នាវាទេសចរណ៍ ២ គ្រឿងបានចូលចតនៅកំពង់ផែស្វយ័តក្រុងព្រះសីហនុ ដើម្បីមកទស្សនាប្រទេសកម្ពុជាក្នុងថ្ងៃ ៦ ខែកុម្ភៈ ឆ្នាំ ២០២៥ ។ នេះបើតាមការបង្ហោះឱ្យដឹងនៅលើផេកផ្លូវការ កំពង់ផែស្វយ័តក្រុងព្រះសីហនុ។


នៅថ្ងៃនេះនាវាទេសចរណ៍ ZHAO SHANG YI DUN ផលិតនៅចិន និងនាវាទេសចរណ៍ NOORDAM របស់ហុល្លង់ បានចូលចតនៅកំពង់ផែស្វយ័តក្រុងព្រះសីហនុក្នុងគោលបំណងមកទស្សនាប្រទេសកម្ពុជារយៈពេល ១ ថ្ងៃបន្ទាប់ពីធ្វើដំណើរចេញពីប្រទេសថៃ។
គួរឱ្យដឹងដែរថា នាវាទេសចរណ៍ ZHAO SHANG YI DUN មានផ្ទុកអ្នកទេសចរណ៍សរុប ២៦៣ នាក់ក្នុងនោះភ្ញៀវជាជនជាតិជប៉ុនមាន ១៦៦ នាក់ច្រើនជាងគេក្នុងចំណោម ២១ សញ្ជាតិនៃភ្ញៀវទេសចរនៅក្នុងនាវា ព្រមជាមួយនាវិកសរុប ៣៥០ នាក់។
រីឯនាវាទេសចរណ៍ NOORDAM មានផ្ទុកអ្នកទេសចរណ៍សរុប ១ ៩០៩ នាក់ ក្នុងនោះមាន ៤២ សញ្ជាតិ ហើយភ្ញៀវសញ្ជាតិអាមេរិកច្រើនជាងគេ ៩២៥ នាក់ ព្រមជាមួយនាវិកសរុប ៧៨៥ នាក់។ ជារួមនាវាទេសចរណ៍ទាំងពីរផ្ទុកអ្នកទេសចរសរុបចំនួន ២ ១៧២ នាក់ និងនាវិកសរុប ១ ១៣៥ នាក់។









តាមរយៈផេកផ្លូវការខាងលើបានឱ្យដឹងបន្ថែមថា នាវាទេសចរណ៍ទាំងពីរនឹងចាកចេញពីកម្ពុជាទៅកាន់ប្រទេសវៀតណាមវេលាម៉ោង ៩ និងម៉ោង ១០ យប់ក្នុងថ្ងៃដដែលបន្ទាប់ពីការចុះទស្សនារយៈពេលខ្លីមួយនេះ៕
ប្រភពរូបភាព ៖ កំពង់ផែស្វយ័តក្រុងព្រះសីហនុ


























Account
Security
Favourite Content