ញ៉ាំ​កាហ្វេ​ ថត​រូប​ និងទិញ​រុក្ខ​ជាតិ​តូច​ៗ​ all in one នៅ Buddy Village-ភូមិបាតឌី

សម្រាប់​ប្រិយមិត្ត​ដែល​ចូលចិត្ត​ហាង​កាហ្វេ​បែប​ធម្មជាតិ ​មាន​កន្លែង​ថត​រូប​ស្អាត​ៗ​ជាមួយ​ធម្មជាតិ​ និង​សត្វ​ ថ្ងៃនេះ AMS សូម​​​ណែនាំ​​ហាង​កាហ្វេ​មួយ​នេះ​ដែល​ស័ក្ដិសម​បំផុត​សម្រាប់​អ្នក​ចូលចិត្ត​ថតរូប។ ហាង​កាហ្វេ​មួយ​នេះ​មាន​ទីតាំង​នៅ​តាម​បណ្ដោយ​ផ្លូវ​មិត្ត​ភាព​ភ្នំពេញ-ហាណូយ ស្ថិត​ក្នុង​សង្កាត់​ឃ្មួញ។

ហាង​កាហ្វេ Buddy Village-ភូមិ​បាតឌី គឺ​ជា​ឈ្មោះ​មួយ​ដែល​ម្ចាស់​ហាង​យល់​ថា​វា​បាន​ផ្សារ​ភ្ជាប់​ក្ដី​ស្រឡាញ់​ទៅ​និង​ខ្លួន​ឯង សត្វ​ចិញ្ចឹម និង​ដើមឈើ​ជា​ពិសេស​នោះ​គឺ​កូន​រុក្ខជាតិ​តូច​ៗ។ ក្រៅ​អំពី​កាហ្វេ​ដែល​មាន​រសជាតិ​ឆ្ងាញ់ ហាង​កាហ្វេ​មួយ​នេះ​មាន​លក្ខណៈ​ពិសេស​ជា​ច្រើន​គួរ​ឲ្យ​ចាប់​អារម្មណ៍​ដូច​ជា កន្លែង​អង្គុយ​ដែល​បាន​ផ្សារ​ភ្ជាប់​ជាមួយ​ធម្មជាតិ​យ៉ាង​ល្អ​ឯក ​​ទេសភាព​ស្រស់​បំព្រង​ប្លែក​ភ្នែក​ជា​ពិសេស​នោះ​គឺ​កូន​រុក្ខជាតិ​តូច​ៗ​ប្លែកៗ និង​អាច​ថត​រូប​ប្រណិត​ៗ​បាន​ទៀត​ផង។

លោក ឆាន វីរៈ ម្ចាស់ហាង Buddy Village បាន​ឲ្យAMS ដឹង​ថា​រូប​លោក​ផ្ទាល់​គឺ​ជា​មនុស្ស​ម្នាក់​ដែល​ស្រឡាញ់​ចូលចិត្ត​ធម្មជាតិ និង​សត្វ​ខ្លាំង​ណាស់​អាស្រ័យ​ហេតុនេះ​ហើយ​ទើប​លោក​សម្រេច​ចិត្ត​ជ្រើស​រើស​យកConcept ហាង​ប្រភេទ​នេះ។

បើ​តាម​ការ​សង្កេត​តាម​រយៈ​បទ​សម្ភាសន៍​ដែល​ម្ចាស់​ហាង​រូប​នេះ​បាន​ផ្ដល់​ឲ្យ​ក្រុម​ការងារAMS គឺ​ប្រៀប​ដូចជា​បាន​ស្ដាប់​អ្នក​ជំនាញ​រុក្ខជាតិ​ដ៏​ពូកែ​ម្នាក់​អ៊ី​ចឹង។ នៅ​ក្នុង​បរិវេណ​ហាង​ពោរពេញ​ទៅ​ដោយ​កូន​រុក្ខជាតិ​តូច​ធំ​ស្រស់​បំព្រង ស្កេះស្កះ​ដែល​ទទួល​កំពុង​តែ​ទទួល​បាន​ការ​ថែទាំ​យ៉ាង​ល្អ​ពី​ម្ចាស់​ហាង​និង​បុគ្គលិក​នៅ​ទី​នោះ។

អ្វី​ដែល​ពិសេស​ទៀត​នោះ​គឺ​ម្ចាស់​ហាង Buddy Village-ភូមិ​បាតឌី​ បាន​ធ្វើ​ការ​ណែនាំ​ដល់​អ្នក​ដែល​មាន​បំណង​ចង់​ចាប់​ផ្ដើម​ដាំ Small Plants គួរ​ដាំ​ដើម​ឈើ​៣​ប្រភេទ​នេះ៖

១. Colocasia or Alocasia៖ រុក្ខជាតិ​ប្រភេទ​ក្ដាត និង​ត្រាវ(មាន​ច្រើន​ប្រភេទ​ទៅ​តាម​ទម្រង់​នីមួយ​ៗ)

២. Epipremnum៖ ប្រភេទ​រុក្ខជាតិ​វល្លិ​ដែល​អាច​លូត​លាស់​នៅ​តំបន់​ដែល​ត្រូវ​ការ​សំណើម​ខ្ពស់​ហើយ​អាច​ដាំ​ក្នុង​ទឹក​ក៏​បាន​លើ​គោក​ក៏​បាន

៣. Syngonium៖ រុក្ខជាតិ​ដែល​រស់​នៅ​ក្នុង​ទឹក​ក៏​បាន លើ​គោក​ក៏​បាន​ហើយ​បើ​ដាំ​លើ​គោក​គឺ​អាច​លូតលាស់​បាន​ល្អ​ជាង​ដាំ​ក្នុង​ទឹក។

ចំពោះ​មូលហេតុ​លោក ឆាន វីរៈ ក៏​បាន​ប្រាប់​យ៉ាង​ច្បាស់​ថា៖ « រុក្ខជាតិ​ប្រភេទ​នេះ​គឺ​ពិត​ជា​ងាយ​ស្រួល​ដាំ និង​ថែ​ទាំ​មែន​ទែន។ ពួកវា​គឺ​ធន់​និង​អាកាសធាតុ​មែនទែន ហើយ​អ្វី​ដែល​ពិសេស​នោះ​គឺ​វា​គឺ​កម្លាំង​ចិត្ត​មួយ​ដែល​ធ្វើ​ឲ្យ​អ្នក​ដាំ​ទាំងនោះ គឺ​គាត់​មាន​កម្លាំង​ចិត្ត​ដាំ​រុក្ខជាតិ​ប្រភេទ​ថ្មីៗ​បន្ត​ទៀត​ដោយសារ​តែ​ពួកគាត់​បាន​ឃើញ​រុក្ខជាតិ​គាត់​បាន​ដាំ​ទាំងនេះ​ដុះ​លូតលាស់​បាន​ល្អ»។

ដើម្បី​ជា​ការ​លើក​ទឹកចិត្ត​ដល់​អ្នក​ដែល​ស្រឡាញ់​ចូលចិត្ត​ដាំ​ដើម​ឈើ​តូចៗ​លោក ឆាន វីរៈ ក៏​មាន​បើក​នៅ​វគ្គ​បណ្ដុះ​បណ្ដាល​ផ្សេង​ៗ​ដែល​ទាក់ទង​ទៅ​និង​ការ​ថែ​ទាំ និង​ការ​ស្វែង​យល់​អំពី​កូន​រុក្ខជាតិ ហើយ​ក្រៅ​ពី​នេះ​លោក​ក៏​បាន​ផ្ដល់​ជា​សារ​សំខាន់​មួយ​ទៅ​ដល់​អ្នក​ដែល​ចង់​បើក​អាជីវកម្ម​លក់​កូន​រុក្ខជាតិ​ទាំង​ឡាយ​ថា​គួរ​តែ​កុំ​យក​លុយ​ទៅ​វិនិយោគ​លើ​អាជីព​នេះ​ទាំង​ស្រុង និង​គួរ​តែ​ចាត់​ទុក​អាជីព​នេះ​ជា​អាជីព​ទីពីរ​របស់​ខ្លួន​ប្រសើរ​ជាង ហេតុផល​នោះ​គឺ​រុក្ខជាតិ​តូច​ៗ​ប្រភេទ​នេះ​គឺ​ត្រូវ​ការ​ពេល​វេលា ការ​ថែទាំ ការ​អត់ធ្មត់ និង​ការ​ស្រឡាញ់​ដោយ​ប្រើ​បេះដូង៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​