ការប្រកាសឈ្មោះតួសម្តែង ជាយុទ្ធសាស្ត្រពីក្រោយប្រជាប្រិយភាពរបស់រឿងភាគកូរ៉េ

ការប្រកាសឈ្មោះតួសម្តែង ជាពិសេស “គូតួឯក” គឺជាវិធីសាស្ត្រដ៏សំខាន់មួយក្នុងឧស្សាហកម្មរឿងភាគកូរ៉េ ដើម្បីទាក់ទាញការចាប់អារម្មណ៍របស់ទស្សនិកជន សូម្បីតែមុនពេលចាក់ផ្សាយ។

ជាក់ស្តែង រឿងភាគថ្មីចំណងជើង Perfect Crown គឺជាឧទាហរណ៍ដ៏ច្បាស់នៃយុទ្ធសាស្រ្តនេះ។ ទោះបីជាមិនទាន់បានចាក់ផ្សាយក៏ដោយ រឿងភាគរបស់ប៉ុស្តិ៍ MBC ចំណងជើងនេះបានជាប់ចំណាត់ថ្នាក់លេខ ១ ក្នុងតារាងប្រជាប្រិយភាពរបស់ក្រុមហ៊ុន Good Data Corporation ដែលជាសមិទ្ធផលមិនធ្លាប់មានពីមុនមក។

មូលហេតុមិនមែនមកពីសាច់រឿង ឬវីដេអូផ្សព្វផ្សាយខ្លីនោះទេ ប៉ុន្តែគឺដោយសារតែការជ្រើសរើសគូតួឯក IU និង Byeon Woo Seok ដែលបានបង្កើតការរំពឹងទុកយ៉ាងខ្លាំងក្នុងចំណោមទស្សនិកជន។

ប្រជាប្រិយភាពមុនការចាក់ផ្សាយនេះបានបង្ហាញថា ទស្សនិកជនមិនរង់ចាំមើលវីដេអូផ្សព្វផ្សាយ ឬសាច់រឿងដូចមុនទៀតទេ។ ផ្ទុយទៅវិញ ទស្សនិកជនបានផ្ដោតការចាប់អារម្មណ៍ដំបូងទៅលើតួអង្គ។ ការបញ្ចេញមតិលើបណ្តាញសង្គមដូចជា “គូនេះដឹងតែល្បីហើយ” ឬ “ពួកគេមើលទៅសមគ្នាណាស់” បានរីករាលដាលយ៉ាងរហ័សនៅលើបណ្ដាញសង្គម ដែលបញ្ជាក់ពីការចាប់អារម្មណ៍ទៅលើភាពយន្តថ្មីតាមរយៈគូតួឯក។

ជាពិសេសសម្រាប់តួអង្គដែលមានប្រជាប្រិយភាពស្រាប់ នៅពេលពួកគេត្រូវរួមការងារជាមួយគ្នា អ្នកគាំទ្រនឹងចាប់ផ្តើមស្រមើស្រមៃដល់ភាពស៊ីចង្វាក់គ្នានៅក្នុងឈុតឆាកផ្សេងៗ ដោយផ្អែកលើស្នាដៃសម្តែងចាស់ៗរបស់តួសម្តែងម្នាក់ៗ។

កត្តាមួយទៀតដែលអាចទាញយកចំណាប់អារម្មណ៍ពីសាធារណជន គឺការវិលត្រឡប់មកជួបគ្នាជាថ្មីរបស់តួអង្គ។ ពោល គឺតួអង្គទាំងពីរធ្លាប់បានសម្តែងរួមគ្នានៅក្នុងស្នាដៃមុនៗ។ តួយ៉ាង IU និង Byeon Woo Seok ធ្លាប់បានរួមការងារជាមួយគ្នាក្នុងរឿង Moon Lovers: Scarlet Heart Ryeo ម្ដងរួចមកហើយ កាលពីជិតមួយទសវត្សរ៍មុន។ ទោះបីជាកាលនោះអ្នកទាំងពីរមិនមែនជាគូតួឯកនឹងគ្នាក៏ដោយ តែការវិលត្រឡប់មករួមការងារជាមួយគ្នានៅពេលនេះ បានបន្ថែមតម្លៃផ្លូវចិត្តដល់ទស្សនិកជនមួយកម្រិតទៀត។

នៅពេលដែល Byeon Woo Seok បានចែករំលែកថា “ពួកយើងបានជួបគ្នាម្ដងទៀត ក្រោយជួបគ្នាដំបូងកាលពី ១០ ឆ្នាំមុន” បន្ថែមដោយ IU ដែលបង្ហាញពីចំណាប់អារម្មណ៍ក្នុងការរួមការងារជាមួយគ្នាវិញ សម្តីទាំងនេះបានបង្កើតអារម្មណ៍រំភើបក្នុងចំណោមទស្សនិកជនរួចជាស្រេច សូម្បីតែមិនទាន់ឃើញសាច់រឿងថ្មីរបស់ពួកគេ។

ក្នុងបរិបទដែលការទស្សនាភាពយន្តភាគមានការប្រែប្រួល ពីការរង់ចាំទស្សនាតាមទូរទស្សន៍ មកកាន់វេទិកាអនឡាញដែលមានជម្រើសច្រើន ចំណងជើង និងសាច់រឿងអាចមិនមែនជាជម្រើសដំបូងទៀតនោះទេ។ ផ្ទុយទៅវិញ ទស្សនិកជនមានទំនោរជ្រើសរើសទស្សនាភាពយន្ត អាស្រ័យលើតួសម្តែងល្បីៗដែលពួកគេជឿជាក់ តាមរយៈបទពិសោធន៍ពីស្នាដៃចាស់ៗ រូបភាពដែលដក់ជាប់ក្នុងចិត្ត និងទំនាក់ទំនងផ្លូវចិត្តជាមួយតួសម្តែងរូបនោះ។

យ៉ាងណាមិញ ប្រជាប្រិយភាពគ្រាដំបូងនេះ មិនមែនជាអ្នកកំណត់ភាពជោគជ័យទាំងស្រុងនៃរឿងភាគនោះទេ។ នៅពេលរឿងចាក់ផ្សាយ ភាពជោគជ័យនៅតែអាស្រ័យលើសាច់រឿង ការសម្តែងជាក់ស្តែង និងបច្ចេកទេសផលិត។

រឿងខ្លះដែលទទួលបានការរំពឹងទុកខ្ពស់ព្រោះតែតួសម្តែង បែរជាបរាជ័យក្នុងការបំពេញចិត្តអ្នកទស្សនាទៅវិញ។ ខណៈភាពយន្តខ្លះដែលមានតួសម្តែងថ្មីថ្មោង ឬមិនសូវមានឈ្មោះបោះសំឡេង បែរជាទទួលបានជោគជ័យខ្លាំងតាមរយៈការនិយាយតៗគ្នា ដូចជារឿង If wishes could kill ជាដើម។

ជារួម ការប្រកាសឈ្មោះតួសម្តែងមិនមែនគ្រាន់តែជាព័ត៌មានធម្មតានោះទេ តែវាគឺជាយុទ្ធសាស្ត្រផ្សព្វផ្សាយទី១ ដែលអាចបង្កើតប្រជាប្រិយភាព និងការទន្ទឹងរង់ចាំយ៉ាងមានប្រសិទ្ធភាព សូម្បីតែមិនទាន់មានឈុតឆាកណាមួយត្រូវបានបញ្ចេញជាសាធារណៈក៏ដោយ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។



Leave a Reply

Your email address will not be published.Required fields are marked *