មើលមួយភ្លែតស្មានថាកំពត តាមពិតហាងកាហ្វេម្ដុំជ្រោយចង្វា ដែលជាកន្លែងមើលថ្ងៃលិចស្អាតខ្លាំង កាហ្វេក៏ឆ្ងាញ់ ហើយសក្ដិសមសម្រាប់អ្នកដែលចូលចិត្តបរិយាកាសស្ងប់ស្ងាត់បែបធម្មជាតិ។
𝐒𝐮𝐧𝐬𝐞𝐭 & 𝐓𝐡𝐞 𝐑𝐢𝐯𝐞𝐫 ជាហាងកាហ្វេជាប់ដងទន្លេសាប មានកន្លែងអង្គុយធំទូលាយ ទាំងខាងក្នុងនិងខាងក្រៅ។ ខាងក្នុងហាងត្រូវបានដេគ័រ និងរៀបចំយ៉ាងស្រស់ស្អាត រីឯខាងក្រៅមានរានហាលដែលអាចអង្គុយមើលទេសភាពមាត់ទន្លេពីចម្ងាយ និងផ្នែកខាងក្រោមដែលរៀបចំលើដីវាលក្រោយផ្ទះមានដើមឈើធំជាម្លប់ត្រឈឹងត្រឈៃ មានទាំងកៅអីផ្អែក និងអង្រឹង (ចង់អង្គុយអានសៀវភៅក៏បាន សម្រាកលេងក៏បាន) ណាមួយក៏មានកន្លែងបោះតង់អង្គុយបានដែរ។ ហាងកាហ្វេមួយនេះសក្ដិសមបំផុតសម្រាប់អ្នកចូលចិត្តប្រើជីវិតជាមួយធម្មជាតិ ខ្យល់ទន្លេ និងស្ងប់ស្ងាត់។
ហាងកាហ្វេនេះដែរមិនត្រឹមផ្ដល់នូវរសជាតិកាហ្វេដ៏ឈ្ងុយឆ្ងាញ់នោះទេ ថែមទាំងមានអាហារកុម្ម៉ង់បែបខ្មែរច្រើនប្រភេទផងដែរ រីឯសេវាកម្មបម្រើភ្ញៀវបានដិតដល់។ ហាងកាហ្វេ 𝐒𝐮𝐧𝐬𝐞𝐭 &𝐓𝐡𝐞 𝐑𝐢𝐯𝐞𝐫 មានទីតាំងស្ថិតនៅលើផ្លូវ OCIC ចម្ងាយ ១០ នាទីពីរង្វង់មូលជ្រោយចង្វា និង ៥ នាទីពីរង្វង់មូលនាងមច្ឆា បើកជារៀងរាល់ថ្ងៃ ពីម៉ោង ៧ព្រឹក ដល់ ៧យប់៕






រូបភាព ផ្ដល់ជូនដោយ ម៉ក់ ភារៈ/ក្រុមប្រមាញ់រូបភាពចម្រុះ


























Account
Security
Favourite Content