នៅសល់មិនដល់ ២ សប្ដាហ៍ទៀតទេ ការប្រគំតន្ត្រីដ៏ធំមិនធ្លាប់មានរបស់កំពូលតារាចម្រៀងប្រចាំស្រុកខ្មែរ ឱក សុគន្ធកញ្ញា « The Q Solo Concert » នឹងចេញជាផ្លូវការហើយ ស្របជាមួយគ្នានេះដែរសំបុត្រនឹងត្រៀមដាក់លក់ក្នុងពេលឆាប់ៗខាងមុខនេះ។

«The Q Solo Concert» របស់កំពូលតារាចម្រៀង ឱក សុគន្ធកញ្ញា នឹងប្រព្រឹត្តិធ្វើឡើងនាថ្ងៃ ១៤ ខែកញ្ញា ខាងមុខនេះ ហើយក៏ចំថ្ងៃខួបកំណើត គម្រប់ ៣៧ ឆ្នាំ របសអ្នកនាងតែម្ដង។ ព្រឹត្តិការណ៍ប្រគំតន្ត្រីមិនធ្លាប់មានមួយនេះ ត្រៀមរួចជាស្រេចក្នុងការនាំយកភាពសប្បាយរីករាយ និងការកម្សាន្តដ៏អស្ចារ្យសម្រាប់អ្នកគាំទ្រវិស័យចម្រៀង ក៏ដូចជាបណ្ដាអ្នកគាំទ្រផ្ទាល់របស់កំពូលតារាចម្រៀង ឱក សុគន្ធកញ្ញា។
តាមរយៈផេកផ្លូវការខាងលើក៏បានបង្ហើបឱ្យហ្វេនៗត្រៀមកម្លាំងក្នុងការស្រែកច្រៀងបទចម្រៀងល្បីៗជាច្រើនរបស់អ្នកនាង ឱក សុគន្ធកញ្ញា ដែលនឹងមានវត្តមាននៅក្នុងការប្រគំតន្ត្រីដ៏ធំអស្ចារ្យមួយនេះ ក្នុងនោះបទចម្រៀង «យុត្តិធម៌គ្មានទេសម្រាប់អ្នកស្មោះ» និងបទ «១លានឆ្នាំ» ត្រូវបានបង្ហើបថានឹងមានវត្តមានក្នុងការប្រគំតន្ត្រី «The Q Solo Concert» ផងដែរ។





ដោយឡែក តាមការបញ្ជាក់របស់ផលិតកម្មខាងលើបានឱ្យដឹងថា ការប្រគំតន្ត្រីដ៏ធំអស្ចារ្យមួយនេះមិនមានចាក់ផ្សាយនៅលើកញ្ចក់ទូរទស្សន៍ ឬតាមបណ្ដាញសង្គមនោះទេ ហេតុនេះហើយសម្រាប់ការចូលរួមទស្សនាដោយផ្ទាល់ត្រូវទិញសំបុត្រតាមរយៈអនឡាញដែលនឹងដាក់លក់ក្នុងពេលឆាប់ៗនេះ៕























Account
Security
Favourite Content