បុគ្គលសំខាន់ម្នាក់បន្ទន់ចិត្ត សោម ស្រីនាថ ឱ្យទទួលថតភាពយន្តវិញ

ពិធីការិនីរូបស្រស់ មានប្រភពពីតារាម៉ូដែល កញ្ញា សោម ស្រីនាថ រយៈពេលប៉ុន្មានឆ្នាំចុងក្រោយនេះ ត្រូវគេមើលឃើញថា កាន់ជោគជ័យខ្លាំងលើអាជីពពិធីការិនី សូម្បីសាមីខ្លួននាងក៏ទទួលស្គាល់ថាបច្ចុប្បន្ននាងពិតជាមមាញឹកការងារជាពិធីការិនីច្រើនលើសលប់មែន ដោយសារក្តោបបានកម្មវីធីធំៗជាច្រើន។

អតីតអ្នកបង្ហាញម៉ូដនៅក្នុងក្រុម Cambodia Super Modal បានទម្លាក់ការងារជាតារាបង្ហាញម៉ូដចុះមួយអន្លើ ដោយសារតែវិបត្តិកូវីដ១៩ ចំណែកការថតភាពយន្តវិញត្រូវគេដឹងថា ផ្អាកមករយៈពេលច្រើនឆ្នាំហើយ ដោយគេមិនឃើញនាងមានស្នាដៃថ្មីៗមកចែកជូនទស្សនិកជននោះទេ ទើបថ្មីៗនេះដែលនាងសម្រេចចិត្តទទួលថតរឿងភាគថ្មីមួយ ចំណងជើង «ស្នេហា Cover» ក្រោមស្នាដៃតែងនិពន្ធ និងដឹកនាំរឿងរបស់អ្នកស្រី ពាន់ ភួងបុប្ផា។

សោម ស្រីនាថ ប្រាប់ឱ្យដឹងថា ការដែលនាងសម្រេចចិត្តទទួលថតភាពយន្តវិញនៅពេលនេះ ដោយសារតែចិត្តចង់ថតរឿងជាមួយអ្នកស្រី ពាន់ ភួងបុប្ផា ព្រោះស្នាដៃតែងនិពន្ធខ្លាំង ម៉្យាង ចង់មានឱកាសរួមការងារលើកដំបូងគ្នាផង ព្រោះស្គាល់គ្នាច្រើនឆ្នាំមកហើយ ពុំដែលមានឱកាសបានថតរឿងជាមួយអ្នកស្រីនោះទេ។ ដ្បិតតែការងាររៀងរវល់បន្តិចមែន តែនាងបានបែងចែកពេលវេលាច្បាស់លាស់សម្រាប់ថតរឿងនេះ។

ស្រីនាថ ដែលកំពុងចាក់ឬសជ្រៅក្នុងអាជីពពិធីការនីរៀបរាប់ថា នាងមានអារម្មណ៍អៀនប្រៀនចំពោះការសម្តែងម្តងទៀត ព្រោះខានសម្តែងច្រើនឆ្នាំពេក។ មួយទៀតគឺចរិកតួអង្គក្នុងរឿងនេះ ថ្មីហើយប្លែកមែនទែន ដែលត្រូវសម្តែងជាមនុស្សស្រីឆ្នាស់ឆ្នើម ផ្ទុយស្រឡះពីចរិកធម្មជាតិនាងដែលជាមនុស្សស្លូតបូតសុភាពរាបសារ។ ស្តាប់ទៅវារៀងពិបាកបន្តិចដែលចំពោះការសម្តែងតួអង្គនេះ តែនាងចាត់ទុកថាវាជាការ Challenge ខ្លួនឯង ដើម្បីកុំឱ្យទស្សនិកជនឃើញនាងសុភាពៗច្រំដែរ។ កូនស្រីច្បងរូបនេះសង្ឃឹមថា ពុកម៉ែបងប្អូននឹងគាំទ្រស្នាដៃភាពយន្តថ្មីដែលនាងត្រៀមសម្តែងនេះ ព្រោះនាងនឹងខិតខំប្រឹងប្រែងឱ្យអស់ពីសមត្ថភាពរបស់នាង។

បើទោះបីកំពុងរវល់ការងារពិធីការនីខ្លាំង ក៏ សោម ស្រីនាថ មិនបោះបង់ចោលការដើរបង្ហាញម៉ូដដែលជាគ្រឹះសិល្បៈរបស់នាងឡើយ នាងនៅតែទទួលការងារដើរបង្ហាញម៉ូដដូចធម្មតា បើមានគេចាប់អារម្មណ៍ចង់ទាក់ទងរួមការងារជាមួយគ្នា។ ចំណែក ការងារផ្សេងៗទៀត នាងគ្មានបញ្ហាក្នុងការទទួលធ្វើនោះទេ សំខាន់ឱ្យតែពេលវេលត្រូវរ៉ូវគ្នា៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​