ក្រសួងវប្បធម៌និងវិចិត្រសិល្បៈបានជម្រាបជូនដំណឹងដល់ សិល្បករ សិល្បការិនី និង ក្រុមល្ខោនយីកេថា “មហោស្រពល្ខោនយីកេទូទាំងប្រទេស ឆ្នាំ២០២៥” ក្រោមប្រធានបទ “គុណធម៌ និង កតញ្ញូ” នឹងបិទទទួលពាក្យនៅថ្ងៃទី៣០ ខែកញ្ញា ឆ្នាំ២០២៥ ខាងមុខនេះហើយ។

មហោស្រពល្ខោនយីកេទូទាំងប្រទេស ឆ្នាំ២០២៥ ក្រោមប្រធានបទ “គុណធម៌ និងកតញ្ញូ” នឹងត្រូវប្រារព្ធឡើងចំនួន ០៤ ថ្ងៃ ចាប់ពីថ្ងៃទី២០-២៣ ខែវិច្ឆិកា ឆ្នាំ២០២៥ នៅសាលសន្និសីទចតុម្មុខ រាជធានីភ្នំពេញ ដោយនឹងមានការផ្សាយផ្ទាល់តាមហ្វេសប៊ុកផេកផ្លូវការរបស់ក្រសួងវប្បធម៌និងវិចិត្រសិល្បៈ។
យោងតាមក្រសួងវប្បធម៌ ការរៀបចំព្រឹត្តិការណ៍នេះ គឺក្នុងគោលបំណងដើម្បីចូលរួមថែរក្សា លើកស្ទួយ អភិរក្សវប្បធម៌ប្រពៃណីជាតិ អត្តសញ្ញាណជាតិ និងលើកកម្ពស់កិត្យានុភាពជាតិ ជាពិសេសលើកទឹកចិត្តដល់ សិល្បករ ល្ខោនយីកេឱ្យមានលទ្ធភាពចូលរួមក្នុងសកម្មភាពវប្បធម៌ព្រមទាំងបានបង្ហាញនូវសមត្ថភាព និង ទេពកោសល្យរបស់ខ្លួនដល់មហាជនឱ្យបានស្គាល់ និងបានដឹងនូវតម្លៃសិល្បៈអរូបីមួយនេះ។
ដើម្បីចូលរួមអបអរសាទរ មហោស្រពល្ខោនយីកេទូទាំងប្រទេស ឆ្នាំ២០២៥នេះ ក្រសួងនឹងរៀបចំឱ្យសិល្បករ អង្គការ សមាគម សិល្បៈមហាជនទូទាំងប្រទេសដែលមានចំណេះជំនាញល្ខោនយីកេ បានចូលរួមប្រកួតប្រជែងក្នុងមហោស្រពដើម្បីស្វែងរកម្ចាស់ជ័យលាភីពានរង្វាន់ និងប្រាក់រង្វាន់លើកទឹកចិត្តជាច្រើន។
ព្រឹត្តិការណ៍វប្បធម៌ដ៏មានតម្លៃនេះដែរ បានទទួលការសហការរៀបចំ និងផ្សព្វផ្សាយពីក្រុមហ៊ុន APSARA MEDIA SERVICES (AMS) ដោយមានគោលបំណងពង្រីកការផ្សព្វផ្សាយឲ្យទូលំទូលាយ និងឈានដល់គ្រប់ស្រទាប់មហាជន។ កន្លងមក ក្រុមហ៊ុន AMS ក៏បានសហការនិងចូលរួមផ្សព្វផ្សាយព្រឹត្តិការណ៍មហោស្រពចាប៉ីដងវែងដែរកាលពីមុន ដែលទទួលបានការគាំទ្រយ៉ាងកក់ក្តៅពីថ្នាក់ដឹកនាំក្រសួង និងទស្សនិកជន។ ការជោគជ័យនោះ បានក្លាយជាចំណុចសំខាន់ក្នុងការជំរុញឲ្យបន្តសហការជាមួយព្រឹត្តិការណ៍វប្បធម៌ផ្សេងៗក្នុងអនាគត។
សម្រាប់ព័ត៌មានលម្អិត សូមអាននូវសេចក្តីជូនដំណឹង និងទំនាក់ទំនងលេខទូរស័ព្ទខាងក្រោម ៖
061 335 182
081 336 182
097 335 3310































Account
Security
Favourite Content