ទ្រព្យក្រាស់ក្រែល! បើកបង្ហាញមុខតារាសម្ដែងស្រីដែលមានទ្រព្យសម្បត្តិច្រើនបំផុតប្រចាំឆ្នាំ ២០២៥

ពីទឹកដីហូលីវូដ ឆ្លងមកដល់ទីកដីអាស៊ី តារាសម្ដែងម្នាក់ៗទាមទារឱ្យមានទេពកោសល្យ និងប្រជាប្រិយភាព ដើម្បីទទួលបានភាពជោគជ័យនៅលើវិថីសិល្បៈ។​ ទន្ទឹមគ្នានេះ តារាល្បីជាច្រើនរូបបានក្ដោបឱកាសពីភាពជោគជ័យនេះ សន្សំទ្រព្យសម្បត្តិរហូតអាចមានទ្រព្យហូរហៀរ ឈានដល់ឈ្មោះជា សេដ្ឋីនៅក្នុងវិស័យសិល្បៈ។

ផ្អែកតាម KBIZOOM ថ្ងៃនេះ AMS សូមបើកបង្ហាញបញ្ជីឈ្មោះតារាសម្ដែងស្រីទាំង ១០ រូប មាននាមជាសេដ្ឋីនីកំពូលទ្រព្យ។

១០. Julia Louis-Dreyfus – ២៥០ លានដុល្លារអាមេរិក

Julia Louis-Dreyfus គឺជាតារាសម្តែងដ៏ជោគជ័យម្នាក់របស់សហរដ្ឋអាមេរិកជាមួយនឹងទ្រព្យសម្បត្តិសរុប ២៥០ លានដុល្លារអាមេរិក។ ទទួលបានប្រជាប្រិយភាពជាលើកដំបូងក្នុងនាមជាតួអង្គ Elaine Benes នៅក្នុងរឿងកំប្លែង Seinfeld តារាស្រីវ័យ ៦៤ឆ្នាំរូបនេះ​ គឺជាម្ចាស់ពានរង្វាន់រហូតដល់ទៅ ៦ ពីកម្មវិធី Emmy Awards។ ក្រៅពីនាមជាតារា Julia Louis-Dreyfus ក៏ជាទាយាទរបស់គ្រួសារអ្នកជំនួញដ៏ជោគជ័យមួយផងដែរ។

៩. Jessica Biel – ២៥០ លានដុល្លារអាមេរិក

ចាប់ផ្ដើមអាជីពជាតារាសម្ដែងវ័យក្មេងនៅក្នុងរឿងភាគ 7th Heaven, Jessica Biel បានបង្ហាញទេពកោសល្យជាតារាសម្ដែងពេញដោយសមត្ថភាព នៅក្នុងរឿងដូចជា​ The Sinner និង The Illusionist។ ក្រោយរៀបការជាមួយនឹងតារាសម្ដែង Justin Timberlake គូស្វាមីភរិយាគូនេះបានចាប់ផ្ដើមប្រែខ្លួនជាអ្នកជំនួញ ដោយវិនិយោគទៅលើភោជនីយដ្ឋាន អចលនទ្រព្យ និងវិស័យធុរកិច្ចថ្មី រហូតអាចប្រមូលទ្រព្យសម្បត្តិដល់ទៅ ២៥០ លានដុល្លារអាមេរិក។

៨. Christa Miller – ២៥០ លានដុល្លារអាមេរិក

លើសពីនាមជាតារាស្រីលើកម្រាលព្រំក្រហម Christa Miller និងស្វាមីផលិតករ Bill Lawrence ក៏ជាអ្នកជំនួញនៅក្នុងវិស័យទូរទស្សន៍ផងដែរ។ ដ្បិតមិនសូវបានដើរជាតួឯកក្ដី តែលោកស្រីក៏បានចាប់យកឱកាសវិនិយោគទៅលើវិស័យទូរទស្សន៍ និងវិស័យអចលនទ្រព្យ រហូតធ្វើឱ្យតារាស្រីវ័យ ៦១ឆ្នាំរូបនេះ ក្លាយខ្លួនជាសេដ្ឋីនីជាមួយនឹងទ្រព្យសម្បត្តិ ២៥០ លានដុល្លារអាមេរិក។

៧. Jennifer Aniston – ៣២០ លានដុល្លារអាមេរិក

អ្នកនិយមទស្សនាភាពយន្តហូលីវូដ ជាពិសេសរឿងកំប្លែងចំណងជើង Friend ប្រហែលជាគ្មាននរណាមិនស្គាល់ Jennifer Aniston នោះទេ។ តារាស្រីរូបនេះ បានឈរជើងនៅលើវិស័យសម្ដែងយូរណាស់មកហើយ និងធ្លាប់មានឈ្មោះក្នុងចំណោមតារាសម្ដែងដែលមានថ្លៃខ្លួនខ្ពស់បំផុត គឺ ១លានដុល្លារអាមេរិកក្នុងរឿងមួយភាគទៀតផង។ ក៏ប៉ុន្តែក្រៅពីភាពជោគជ័យនេះ Jennifer Aniston ក៏បានចាប់ផ្ដើមបើកយីហៅថែរក្សាសក់ LolaVie ផ្ទាល់ខ្លួនផងដែរ។ ក្នុងវ័យ ៥៦ឆ្នាំ តារាសម្ដែងរូបនេះ មានទ្រព្យសម្បត្តិសរុបចំនួន ៣២០ លានដុល្លារអាមេរិក។

៦. Victoria Principal – ៣៥០ លានដុល្លារអាមេរិក

ប្រឡូកក្នុងវិស័យភាពយន្តតាំងតែពីឆ្នាំ ៧២ តួឯកស្រី Pamela នៅក្នុងរឿង Dallas បានផ្លាស់ប្ដូរនាមជាតារាសម្ដែង ទៅជាសហគ្រិនស្រីម្នាក់។ តារាស្រីវ័យ ៧៥ ឆ្នាំរូបនេះ បានបង្កើតយីហោថែរក្សាស្បែក Principal Secret ដែលទទួលបានភាពជោគជ័យជាមួយនឹងប្រាក់ចំណូលរាប់រយលាន។ ផ្គួបជាមួយនឹងការវិនិយោគលើវិស័យអចលនាទ្រព្យទៀត ទើបធ្វើឱ្យតារាស្រីចាស់វស្សារូបនេះមានទ្រព្យគិតជាសាច់ប្រាក់សរុប ៣៥០ លានដុល្លារអាមេរិក។

៥. Reese Witherspoon – ៤០០ លានដុល្លារអាមេរិក

តារាស្រីកម្រិត A ម្ចាស់ពានរង្វាន់អូស្ការ Reese Witherspoon បានយកភាពជោគជ័យរបស់ខ្លួន ទៅកសាងអាណាចក្រផលិតភាពយន្ដផ្ទាល់ខ្លួនរបស់នាងជាមួយ Hello Sunshine ដោយបានបង្កើតភាពយន្តដែលរំលេចពីភាពខ្លាំងក្លារបស់ស្រ្ដីជាច្រើនចំណងជើង ដូចជា Big Little Lies, Little Fires Everywhere និង The Morning Show។ នៅក្នុងឆ្នាំ២០២១ តារាស្រីវ័យ ៤៩ឆ្នាំរូបនេះបានសម្រេចលក់ផ្នែកខ្លះរបស់ក្រុមហ៊ុនខ្លួន ក្នុងតម្លៃជិត ១ពាន់លានដុល្លារអាមេរិក ដែលនាំឱ្យបច្ចុប្បន្ននេះ នាងមានទ្រព្យសម្បត្តិសរុបដល់ទៅ ៤០០ លានដុល្លារអាមេរិក។

៤. Jennifer Lopez – ៤០០ លានដុល្លារអាមេរិក

មិនប្លែកទេដែលថា តារាស្រីជនជាតិឡាទីនដែលជោគជ័យបំផុតក្នុងហូលីវូដរូបនេះ មានទ្រព្យសម្បត្តិច្រើនកម្រិតនេះ។ ចាប់ផ្ដើមពីអាជីពជាអ្នករាំ Jennifer Lopez បានក្ដោបឱកាសបង្ហាញសមត្ថភាពជាអ្នកចម្រៀង និងបន្តជាអ្នកសម្ដែង។ ក៏ប៉ុន្តែតារាស្រីវ័យ ៥៥ឆ្នាំ មិនបានបញ្ឈប់ដំណើររបស់ខ្លួនត្រឹមនេះទេ ដោយនាងបានឈានជើងចូលវិស័យជំនួញ ជាមួយនឹងយីហោទឹកអប់ ហ្វេសសិន និងវិនិយោគលើអចលនាទ្រព្យផ្សេងទៀត។ នៅក្នុងឆ្នាំ ២០២៥ Jennifer Lopez មានទ្រព្យសរុបដល់ទៅ ៤០០ លានដុល្លារអាមេរិក។

៣. Zhao Wei – ១ ពាន់លានដុល្លារអាមេរិក

តារាសម្ដែងអាស៊ីតែមួយគត់ដែលមានឈ្មោះក្នុងបញ្ជីនេះ គឺតារាសម្ដែងចិនកំពូលប្រជាប្រិយភាពនាចុងទសវត្សរ៍ឆ្នាំ ១៩៩០ គឺ Zhao Wei។ តួឯកស្រីពីរឿង ព្រះនាងយេយេ ឬ My Fair Princess រូបនេះ មិនត្រឹមតែជោគជ័យលើការងារសម្ដែងប៉ុណ្ណោះទេ តែនាងក៏ទទួលបានភាពជោគជ័យលើជីវិតក្រោយកាមេរ៉ាផងដែរ ពោលគឺក្នុងនាមជា អ្នកដឹកនាំរឿង ផលិតករ និងអ្នកវិយោគដែលកាន់ភាគហ៊ុនធំនៅក្នុង Alibaba Pictures។ នៅក្នុងឆ្នាំ ២០២៥ តារាស្រីវ័យ ៤៩ឆ្នាំរូបនេះមានទ្រព្យសម្បត្តិដល់ទៅ ១ពាន់លានដុល្លារអាមេរិក។

២. Oprah Winfrey – ៤ ពាន់លានដុល្លារអាមេរិក

ពីក្មេងស្រីស្បែកខ្មៅដែលមានកុមារភាពដ៏លំបាក Oprah Winfrey បានក្លាយទៅជា ម្ចាស់ក្សត្រីនៃប្រព័ន្ធផ្សព្វផ្សាយ របស់អាមេរិក តាមរយៈភាពជោគជ័យដំបូងក្នុងភាពយន្តរឿង The Color Purple តាមដោយភាពយន្តបន្តបន្ទាប់ទៀត។ យ៉ាងណាមិញ ទ្រព្យសម្បត្តិជាង ៤ ពាន់លានដុល្លារអាមេរិកនេះមិនមែនបានមកពីការងារសម្ដែងតែមួយមុខនោះទេ ភាគច្រើននៃទ្រព្យទាំងនេះគឺបានមកពីអាណាចក្រប្រព័ន្ធផ្សព្វផ្សាយដែលលោកស្រីបានបង្កើតដោយផ្ទាល់ដៃ រួមមាន The Oprah Winfrey Show, Harpo Productions និង OWN (Oprah Winfrey Network)។ ជាមួយនឹងភាពជោគជ័យនេះ បាននាំឈ្មោះឱ្យ Oprah Winfrey ក្លាយជាស្ត្រីជនជាតិស្បែកខ្មៅរូបដំបូង ឈរឈ្មោះលើតារាងមហាសេដ្ឋីប្រាក់ពាន់លាន។

១. Jami Gertz – ៨ ពាន់លានដុល្លារអាមេរិក

Jami Gertz អាចនឹងមិនមែនជាតារាស្រីដែលទស្សនិកជនស្គាល់ច្រើនក៏ពិតមែន តែលោកស្រីគឺជាតារាសម្ដែងស្រីដែលមានទ្រព្យសម្បត្តិច្រើនបំផុតនៅក្នុងឆ្នាំនេះ ក្នុងទំហំ ៨ពាន់លានដុល្លារអាមេរិក។ តារាវ័យ ៥៩ ឆ្នាំ មានភាពល្បីល្បាញក្នុងទសវត្សរ៍ឆ្នាំ ១៩៨០ តាមរយៈការសម្ដែងនៅក្នុងរឿង The Lost Boys, Twister និងរឿងភាគដូចជា Square Pegs។ ជាជោគវាសនា Jami Gertz បានរៀបការនឹងអ្នកវិយោគប្រាក់ពាន់លាន Tony Ressler ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​

លោក Jensen Huang ចុះចេញពីតំណែងជា CEO របស់ក្រុមហ៊ុន Nvidia ក្រោយបែកធ្លាយរឿងអាស្រូវសហាយស្មន់ ២ ករណី

លោក Jensen Huang បានចុះចេញពីតំណែងជានាយកប្រតិបត្តិរបស់ក្រុមហ៊ុន Nvidia កាលពីថ្ងៃទី ១២ ខែវិច្ឆិកានេះ បន្ទាប់ពីមានការបែកធ្លាយរឿងអាស្រូវស្នេហាត្រីកោណចំនួន ២ ករណី

ហ្វីយ៉ាតា ទទួលបាន​ការ​អញ្ជើញផ្ទាល់ពី Fátima Miss Universe 2025 សម្រាប់រាត្រីចុងក្រោយនៃការគ្រងមកុដ

ការ​រឿង​ដ៏​ភ្ញាក់ផ្អើល និង​កិត្តិយស​សម្រាប់​អ្នកនាង ថៃ នារីសុជាតា ឬ ហ្វីយ៉ាតា ត្រូវ​បាន​ Miss Universe អញ្ជើញ​រូប​នាង ដែល​ជា Miss Universe Cambodia 2025 ទៅ​ចូល

Maurice Chan កូនខ្មែរជាតួ Stunt ដ៏ល្បីនៅហូលីវូដ ប្រកាសផលិតភាពយន្ត​ Action ខ្នាតធំលើកដំបូងនៅកម្ពុជា

បន្ទាប់ពីបានសាងកេរ្តិ៍ឈ្មោះ និងបទពិសោធន៍យ៉ាងជោគជ័យក្នុងវិស័យភាពយន្តហូលីវូដតាមរយៈស្នាដៃលំដាប់ពិភពលោកជាច្រើនដូចជា John Wick: Chapter 4 និង James Bond: Spectre លោក

កូរ៉េខាងត្បូងផ្ដោតលើការរៀបចំកម្មវិធីដើម្បីផ្ដល់ឱកាសឱ្យអ្នកនៅលីវបានជួបគ្នា ជាការដោះស្រាយបញ្ហាអត្រាកំណើតធ្លាក់ចុះ

សាលាក្រុងសេអ៊ូលនឹងរៀបចំកម្មវិធីផ្គូផ្គងគូស្រករដែលមានឈ្មោះថា “Seoul-ting” ដើម្បីបើកឱកាសឱ្យអ្នកនៅលីវអាចស្វែងរកគូស្រកររបស់ខ្លួននៅចុងឆ្នាំ ២០២៦ ជាការរួមចំណែកមួយ

ឈុតតំណាងជាតិ ល្អហួស Miss Teen Icon Cambodia 2026 ក្នុងកម្មវិធី Miss Teen Icon International ប្រណីតហួសថ្លែង

យុវតី ជូរី ល្អហួស Miss Teen Icon Cambodia 2026 ដែល​តែ​នៅ​ក្នុង​វេទិកា​ប្រកួត Miss Teen Icon International 2026 ដែល​កំពុង​ធ្វើ​ឡើង​នៅ​ប្រទេស​ឥណ្ឌូណេស៊ី​នោះ ទទួល​

លោកស្រី Angelina Jolie លើកសរសើរវប្បធម៌ និងទឹកចិត្តប្រជាជនកម្ពុជាយ៉ាងជ្រាលជ្រៅ ក្នុងកិច្ចប្រជុំកំពូលអាស៊ាននៅហ្វីលីពីន

តារាសម្ដែងជួរមុខហូលីវូដ លោកស្រី Angelina Jolie បានចែករំលែកពីទំនាក់ទំនងអស់រយៈពេលជាង ២៥ ឆ្នាំរបស់លោកស្រីជាមួយប្រទេសកម្ពុជា ដែលបានធ្វើឱ្យលោកស្រីឱ្យតម្លៃយ៉ាង



Leave a Reply

Your email address will not be published.Required fields are marked *