្ទាប់មកទុករយៈពេល ១០ ទៅ ១៥ នាទីហើយសម្អាតចេញជាការស្រេច។

២. ទឹកដោះគោ និងទឹកឃ្មុំ

ប្រូតេអ៊ីននៅក្នុងទឹកដោះគោអាចជួយចិញ្ចឹម និងពង្រឹងសរសៃសក់បូករួមជាមួយទឹកឃ្មុំដែលជួយផ្ដល់សំណើមនោះនឹងធ្វើឱ្យសក់កាន់តែមានសុខភាពល្អ។ រូបមន្តមួយនេះគឺសក្ដិសមមែនទែនសម្រាប់អ្នកមានសក់ស្ងួត និងសំពោង។ ចំពោះវិធីធ្វើគឺប្រើទឹកដោះគោ ១ កូនកែវ និងទឹកឃ្មុំ ២ ស្លាបព្រាបាយហើយកូរឱ្យសព្វ លាបលើសក់ហើយទុកត្រឹម ១០ ទៅ​ ១៥ នាទីរួចលាងទឹកចេញជាការស្រេច។

៣. ម្សៅអង្ករ ទឹកដោះគោ និងទឹកឃ្មុំ

ម្សៅអង្ករក៏មានគុណសម្បត្តិក្នុងការជួយបំប៉នសរសៃសក់ឱ្យទន់ភ្លឺរលោងដែរ។ ប្រសិនបើយើងអាចលាយជាមួយទឹកដោះគោ និងទឹកឃ្មុំបន្ថែម នោះនឹងកាន់តែធ្វើឱ្យមានសុខភាពល្អថែមមួយកម្រិតទៀត។ ចំណែកឯងវិធីលាយគឺប្រើម្សៅអង្ករ ៣ ឬ ៤ ស្លាបព្រាបាយ ទឺកដោះគោ ២ ស្លាបព្រាបាយ​ និងទឹកឃ្មុំ ១ ស្លាបព្រាបាយ។ ក្រោយកូរចូលគ្នាសព្វហើយយកមកលាបលើសក់ហើយទុកត្រឹម ១០ ទៅ​ ១៥ នាទីរួចកក់សក់ជាការស្រេច។

៤. ផ្លែចេក និងផ្លែល្ហុង​

ការប្រើប្រាស់ផ្លែចេក និងផ្លែល្ហុងរួមបញ្ចូលគ្នានឹងជួយពង្រឹងទៅដល់សុខភាពសរសៃសក់បានយ៉ាងល្អ។ ដោយសារផ្លែឈើទាំងពីរមុខនេះសុទ្ធតែសម្បូរទៅដោយសារធាតុចិញ្ចឹម​ និងព្យាបាល ដូច្នេះវានឹងធ្វើឱ្យសរសៃទន់ភ្លឺរលោង សុខភាពល្អ និងមានទម្ងន់ជាងមុនផងដែរ។ យើងគ្រាន់យកចេក ១ ផ្លែមកកិនជាមួយល្ហុងទុំ ១ ចំណិតហើយលាងជម្រះជាការស្រេច។

៥. ប្រទាលកន្ទុយក្រពើ និងប្រេងដូង ឬប្រេងអូលីវ

ប្រទាលកន្ទុយក្រពើសម្បូរទៅដោយអង់ស៊ីមដែលអាចជួយឱ្យសរសៃសក់ទន់រលោង និងផ្ដល់សំណើមផងដែរ។ ស្របពេលដែលប្រេងដូង ឬប្រេងអូលីវដើរតូជាអ្នកពន្លឿនការលូតលាស់សរសៃសក់។ នៅពេលយើងប្រើសារធាតុទាំងពីរនឹងធ្វើឱ្យសក់ដុះលឿនជាងមុន មានសំណើមជាងមុន និងត្រង់ជាងមុនផងដែរ។ សម្រាប់វិធីលាយដោយគ្រាន់តែប្រើប្រេងអូលីវ ឬប្រេងដូង ១ កូនពែង និងប្រទាលកន្ទុយក្រពើ ១ កូនពែងកូរឱ្យសព្វហើយលាបលើសក់ទុក ១០ ទៅ ១៥ នាទីរួចកក់សម្អាតសក់ជាការស្រេច។

ចំពោះរូបមន្តទាំង ៥ ខាងលើសុទ្ធតែប្រើគ្រឿងផ្សំធម្មជាតិ ចំណាយថវិកាតិច និងចំណេញពេលវេលាថែមទៀតផង៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​