Xiao Zhan កំពុងអង្រួនរង្វង់សិល្បៈចិន ជាមួយនឹងគម្រោងរឿងភាគថ្មី ២ ចំណងជើង

Xiao Zhan កំពុងទទួលបានការចាប់អារម្មណ៍យ៉ាងខ្លាំង បន្ទាប់ពីប្រកាសគម្រោងរឿងភាគថ្មីចំនួន ២ គឺរឿង Legend of Zanghai រដូវកាលទី ២ និងរឿងភាគបែបចារកម្មថ្មីមួយទៀត។

នៅថ្ងៃទី ១១ ខែឧសភា ផលិតកម្ម Youku បានបញ្ជាក់ជាផ្លូវការនូវការចាប់ផ្តើមគម្រោងភាពយន្តភាគ Legend of Zanghai រដូវកាលទី ២ នៅក្នុងសន្និសីទមាតិកាប្រចាំឆ្នាំរបស់ខ្លួន។ បើទោះបីជាទើបតែបញ្ចេញត្រឹមផ្ទាំងរូបភាពគោលគំនិត (Concept Poster) តែមួយសន្លឹក និងមិនទាន់ចាប់ផ្ដើមថតក្ដី តែគម្រោងរឿងភាគរដូវកាលទី ២ នេះ ទទួលបានការចាប់អារម្មណ៍ខ្លាំង រហូតក្លាយជានិន្នាការភ្លាមៗនៅលើបណ្ដាញសង្គមរបស់ចិន។

ទន្ទឹមគ្នានេះ Youku ក៏នៅមិនទាន់បានបញ្ជាក់ពីឈ្មោះតួសម្ដែងជាផ្លូវការនៅឡើយទេ ក៏ប៉ុន្តែអ្នកតាមដានរឿង Legend of Zanghai បានរំពឹងថា តួសម្ដែងកាលពីរដូវកាលទី ១ រួមទាំង Xiao Zhan និងក្រុមការងារផលិតចាស់ អាចនឹងវិលមករួមការងារជាមួយគ្នាវិញ។

ក្នុងពេលជាមួយគ្នានេះ គេហទំព័រ Kibzoom បានចុះផ្សាយថា តារាប្រុសវ័យ ៣៤ ឆ្នាំរូបនេះ ក៏បានបង្ហាញជាផ្លូវការនូវគម្រោងភាពយន្តថ្មីមួយទៀត ដែលមានចំណងជើងបណ្តោះអាសន្នជាភាសាអង់គ្លេសថា Unlimited Espionage ដឹកនាំដោយលោក Zhang Kaizhou។

ក្នុងភាពយន្តបែបចារកម្ម និងនយោបាយនេះ Xiao Zhan សម្ដែងជាតួអង្គ Ren Shaobai ដែលជាភ្នាក់ងារសម្ងាត់ម្នាក់ធ្វើការនៅក្នុងក្រសួងការពារជាតិ ក្នុងឆ្នាំ ១៩៤៨។ បន្ទាប់ពីបណ្តាញចារកម្មត្រូវបានលាតត្រដាង តួអង្គ Ren Shaobai ត្រូវបានបង្ខំឱ្យចូលរួមក្នុងបេសកកម្មដ៏គ្រោះថ្នាក់ជាបន្តបន្ទាប់ ដើម្បីការពារសម្ព័ន្ធមិត្ត និងបន្តប្រតិបត្តិការសម្ងាត់ក្រោមស្ថានភាពដែលកាន់តែគ្រោះថ្នាក់ខ្លាំងឡើង។

ក្រៅពីសាច់រឿងដែលផ្តោតលើល្បិចយុទ្ធសាស្ត្រ និងជម្លោះនយោបាយ រឿងនេះក៏នឹងបង្ហាញពីទំនាក់ទំនងមនោសញ្ចេតនារបស់តួអង្គ Ren Shaobai ជាមួយនឹង Lan Youren ដែលសម្ដែងដោយតារាស្រី Zhou Yutong ផងដែរ។

អ្នកសង្កេតការណ៍នៅក្នុងឧស្សាហកម្មកម្សាន្តចិនជឿជាក់ថា ឆ្នាំ ២០២៦ អាចនឹងក្លាយជាឆ្នាំដ៏ពិសេសមួយទៀតសម្រាប់ Xiao Zhan ប្រសិនបើរឿងទាំង ២ នេះ គឺ Legend of Zanghai រដូវកាលទី ២ និងរឿង Unlimited Espionage ទទួលបានជោគជ័យ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ចុងភៅលំដាប់ផ្កាយ Michelin ២ គឺលោក Christophe Hay និងមេចុងភៅ លោក លូ ម៉េង សហការគ្នានៅរាជធានី ភ្នំពេញ ដើម្បីជួយដល់កុមារនៅសាលារៀនតាមជនបទក្នុងខេត្តកំពត តាមរយៈអង្គការ Les Écoles de La Plantation

ងភៅដ៏ល្បីល្បាញជនជាតិបារាំង លោក Christophe Hay ដែលមាន រហស្សនាមថា «ចុងភៅកសិករ» (Farmer-Chef) និងមេចុងភៅកម្ពុជា លោក លូ ម៉េង បានរួមគ្នាក្នុងកម្មវិធីរាត្រីអាហារ

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី



Leave a Reply

Your email address will not be published.Required fields are marked *