តំបន់ទេសចរណ៍ ៥ ក្នុងខេត្តរតនគិរី ដែលកំពុងតែមានសក្ដានុពល

ចង់​ទៅ​លេង​ខេត្ត​រតនគិរី តែ​មិន​ដឹង​ថា​គួរ​ទៅ​លេង​នៅ​កន្លែង​ណា​ត្រូវ​អត់​? មិន​បាច់​បារម្ភ​ទៀត​ទេ សម្រាប់​ប្រិយមិត្ត​ដែល​ចូលចិត្ត​ធ្វើ​ដំណើរ​កម្សាន្ត​ទៅ​កាន់​កន្លែង​ថ្មី​ៗ ប្លែកៗ បែប​ធម្មជាតិ​ៗ AMS សូម​ណែនាំ​តំបន់​ទេសចរណ៍​មួយ​ចំនួន​នៅ​ទី​នោះ ដែល​កំពុង​តែ​មាន​សក្ដានុពល​ខ្លាំង និង​មាន​ភ្ញៀវ​ទេសចរ​ទៅ​ទស្សនា​ច្រើន​កុះករ។

ខេត្ត​រតនគិរី​មាន​តំបន់​ទេសចរណ៍ធម្មជាតិ​ប្រមាណ ២០ កន្លែង ដែល​កំពុង​ទាក់ទាញ​ទេសចរ​ទៅ​កម្សាន្ត​ពី​មួយ​ឆ្នាំ​ទៅ​មួយ​ឆ្នាំ។ តំបន់​ទេសចរណ៍​ធម្មជាតិ​ទាំង​នោះ​មាន​ដូច​ជា៖ បឹង​យក្ស​ឡោម ទឹក​ជ្រោះកាចាញ ភ្នំឥស្សីបតមៈ (ស្ថិត​ក្នុង​ក្រុងបាលុង) ទឹក​ជ្រោះ​ចាអ៊ុង វាល​ថ្ម​រំប្លង់ (ស្ថិត​ក្នុង​ស្រុក​អូរជុំ) ទឹក​ជ្រោះ​កាទៀង ទឹកជ្រោះ​អូរស៊ិនលែរ៍ ទឹក​ជួរ​តាតតៃ បឹង​លំកុដ យក្ស​ឱម យក្ស​ការ៉ា ជម្រក​សត្វ​ព្រៃ (ស្ថិត​ក្នុង​ស្រុក​លំផាត់) ឧទ្យាន​ជាតិ​វីរជ័យ (ស្ថិត​ក្នុង​ស្រុក​តាវែង និង​វើនសៃ) ទឹកជួរ​ទឹង (ស្ថិត​ក្នុង​ស្រុក​តាវែង) និង​កោះ​សំពៅ​ (ស្ថិត​ក្នុង​ស្រុកកូនមុំ)។

ថ្វីត្បិត​តែ​ខេត្ត​នេះ​មាន​តំបន់​ទេសចរណ៍​រហូត​ដល់ ២៤ កន្លែង​​ក៏​ដោយ ប៉ុន្តែ​​តំបន់​ទេសចរណ៍​ដែល​មាន​ភាព​ទាក់​ទាញ​ខ្លាំង និង​មាន​ភ្ញៀវ​ទេសចរ​ទៅ​កម្សាន្ត​ច្រើន​ជាង​គេ​ក្នុង​មួយ​ឆ្នាំ​ៗ មាន ៥ កន្លែង ដូច​ខាង​ក្រោម៖

១. បឹង​យក្សឡោម

«បឹង​យក្សឡោម»​ មាន​ផ្ទៃ​ទឹក​ពណ៌​ខៀវ​ស្រងាត់ ទឹក​ត្រជាក់​ថ្លា​ឆ្វង់ ជា​រមណីយដ្ឋាន​ធម្មជាតិ​ដ៏​ស្រស់​ត្រកាល ដែល​បាន​កើត​ឡើង​ដោយសារ​បន្ទុះ​ភ្នំ​ភ្លើង​តាំង​ពី​រាប់​រយ​ឆ្នាំ​មុន​មក​ម្ល៉េះ។ បឹង​យក្សឡោម​ មាន​រាង​មូល​ដែល​មាន​អង្កត់​ផ្ចិត​ប្រវែង ៧៥០ ​ម៉ែត្រ ជម្រៅ ៤៨ ម៉ែត្រ មាន​ចម្ងាយ​ប្រមាណ ៥ ​គីឡូម៉ែត្រ​ពី​ទី​រួម​ខេត្ត​រតនគិរី។

ទីតាំង៖ ឃុំ​យក្សលោម ស្រុកបានលុង ខេត្តរតនគិរី

រូបភាព៖

២. ទឹកជ្រោះ​អូរ​ស៊ិនលែរ៍

ទឹកជ្រោះ​ធម្មជាតិ « អូរ​ស៊ិន​លែរ៍» ឬ ទឹកជ្រោះ ៧ ជាន់ មាន​ទីតាំង​ស្ថិត​នៅ ភូមិ៣ ឃុំ​កាឡែង ស្រុក​លំផាត់ ខេត្ត​រតន​គីរី និង​មាន​ចម្ងាយ​ប្រហែល ២៤ គីឡូម៉ែត្រ​ពី​វិមាន​ឯករាជ្យ​ក្រុង​បាន​លុង។

រូបភាព៖

៣. ទឹកជ្រោះចាអ៊ុង

«ទឹកជ្រោះ​ចា​អ៊ុង​» ហូរ​ធ្លាក់​ពីលើ​ភ្នំ​ស្វាយ​ដែល​នៅ​ជិត​ក្រុង​បាន​លុង​។ ទឹកជ្រោះ​នេះ​មាន​កម្ពស់​២៥​ម៉ែត្រ និង​ព័ទ្ធជុំវិញ​ដោយ​វល្លិ និង​រុក្ខជាតិ​ដុះ​ឡើង​ជា​ច្រើន​។ ទេសភាព​មាន​ភាព​ស្រស់​ស្អាត​ចាប់​អារម្មណ៍​យ៉ាង​ខ្លាំង ផ្សែង​ទឹក​បង្កើត​ដោយ​ទឹកធ្លាក់​បុក​ជាមួយ​ព្រៃឈើ បង្កើត​ជា​ឥន្ទធនូ​នៅ​ក្នុង​ពន្លឺ​ថ្ងៃ​។​ វា​មាន​ទីតាំង​នៅ​ក្នុង​ភូមិ​កុលសម្ព័ន្ធ​ភ្នំ​គ្រឹង ភូមិ​ចា​អ៊ុង ស្រុក​អូរ​ជុំ​។

រូបភាព៖

៤. ទឹកជ្រោះកាចាញ

«ទឹកជ្រោះ កាចាញ» ឬ​ក៏​គេ​ច្រើន​ហៅ​ថា ទឹក​ធ្លាក់​កាចាញ មាន​ទីតាំង​ស្ថិត​នៅ ភូមិ​កាចាញ ឃុំ​កាចាញ ស្រុក​បានលុង ខេត្ត​រតនគីរី និង​មាន​ចម្ងាយ​ប្រហែល ៧ គីឡូម៉ែត្រ ពី​វិមាន​ឯករាជ្យ​ក្រុង​បាន​លុង។

រូបភាព៖

៥. ទឹកជួរតាតតៃ

«ទឹក​ជួរ​តាតតៃ» ជា​រមណីយដ្ឋាន​ទេសចរណ៍​បែប​ធម្មជាតិ មាន​ទីតាំង​ស្ថិត​នៅ​ក្នុង​ឃុំ​កាឡែង ស្រុក​លំផាត់ ដែល​មាន​ចម្ងាយ​ប្រមាណ​ជា ៣៤គីឡូម៉ែត្រ ពី​ទី​រួម​ខេត្ត​រតនគិរី នៅ​ទីនេះ​មាន​សក្ដានុពល​ទេសចរណ៍​សំខាន់​ៗ​ដូចជា​ទឹកជួរ និង​ទន្លេ​ស្រែ​ពក។ នៅ​ទីនេះ ភ្ញៀវ​ទេសចរ​អាច​បរិភោគ​ត្រី​ទន្លេ ធ្វើ​ការ​សម្រាក គយគន់​ទេសភាព និង​ងូត​ទឹក​លេង​កម្សាន្ត។

រូបភាព៖

គួរ​បញ្ជាក់​ផង​ដែរ​ថា ខេត្ត​រតនគិរី គឺ​ជា​ខេត្ត​មួយ​ដែល​ស្ថិត​នៅ​ភាគ​ឦសាន​នៃ​ព្រះរាជាណាចក្រ​កម្ពុជា មាន​ចម្ងាយ​ពី​រាជធានី​ភ្នំពេញ​៥៨៨​គីឡូម៉ែត្រ មាន​ព្រំប្រទល់​ខាងកើត​ជាប់​នឹង​ខេត្ត​ក​ន្ទូ​ម និង​ខេត្ត​យ៉ា​ឡាយ នៃ​សាធារណរដ្ឋ​សង្គម​និយម​វៀតណាម ខាងលិច​ជាប់​នឹង​ខេត្ត​ស្ទឹងត្រែង ខាងជើង​ជាប់​នឹង​ខេត្ត​អត្ត​ពឺ នៃ​សាធារណរដ្ឋ​ប្រជាធិបតេយ្យ ប្រជាមានិត​ឡាវ និង​ត្បូង​ជាប់​នឹង​ខេត្ត​មណ្ឌលគិរី ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក

កូរ៉េខាងត្បូងផ្ដោតលើការរៀបចំកម្មវិធីដើម្បីផ្ដល់ឱកាសឱ្យអ្នកនៅលីវបានជួបគ្នា ជាការដោះស្រាយបញ្ហាអត្រាកំណើតធ្លាក់ចុះ

សាលាក្រុងសេអ៊ូលនឹងរៀបចំកម្មវិធីផ្គូផ្គងគូស្រករដែលមានឈ្មោះថា “Seoul-ting” ដើម្បីបើកឱកាសឱ្យអ្នកនៅលីវអាចស្វែងរកគូស្រកររបស់ខ្លួននៅចុងឆ្នាំ ២០២៦ ជាការរួមចំណែកមួយ

ឈុតតំណាងជាតិ ល្អហួស Miss Teen Icon Cambodia 2026 ក្នុងកម្មវិធី Miss Teen Icon International ប្រណីតហួសថ្លែង

យុវតី ជូរី ល្អហួស Miss Teen Icon Cambodia 2026 ដែល​តែ​នៅ​ក្នុង​វេទិកា​ប្រកួត Miss Teen Icon International 2026 ដែល​កំពុង​ធ្វើ​ឡើង​នៅ​ប្រទេស​ឥណ្ឌូណេស៊ី​នោះ ទទួល​

លោកស្រី Angelina Jolie លើកសរសើរវប្បធម៌ និងទឹកចិត្តប្រជាជនកម្ពុជាយ៉ាងជ្រាលជ្រៅ ក្នុងកិច្ចប្រជុំកំពូលអាស៊ាននៅហ្វីលីពីន

តារាសម្ដែងជួរមុខហូលីវូដ លោកស្រី Angelina Jolie បានចែករំលែកពីទំនាក់ទំនងអស់រយៈពេលជាង ២៥ ឆ្នាំរបស់លោកស្រីជាមួយប្រទេសកម្ពុជា ដែលបានធ្វើឱ្យលោកស្រីឱ្យតម្លៃយ៉ាង