តារាម៉ូដែលសម្បុរស្រអែមស្រស់ ឧត្តម សុជាតា បានវិលត្រឡប់មកអង្រួនវិស័យបវរកញ្ញាម្តងទៀតក្នុងឆ្នាំនេះជាមួយការត្រៀមខ្លួនយ៉ាងល្អសម្រាប់ការប្រកួតប្រជែងកញ្ញាឯកដ៏អស្ចារ្យនៃកម្ពុជាឆ្នាំ ២០២៤។


បវរកញ្ញាវ័យ ២៤ ឆ្នាំរូបនេះ ត្រូវបានបំពាក់ឆៀងជា Miss Grand តំណាងខេត្តឧត្តរមានជ័យ រួចរាល់ហើយ កាលពីថ្ងៃ ១០ ខែមេសា ឆ្នាំ ២០២៤ កន្លងទៅ។ ពិតមិនធ្វើឱ្យអ្នកគាំទ្រអស់សង្ឃឹម សុជាតា ត្រឡប់មកប្រកួតវិញដោយក្តី ជំនឿចិត្ត និងក្តីសង្ឃឹមថ្មី ថែមទាំងបង្ហើបប្រាប់ឱ្យហ្វេនៗដឹងថា នាងនឹងមានអ្វីកាន់តែពិសេសសម្រាប់ពុកម៉ែបងប្អូន និងបណ្តាអ្នកគាំទ្រឱ្យកាន់តែ Surprise ខ្លាំងជាងនេះទៅផង។
ចាប់តាំងពីត្រូវប្រកាសជាបេក្ខភាពផ្លូវការ Miss Grand Cambodia 2024 សុជាតា លេចវត្តមានគ្រប់កម្មវិធីដែលស្ថាប័ន Miss Grand Cambodia 2024 បានរៀបចំ ទាំងដំណើរទស្សនកិច្ច និងការហាត់សម សូម្បីកម្មវិធី «សង្ក្រាន្តកូនខ្មែរ» របស់អ្នកស្រី អ៊ឹម សុគន្ធា ក៏នាងបានចូលរួមប្រម៉ូតផ្សព្វផ្សាយផងដែរ ថែមទាំងឆ្លៀតឱកាសបញ្ចេញសមត្ថភាពច្រៀងរាំជាមួយបេក្ខភាពផ្លូវការផ្សេងទៀត។


គួររំឮកផងដែរថា នេះមិនមែនជាវេទិកាប្រកួតលើកដំបូងដែល ឧត្តម សុជាតា ចូលរួមប្រកួតទេ។ នាងធ្លាប់ជាអតីតម្ចាស់មកុដ Miss Asia Awards Cambodia 2019, ម្ចាស់ជយលាភីលេខ ២ កម្មវិធី Khmer Super Model 8, ជាប់តំណែង Top 10 ចុងក្រោយក្នុងការប្រកួត Miss Universe Cambodia 2019 និងចុងក្រោយបង្អស់ សុជាតា បានជាប់ជាបេក្ខភាព Top 7 ក្នុងកម្មវិធីធីតាឯកសង្ក្រាន្ដរដូវកាលទី២ ផងដែរ។
យោងតាមបទពិសោធន៍ប្រកួតកន្លងមក និងការ update ថ្មី គេជឿជាក់ថា កញ្ញា ឧត្តម សុជាតា ច្បាស់ជាមានអ្វីថ្មីប្លែកមក suprise ទស្សនិកជន និងហ្វេនៗដូចដែលបានបង្ហើបជាក់ជាមិនខាននោះទេ៕
























Account
Security
Favourite Content