បន្ទាប់ពីរង់ចាំអស់រយៈពេលជិត ១ ឆ្នាំ ផលិតកម្ម YG បានប្រកាសពីថ្ងៃត្រៀមបញ្ចេញក្រុមចម្រៀងនារីថ្មីរបស់ខ្លួនគឺ BABYMONSTER។ ដោយក្រុមចម្រៀងនារីមួយនេះនឹងមានសមាជិកចំនួន ៧ នាក់រួមមាន ASA, Ahyeon, Haram, RORA, Chiquita, Pharita និង Ruka។

ដើមឡើយ ក្រុមចម្រៀង BABYMONSTER ត្រូវបានរាយការណ៍ថានឹងគ្រោងចេញជាផ្លូវការក្នុងខែកញ្ញា ឆ្នាំ ២០២៣ កន្លងទៅនេះ ប៉ុន្ដែដោយសារចង់ពង្រឹងសមត្ថភាពបន្ថែមរបស់សមាជិក និងកំពុងយកចិត្តទុកដាក់បន្ថែមលើបទចម្រៀងក្បាច់រាំជាដើមទើបត្រូវពន្យារពេលបង្ហាញខ្លួន។
បើតាមរយៈផលិតកម្ម YG បានឲ្យដឹងថា BABYMONSTER នឹងបញ្ចេញ Debut Teaser នៅថ្ងៃទី ២៧ ខែ វិច្ឆិកា ឆ្នាំ ២០២៣ ខាងមុខនេះ។ ការប្រកាសនេះបានធ្វើឲ្យក្រុមអ្នកគាំទ្រហាក់មានអារម្មណ៍រំភើបរីករាយជាខ្លាំងដោយសារ BABYMONSTER ត្រូវគេរំពឹងទុកជាក្រុមតារាស្រីដែលមានអាចឆក់យកការគាំទ្រជុំវិញពិភពលោកដូចរាមច្បង BLACKPINK ដែរ។


គួរបញ្ជាក់ថា BABYMONSTER ជាក្រុមចម្រៀងនារីរបស់ផលិតកម្ម YG ដែលទទួលបានការចាប់អារម្មណ៍ខ្លាំងពីមហាជនជុំវិញពិភពលោក។ ថ្វីបើមិនទាន់ចេញច្រៀងជាផ្លូវការ ប៉ុន្ដែក្រុមចម្រៀងនារីមួយនេះបានទាក់យកចិត្តរបស់អ្នកគាំទ្រជាច្រើនតាមរយៈការច្រៀង និងរាំ ក្នុងកម្មវិធី Last Evaluation៕























Account
Security
Favourite Content