បច្ចុប្បន្ននេះមនុស្សភាគច្រើនបានជ្រើសរើសយកវិធីថែរក្សាសុខភាពតាមបែបធម្មជាតិដោយទទួលទានទឹកបន្លែស្រស់ៗដែលពោរពេញទៅដោយសារធាតុចិញ្ចឹម។ លើសពីនេះ ភេសជ្ជៈមួយប្រភេទនេះមានប្រសិទ្ធភាពក្នុងការបណ្ដេញជាតិពុលចេញពីក្នុងរាងកាយបានយ៉ាងល្អផងដែរ។ ដូច្នេះថ្ងៃនេះ AMS នឹងចែករំលែកនូវ ៤ រូបមន្តធ្វើទឹកបន្លែស្រស់ៗដោយខ្លួនបានយ៉ាងងាយ៖

រូបមន្តទី ១៖
គ្រឿងផ្សំ៖
ការ៉ុត ៤ មើម
ក្រូចឆ្មារ ២ ផ្លែ
ប្រេង flax seed ១ ស្លាបព្រាបាយ
ការ៉ុត និងក្រូចឆ្មារមានសារធាតុចិញ្ចឹមច្រើនដែលអាចជួយបន្សាបជាតិពុលក្នុងរាងកាយ។ ហើយប្រសិនបើអ្នកបន្ថែមប្រេង flax seed ទៀត វានឹងបង្កើនប្រសិទ្ធភាពនៃការជួយបន្សាបជាតិពុល។ លើសពីនេះ ភេសជ្ជៈនេះក៏ផ្ដល់ផលល្អក្នុងការជួយឱ្យដំណើរនៃការរំលាយអាហារបានកាន់តែប្រសើរផងដែរ។

រូបមន្តទី ២៖
គ្រឿងផ្សំ៖
តាសក់ ១ ផ្លែ
ដើម celery ៣ ដើម
ប្រួខូលី ២ ដុំ
ការកិនបញ្ចូលគ្នានូវផ្លែតាសក់ ដើម celery និងប្រូខូលីគឺត្រូវបានចាត់ទុកជាភេសជ្ជៈបន្សាយមួយដ៏ល្អ។ ផ្លែតាសក់មានផ្ទុកនូវអាស៊ីត Ascorbic និងអាស៊ីត Caffeic ដែលអាចជួយបញ្ចេញទឹកនោម ប៉ុន្តែមិនធ្វើឱ្យខះជាតិទឹកនោះទេ។ ទន្ទឹមនឹងនេះ ដើម celery មានប្រសិទ្ធភាពជួយកាត់បន្ថយការហើម ខណៈប្រូខូលីអាចជួយសម្អាត និងជំរុញមុខងារថ្លើមផងដែរ។

រូបមន្តទី ៣៖
គ្រឿងផ្សំ៖
ប៉េងប៉ោះ ៤ ផ្លែ
ខ្ទឹមបារាំង ១ មើម
ក្រូចឆ្មារ ២ ផ្លែ
ប៉េងប៉ោះមានគុណសម្បត្តិជួយកាត់បន្ថយការរលាកថ្លើម។ ស្របពេលដែលខ្ទឹមបារាំងមានសារធាតុស្ពាន់ធ័រអាចជួយបណ្តេញមេរោគ និងជាតិពុលចេញពីរាងកាយផងដែរ។ ប្រសិនបើយើងបន្ថែមក្រូចឆ្មារ វានឹងកាន់តែបង្កើនប្រសិទ្ធភាពនៃការបន្សាបជាតិពុលទៀតផង។

រូបមន្តទី ៤៖
គ្រឿងផ្សំ៖
ស្ពៃ kale ១ គុម្ព
តាសក់ កន្លះផ្លែ
ប្រូខូលី ២ ដុំ
ស្លឹក tarragon ៨ សន្លឹក
ស្ពៃ kale អាចជួយបន្សុទ្ធឈាមព្រមទាំងកាត់បន្ថយការបញ្ចេញជាតិរំអិលពីបំពង់ក និងច្រមុះ។ ចំណែកតាសក់ និងប្រូខូលីអាចជួយលាងសម្អាត និងបន្សាបជាតិពុលចេញពីក្នុងរាងកាយ។ ចំពោះឱសថដូចជា tarragon មានផ្ទុកនូវជាតិអ៊ីយ៉ូតដែលល្អសម្រាប់ការរំលាយអាហារ និងពង្រឹងដំណើរការបន្សាបជាតិពុលក្នុងរាងកាយផងដែរ៕






















Account
Security
Favourite Content