បង្ហាញ​រូបមន្ត​មុខ​ម្ហូប​គីមឈី​ទាំង​ ៥​ ឆ្ងាញ់​ហើយ​ល្អ​ចំពោះ​សុខភាព​

គីមឈី​ជា​អាហារ​ប្រចាំ​ជាតិ​របស់​ជនជាតិ​កូរ៉េ​រាល់​ពេល​ទទួល​ទាន​អាហារ​គឺ​តែង​តែ​មាន​គីមឈី​ជានិច្ច។ ក្រៅ​ពី​រសជាតិ​ឆ្ងាញ់​ពិសា​នោះ​គីមឈី​ក៏​ជា​អាហារ​ដែល​ល្អ​សម្រាប់​សុខភាព​ថែម​ទៀត​ផង។ គីមឈី​ជួយ​កាត់​បន្ថយ​ Cholesterol​ ហើយ​មាន​ Probiotics​ ដែល​ជួយ​ឲ្យ​ពោះវៀន​របស់​យើង​រឹងមាំ​។ គីមឈី​ជា​ប្រភេទ​អាហារ​សម្រក​ទម្ងន់​ដែល​ពេញ​និយម​យ៉ាង​ខ្លាំង​នៅ​ក្នុង​ប្រទេស​កូរ៉េ។ ថ្ងៃ​នេះ​ AMS បាន​នាំ​យក​មុខ​ម្ហូប​គីមឈី​ងាយៗ​​ទាំង​​ទាំង​ ៥​ មុខ​មក​ចែក​រំលែក​ដល់​ប្រិយមិត្ត​។ អាន​អត្ថបទ​នេះ​ចប់​ហើយ​កុំ​ភ្លេច​ទៅ​ធ្វើ​ញ៉ាំ​ទាំង​អស់​គ្នា​ណា!

១.​ ស៊ុប​គីមឈី​ តៅហ៊ូ

​​គ្រឿង​ផ្សំ៖

១.​ ទឹក​ពីរ​ចាន

២.គីមឈី​ហាន់​តូចៗ​ល្មម​១​ចាន​

៣.​ ប្រេងល្ង​ ១​​ស្លាបព្រា​កាហ្វេ

៤.​ ខ្ទឹមស​ ១​ កំពឹស

៥.​ តៅហ៊ូ​ទន់​១​ ដុំ​

៦.​ ដើម​ខ្ទឹម​កូរ៉េ​ ១​ ដើម​

៧.​ អំបិល​ ម្រេច​ បន្តិច

៨.ម្ទេស​ហ្មត់​មួយ​ស្លាបព្រា​កាហ្វេ​ឬ​តាម​ចំណូល​ចិត្ត

វិធី​ធ្វើ៖​

១.​ ដាក់​ឆ្នាំ​នៅ​លើ​ភ្លើង​ក្ដៅ​ល្មម​ ដាក់​ប្រេងល្ង​ គីមឈី​ ម្ទេស​ហ្មត់​ និង​ខ្ទឹមស​ ចូល​ទៅ​ឆា​ចូល​គ្នា​ឲ្យ​សព្វ​រហូត​ដល់​គីមឈី​ទន់

២.​ ដាក់​ទឹក​ធម្មតា​ និង​ទឹក​គីមឈី​ចូល​ទៅ​ បន្ថយ​ភ្លើង​ បិទ​គម្រប​រួច​ទុក​ឲ្យ​ពុះ​ប្រហែល​ ១៥​ នាទី

៣.​ ដាក់​តៅហ៊ូ​ និង​ ដើម​ខ្ទឹម​ចូល​ទៅ​ ទុក​ឲ្យ​ពុះ​ ៥​ នាទី​ ដាក់​អំបិល​និង​ម្រេច​ចូល​ទៅ​ ភ្លក់​​មើល​ល្មម​រួច​ដាក់​ចុះ​។​

២.បាយឆាគីមឈី

គ្រឿង​ផ្សំ៖

១.​ បាយ​ស​ ១​ ចាន

២.​ ប៊ឺ​មួយ​ស្លាបព្រា​ កាហ្វេ

៣.​ ការ៉ុត​ហាន់​ជា​សរសៃ​កន្លះ​មើម

៤.​ គីម​ឈី​សាប់​កន្លះ​ចាន​ចង្កឹះ

៥.ស៊ុត​ ១​ គ្រាប់​

៦.​ ដើម​ខ្ទឹម​ហាន់​ល្អិត​មួយ​ស្លាបព្រា​បាយ

៧.​ ទឹក​ស៊ីអ៊ីវ​ ១​ ស្លាបព្រា​បាយ

៨.​ ប្រេងឆា​

៩.​ សារាយ​សម្រាប់​រោយ​ពីលើ​បាយ

វិធី​ធ្វើ៖​

១.ដាក់​ខ្ទះ​ ប្រើ​ភ្លើង​ល្មម​ ដាក់​ប៊ឺ​ និង​ប្រេង​ឆា​ចូល​ទៅ​ ពេល​ប៊ឺ​រលាយ​ ហើយ​ដាក់​ ការ៉ុត​ និង​ គីមឈី​ ចូល​ទៅ​ ឆា​ ៥​នាទី​

២​. ដាក់​បាយ​សចូល​ឆា​ចូល​គ្នា​ឲ្យ​សព្វ​

៣.​ វែង​បាយ​ទៅ​ចំហៀង​ខ្ទះ​រួច​គោះ​ស៊ុត​ដាក់​ចូល​ទៅ​ ឆា​ឲ្យ​ស៊ុត​ពណ៌​ក្រហម​បែក​

៤.​ ដាក់​ទឹក​ស៊ីអ៊ីវ​ ដើម​ខ្ទឹម​ ឆា​ចូល​គ្នា​ឲ្យ​សព្វ

៥.​ ដួស​ដាក់​ចាន​រោយ​សារាយ​ពី​លើ​ជា​ការ​ស្រេច​។

៣.​ សាច់​ជ្រូក​ឆា​ គីមឈី

គ្រឿង​ផ្សំ៖

១.​ សាច់​ជ្រូក​ហាន់ជា​បន្ទះ​ស្តើងៗ​ ១០០​ក្រាម​

២.​ គីមឈី​ហាន់​តូច​ល្មម​ ១០០​ ក្រាម​

៣.​ ខ្ទឹម​បារាំង​ហាន់​វែងៗ​ កន្លះ​មើម

៤.​ ការ៉ុត​ហាន់​ជា​សរសៃ​កន្លះ​មើម​

៥.​ កូឈូចាំង​ ម្ទេស​កិន​ហ្មត់​ខាប់​របស់​កូរ៉េ​ ១​ ស្លាបព្រា​បាយ

៦.​ ខ្ទឹម​ស​ចិញ្ច្រាំ​ ១​ស្លាបព្រា​កាហ្វេ​

៧.​ ប្រេងល្ង​១​ស្លាបព្រា​កាហ្វេ

៨.​ ប្រេង​ឆា​

វិធី​ធ្វើ​៖​

១.​ ប្រឡាក់​សាច់​ជ្រូក​ជា​មួយ​ កូឈូចាំង​ និង​ទឹក​ស៊ុអ៊ីវ​ ទុក​ក្នុង​ទូទឹកកក​១​ម៉ោង​មុន​យក​មក​ចម្អិន

២.​ ដាក់ខ្ទះដាក់ប្រេងឆាចូល​ ដាក់ខ្ទឹមសឆាឲ្យឈ្ងុយ ដាក់ការ៉ុតខ្ទឹមបារាំង​ឆាចូលគ្នាឲ្យសព្វ ឆារហូតដល់ការ៉ុតទន់

៣.​ ដាក់សាច់ជ្រូកចូលទៅឆារហូតដល់សាច់ជ្រូកឆ្អិន​ ដាក់គីមឈីនិងប្រេងល្ងកូរចូលគ្នាឲ្យសព្វជាការស្រេច។

៤.​ សាឡាដដំឡូង​ជ្វា​គីមឈី

គ្រឿង​ផ្សំ៖​

១.​ ដំឡូង​ជ្វា​១​មើម​ធំ​ បក​សំបក​លាង​ទឹក​ឲ្យ​ស្អាត​ ហាន់​ជា​ដុំ​តូច​ល្មម

២.​ គីមឈី​ហាន់​ជា​ដុំ​តូច​កន្លះ​ចាន​ចង្កឹះ

៣.​ កូឈូចាំង​ ១​ ស្លាបព្រា​បាយ

៤.​ ម៉ាយ៉ូងនែស​ ១​ ស្លាបព្រាបាយ​

៥.​ ដើម​ខ្ទឹម​ហាន់​មួយ​ស្លាបព្រា​បាយ

៦.​ ល្ង​លីង​ ១ ​ស្លាបព្រា​កាហ្វេ

៧.​ ប្រេង​ឆា​បន្តិច

វិធី​ធ្វើ៖​

១.​ ស្រោច​ប្រេង​ឆា​ចូល​ក្នុង​ដំឡូង​បន្តិច​ ច្របល់​ឲ្យ​សព្វ

២.​ តម្រៀប​ដំឡូង​ជ្វា​ដាក់​លើ​ថា​ដុត​ រួច​ដាក់​ចូល​ក្នុង​ចង្ក្រាន​ដុត​

៣.​ ដុត​ក្នុង​កម្ដៅ​ ២០០​ អង្សា​ រយៈ​ពេល​ ៣០​នាទី​

៤.​ លាយ​កូឈូចាំង​ និង​ម៉ាយ៉ូងនែស​ឲ្យ​ចូល​គ្នា​

៥.​ យក​ដំឡូង​មក​លាយ​ក្នុង​ចាន​កូឈូចាំង​​ ដាក់​ល្ង​ចូល​ រួច​លាយ​ចូល​គ្នា​ឲ្យ​សព្វ។

៥.​ បាយ​ផ្សិត​ចំហុយ​គីមឈី

គ្រឿង​ផ្សំ​៖​

១.​ គីមឈី​ហាន់​តូចៗ​ កន្លះ​ចាន​ចង្កឹះ

២​. តឹក​ស៊ីអ៊ីវ​ ១​ ស្លាប​ កាហ្វេ​

៣.​ ប្រេង​ល្ង​កន្លះ​ស្លាបព្រា​កាហ្វេ

៤.​ ផ្សិត​ខ្មៅ​ហាន់​ជា​ដុំ​ ២០០​ ក្រាម​

៥.​ អំបិល​បន្តិច​

៦.​ ខ្ញី​ហាន់​កោស​ ១​ ស្លាប​កាហ្វេ

៧.​ ខ្ទឹម​សចិញ្ច្រាំ​ ១​ ស្លាបព្រា​កាហ្វេ

៨.​ ទឹក​ស៊ុប​មាន់​មួយ​ចាន​

៩.​ បាយ​សរ​១​ចាន​

១០.​ ដើម​ខ្ទឹម​ហាន់​ ១​ ស្លាប​បាយ​

១១.​ ប្រេង​ឆា

របៀប​ធ្វើ​៖​

១.​ លាយ​គីមឈី​ ទឹក​ស៊ីអ៊ីវ​ ស្ករស​ ដាក់​ចូល​ក្នុង​ចាន​គោម​ លាយ​ចូល​គ្នា​ឲ្យ​សព្វ​

២.​ ដាក់​ខ្ទះ​នៅ​លើ​ភ្លើង​ក្ដៅ​ល្មម​ ដាក់​ប្រេង​ឆា​ចូល​ទៅ​ រួច​ដាក់​ផ្សិត​ និង​អំបិល​ ឆា​ហូត​ដល់​ផ្សិត​ចេញ​ទឹក​ ប្រហែល​២​ នាទី​ បន្ទាប់​មក​បន្ថយ​ភ្លើង​​ បន្តិច​ រួច​ឆា​បន្ត​ទៀត​ប្រហែល​៥​នាទី​

៣.​ ដាក់​ខ្ញី​​និង​ខ្ទឹម​ស​ចូល​ទៅ​ ឆា​ឲ្យ​ឈ្ងុយ​ រួច​ដាក់​ទឹក​ស៊ុប​មាន់​ចូល​ទៅ​ កូរ​រហូត​ទឹក​រាង​រីង​បន្តិច​

៤.​ ដាក់​បាយ​ចូល​ទៅ​ឆា​ជា​មួយ​ បន្ទាប់​មក​បន្ថយ​ភ្លើង​រួច​បិទ​គម្រប​ដូច​ជា​ការ​ផ្ងំ​បាយ​ រង់​ចាំ​ឲ្យ​បាយ​ស្រូប​យក​ជាតិ​ទឹក​ស៊ុប​ប្រហែល​ ៣​ នាទី

៥.​ ដាក់​គីមឈី​ចូល​ទៅ​កូរ​ចូល​គ្នា​ឲ្យ​សព្វ​ ដួស​ដាក់​ចាន​ រោយ​ដោយ​ស្លឹក​ខ្ទឹម​ជា​ការ​ស្រេច៕​


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

​ស៊ីន ជេននី ​ចាប់បានផ្កាក្នុងពិធីមង្គលការ ស្រីនា និង វិសាល ថែមបានកាដូពិសេស​ទៀត

យប់មិញបណ្ដា​តារា​ស្រី​ ប្រុស​ល្បី​​ៗ​ក្នុង​ប្រទេស​ អ្នក​ផលិត​មាតិកា​ក្នុង​ស្រុក​ជា​ច្រើន​​ តារា​ចម្រៀង​ តារា​សម្ដែង​ ​បាន​មក​ប្រមូល​ផ្ដុំ​កក​កុញ​ចូល​រួម​ជា​ភ្ញៀវ​កិត្តិយស​ក្នុង​កម្មវិធី​មង្គល​ការ ​​

សរុបសម្លៀកបំពាក់កូនក្រមុំ ជា ស្រីនា ថ្ងៃមង្គការជាង ១០ ឈុត មួយណាក៏ប្រណីតដែរ!

មង្គលការ​របស់ Influencer ល្បី​ទាំង២ ហេង សុខវិសាល និង ជា ស្រីនា កាលពី​ម្សិលមិញ​ពិតជា​កក្រើក​អស់​អ្នក​សិល្បៈ បុគ្គល​ល្បី​ៗ​ក្នុង​សង្គម។ ការ​ចូលរួម​របស់​ភ្ញៀវ​កិត្តិយស​ទាំង​អស់​ក្នុង​កម្មវិធី​មង្គល​

ទោះជួបរឿងអាស្រូវ Han SoHee នៅតែជារាជិនីពាណិជ្ជកម្មមានតម្លៃខ្លួនថ្លៃក្រាស់ក្រែល

ដើមឆ្នាំ ២០២៤ អាចនិយាយបានថា មិនមែនជាពេលវេលាល្អសម្រាប់តារាសម្ដែងស្រីល្បី Han SoHee ឡើយ ដោយសាររូបនាងជាប់ជំពាក់ជាមួយរឿងអាស្រូវស្នេហា និងធ្វើឲ្យរូបនាងទទួលបានមតិរិះគន់យ៉ាងខ្លាំង។ ជាពិសេស អ្នកគាំទ្រជាច្រើនរបស់នាងចាប់ផ្ដើមមានការព្រួយបារម្ភពីអាជីពសិល្បៈរបស់

ជោគជ័យច្រើនរឿងជាប់គ្នា ពេលនេះ Timothée Chalamet បានចុះកុងត្រារយៈពេលវែងជាមួយផលិតកម្មខ្នាតយក្ស

ខណៈពេលនេះ Timothée Chalamet បានក្លាយជាតារា​សម្ដែងជំនាន់ថ្មីមួយរូប​ដែល​ត្រូវ​បាន​គេ​លើក​មកនិយាយ​ច្រើន​ជាង​គេ​​ ដោយកន្លងមករូបគេធ្លាប់សម្ដែងក្នុងភាពយន្តឈ្នះពានជា

យិត អេលីស ប្តេជ្ញាដណ្តើមភាពជោគជ័យពីការប្រកួតអន្តរជាតិជូនកម្ពុជា

យិត អេលីស Miss Teen Junior Idol World Cambodia 2024 កំពុងមានវត្តមានក្នុងការប្រកួត The3rd Junior Idol World 2024 នៅប្រទេសថៃ ជាមួយបវរកញ្ញាវ័យក្មេង ២ រូបផ្សេងទៀត គឺ

កាន់តែឡើងកូដ Kim JiWon ក្លាយជាអ្នកតំណាងប្រេនល្បីៗ ក្រោយបង្ហាញមុខក្នុងរឿង “Queen Of Tears”

“Queen Of Tears” ជារឿងភាគកូរ៉េកំពុងទទួលបានការគាំទ្រយ៉ាងខ្លាំងពីមហាជន អ្នកគាំទ្រ ទាំងក្នុងស្រុក និងក្រៅស្រុក។ រឿងនេះមានការចូលរួមសម្ដែងដោយតារាប្រុស Kim SooHyun និងតារាស្រី Kim JiWon។ មែនទែនទៅ ទើបបញ្ចេញបាន ៦ ភាគ រឿងនេះទទួលបាន rating យ៉ាងខ្ពស់ និងមានការគាំទ្រកាន់តែខ្លាំងឡើងៗ។

លាវ វ៉េងហួរ ធ្វើ Tour Guide ឱ្យបុរសឯក Mister Friendship តៃវ៉ាន់ ពេលមកលេងអង្គរវត្ត

ប៉ុន្មាន​ថ្ងៃ​មុន​នេះ​ Sky ​លំដាប់​រង​ទី​១ បុរស​ឯក​ Mister Friendship 2023 ​ជន​ជាតិ​តែវ៉ាន់​ បាន​មាន​វត្តមាន​ក្នុង​ប្រទេស​កម្ពុជា​ លើ​ទឹក​ដី​អច្ឆរិយ​អង្គរ ​សៀម​រាប ​​ដោយ​មាន​ម្ចាស់​ជយលាភី​

Content Creator សួន ធីតា ប្តេជ្ញាធ្វើគ្រប់យ៉ាង ដើម្បីឱ្យកូនស្រីក្លាយជាម៉ូដែលអាជីព 

អ្នកផលិតមាតិកាកម្សាន្តបែបប្លែកៗពីដំណើរកម្សាន្ត និងការរស់នៅប្រចាំថ្ងៃ សួន ធីតា កំពុងជំរុញលើកទឹកចិត្តកូនស្រីបណ្តូលចិត្ត គឹម អាយវីន អាយុ ៦ ឆ្នាំ ឱ្យដើរលើវិថីសិល្បៈ តាមរយៈការងារជា

ចង់ក្លាយជាតារាចម្រៀង អាចមករៀន ៥ ចំណុចនេះ ពីសមាជិកក្មេងខ្មែរ សុជាតិ 

កំលោះសង្ហា ជា សុជាតិ សមាជិកក្រុមចម្រៀងក្មេងខ្មែរ (KmengKhmer) ដែលជាក្រុមចម្រៀងដ៏មានប្រជាប្រិយភាពក្នុងដួងចិត្តយុវវ័យនាពេលបច្ចុប្បន្ន។ ជារឿយអ្នកកំលោះ​រូបនេះ រមែងត្រូវគេ

ខាងកូនកំលោះ ហេង វិសាល ជូនបណ្ដាការកូនក្រមុំ ស្រីនា ២០ ម៉ឺនដុល្លារ

នៅ​ព្រឹក​នេះ​កម្មវិធី​ហែ​ជំនូន​នៃ​កម្មវិធី​មង្គលការ ហេង វិសាល និង ជា ស្រីនា អ្វីដែលធ្វើ​ឲ្យ​អ្នក​ចូលរួម​ភ្ញាក់ផ្អើល​បំផុត​នោះ ក្រៅពី​ផ្លែឈើ​ច្រើន​គូ​ហែ​ចូល​មក​ក្នុង​រោង​ជ័យ​ហើយ​នោះ នៅ​ថ្លៃ​បណ្ដាការ​