កូនស្រីពិធីការិនីឆ្នើម យុគ ចិន្តា កំពុងធ្វើឱ្យមហាជនអត់ទ្រាំមិនសរសើរមិនបានពេលបានឮនាងបង្ហើរសំនៀងយ៉ាងក្រអួនក្រអៅជាមួយបទចម្រៀង «សាកល្បងស្នេហ៍បងម្ដងទៀត» ដោយមានការណែនាំដោយផ្ទាល់ពីម្ចាស់បទអ្នកនាង ហង្ស សុជាតា។

យុគ ដាពេជ្រ ហៅ អម កូនស្រីបណ្ដូលចិត្តតែមួយរបស់ពិធីការិនី យុគ ចិន្ដា កំពុងធ្វើឱ្យមហាជនកោតសរសើរនូវទឹកដមសំឡេងដ៏ក្រអួនក្រអៅក្នុងបទចម្រៀងបែបមនោសញ្ចេតនាមួយបទដែលខ្លួនបានបកស្រាយ។ តាមរយៈការបង្ហើរសំនៀងច្រៀងគោកជាមួយអ្នកនាង ហង្ស សុជាតា បានធ្វើឱ្យចម្រៀងមួយបទនេះកាន់តែពីរោះគួរជាទីស្ដាប់កម្សាន្ត។
ក្នុងវីដេអូហាត់ច្រៀងនេះដែរ អ្នកនាង ហង្ស សុជាតា ក៏បានណែនាំគន្លឹះក្នុងការលើកដាក់សំឡេង ការប្រើតុង ក៏ដូចជាការហ្វឹកហាត់បំពង់កព្រមទាំងត្រចៀកឱ្យបានល្អផងដែរ។





ក្រោយទទួលបានការណែនាំពីសំណាក់អ្នកគ្រូគួបផ្សំដុងសិល្បៈដែលមានក្នុងខ្លួនស្រាប់ផងនោះ ដាពេជ្រ ហាក់ឆាប់ចាប់បាន និងអាចច្រៀងបានយ៉ាងពីរោះទៀតផង។ កាន់តែចម្រើនវ័យ កូនស្រីសំណព្វចិត្តតែម្នាក់ដែលអ្នកនាង យុគ ចិន្ដា តែងហៅថា ថៅកែអមៗ កាន់តែមានសមត្ថភាព បច្ចុប្បន្ននាងជាអ្នកគ្រប់គ្រងហាងកាត់ដេរ «អមរចនាម៉ូត» និងភោជនីយដ្ឋាន «ចងចាំឡោញ» ថៅកែស្រីវ័យក្មេងរូបនេះក៏មានសមត្ថភាពអាចប្រើប្រាស់ឧបករណ៍ភ្លេងបែបបស្ចិមប្រទេស (ព្យាណូ) បានយ៉ាងល្អទៀតផង៕
ចុចទីនេះដើម្បីទស្សនាវីដេអូ ៖ https://www.facebook.com/reel/1832092937704381
រូបភាព៖ Chinda Yok























Account
Security
Favourite Content