Shu Qi ជាតារាស្រីចិនជើងចាស់ដែលមានភាពល្បីល្បាញម្នាក់។ បើទោះជាបាត់មុខមួយរយៈធំពីការសម្ដែងរឿងភាគ ឬភាពយន្ដកុននានា ក៏រូបនាងនៅតែត្រូវបានមហាជននិយាយរំឭកដល់ជានិច្ច ជាពិសេសក្រុមអ្នកគាំទ្រជាច្រើនសង្ឃឹមថារូបនាងនឹងត្រឡបមកវិញឆាប់ៗ ជាមួយរឿងថ្មី។
ថ្មីៗ នេះដែរ ស្រាប់តែលេចដំណឹងថា រូបនាងមិនទទួលសម្ដែងរឿងភាគ ឬភាពយន្ដកុននានាដោយសារតែមានជំងឺប្រចាំកាយធ្ងន់ធ្ងរម៉្យាង។ បើយោងតាមបទសម្ភាសន៍របស់តារាស្រី Shu Qi សម្រាប់ទស្សនាវដ្ដី Elle ក្នុងខែ កុម្ភៈ នាងបានលើកឡើងថាខ្លួនមានជំងឺ អាឡែកហ្ស៊ីកម្រិតធ្ងន់។
នាងបន្ដថា ជំងឺនេះធ្វើឱ្យផ្ទៃមុខរបស់នាងឧស្សាហ៍ឡើងក្រហមខុសធម្មតា និងហើមទៀតផង។ ហើយជំងឺនេះធ្វើឱ្យនាងពិបាកក្នុងការគេង និងឈឺចាប់ខ្លាំងលើផ្ទៃមុខ។ អ្វីដែលសំខាន់នាងត្រូវយកថ្នាំជាប់តាមខ្លួនជាប្រចាំដើម្បីទុកផឹក និងការពារក្រែងជំងឺរើឡើងដោយមិនដឹងមុន។

នាងបន្ដទៀតថា៖ ជំងឺនេះធ្វើឱ្យនាងមានការពិបាកក្នុងការធ្វើការ ឬថតរឿង ជាពិសេសក្រោមអាកាសធាតុក្ដៅខ្លាំង ដោយសារតែជំងឺហាក់មានសភាពធ្ងន់ធ្ងរទើបធ្វើឱ្យនាងមិនទទួលសម្ដែងរឿងក្នុងរយៈពេល ២ ទៅ ៣ ឆ្នាំចុងក្រោយ។
នាងបានបន្ថែមថា៖ ការសម្ដែងពិតជាសំខាន់ មុខមាត់ក៏ជារឿងសំខាន់មួយ ប្រសិនបើនាងទទួលយករឿងសម្ដែងទាំងដែលខ្លួនមានជំងឺវាហាក់ដូចជានាងកំពុងបំផ្លាញតួអង្គដែលខ្លួនសម្ដែង ហើយលទ្ធផលវិញក៏មិនល្អដូចចិត្តដែរ។ ដូច្នេះផ្អាកការសម្ដែងជារឿងមួយល្អបំផុត។
ជាចុងក្រោយ Shu Qi បានលើកឡើងថា ជំងឺនេះធ្វើឱ្យនាងមានបញ្ហាស្ដ្រេសយ៉ាងខ្លាំង តែជាសំណាងមានស្វាមីរបស់នាងលោក Stephen Fung នៅក្បែរ តាមថែរក្សា និងផ្ដល់កម្លាំងចិត្តគ្រប់ពេលវេលា៕
























Account
Security
Favourite Content