ស្រ្តីខ្មែរ ៣ រូប ស្រីនា-យូប៊ីន និង ម៉ាដាម ដា នាំគ្នាទៅទទួលពានម្នាក់១នៅសិង្ហបុរី

តារា​ស្រី​របស់​កម្ពុជា ២ រូប និង​អ្នក​ជំនួញ​ម្នាក់ បាន​ទៅ​ទទួល​ពាន​នៅ​ប្រទេស​សិង្ហបុរី​ម្នាក់​មួយ ក្នុង​កម្មវិធី HOFS Award កាល​ពី​ចុង​សប្ដាហ៍​មុន។ ក្នុង​នោះ​មាន influencer ដ៏​ល្បី​ដែល​ពូកែ​ធ្វើ​វីដេអូផាត់មុខ និង​វិធី​ថែរក្សា​សម្រស់ ជា ស្រីនា ព្រម​ជា​មួយ​កំពូល​តារា​សម្ដែង​ស្រី​ជួរមុខ ស៊ីន យូប៊ីន ហើយនិង​ស្ត្រី​ខ្មែរ​​ដែល​ល្បី​ឈ្មោះ​ក្នុង​វិស័យ​ជំនួញ ម៉ាដាម ដា ​​ម្នាក់​ទៀត ក៏បាន​ទទួល​ពាន​រង្វាន់​ពី​កម្មវិធី​នោះ​ដូចគ្នា។

ស្រីនា បាន​ទទួល​ពាន Beauty and Health Influencer ពី HOFS Award ចំណែក ស៊ីន យូប៊ីន វិញ​ទទួល​បាន​ពាន Shining international award។ គ្រាន់តែ​ទទួល​បាន​ពាន​រង្វាន់​នោះ​ភ្លាម​ទាំង​ស្រី​ស្អាត ស៊ី​ន យូ​ប៊ី​ន និង ស្រីនា បាន​ផុស​​​ថ្លែង​ការ​អរគុណ​អ្នក​គាំទ្រ ជាពិសេស​ប្រជាជន​កម្ពុជា​ទាំងអស់ ដែល​បាន​គាំទ្រ​រៀង​រហូត​មក។ ចំណែក ម៉ាដាម ដា ជា​ម្ចាស់​ក្រុមហ៊ុន​ផ្នែក​ផលិតផល​ថែរក្សា​សម្រស់​មាន​ទាំង​នៅ​​ខ្មែរ និង​ថៃ ​ក៏​ទទួល​បាន​ពាន​ពី international Hofs award 2023 ដោយ​បាន​ឈ្នះ​ពាន​រង្វាន់​គុណភាព​ផលិតផល​ល្អ​ផ្ដាច់​គេ​ប្រចាំ​ឆ្នាំ និង​ជា​ម្ចាស់​ប្រេន​កូន​ខ្មែរ​តែ​មួយ​គត់​ទទួល​ពាន​រង្វាន់​មួយ​នេះ។

ក្នុង​ឈុត​ឌិន​ត្បូង​ភ្លឺភ្លេក​ពណ៌​ខ្មៅ លាយ​ស​កន្ទុយ​រ៉ូប ស្រីនា បាន​ផុស​ថ្លែង​អំណរគុណ​លើ fb ផេក​ផ្លូវការ​របស់​នាង​ថា “ពី​ក្មេង​ស្រី​ម្នាក់​ដែល​លួច​គ្រឿង​ផាត់​មុខ​របស់​ម៉ាក់​មក​ធ្វើ Video ឥឡូវ​នាង​បាន​កាន់​ពាន Beauty and Health Influencer ពី HOFS Award នៅ​ប្រទេស Singapore ខ្ញុំ​មិន​អាច​ឈរ​នៅ​ទី​នេះ​បាន​ដោយ​គ្មាន​អ្នក​ទាំង​អស់​គ្នា​ទេ។ ពិតជា​អរគុណ​ណាស់ If you believe that you can make it, you will make it.”។

មិន​ខុស​ពី ស្រីនា ប៉ុន្មាន​ឡើយ យូប៊ីន បាន​សរសេរ​រៀបរាប់​ថា “ខ្ញុំ​ពិត​ជា​រំភើប​ក្នុង​ការ​ទទួល​បាន​ពានរង្វាន់​កិត្តិយស “Shining International Award” ដោយ HOFS 2023 ពី​សិង្ហបុរី ខ្ញុំ​សូម​ថ្លែង​អំណរគុណ​ដល់​ប្រជាជន​កម្ពុជា​រាប់​លាន​នាក់​ដែល​បាន​គាំទ្រ​ខ្ញុំ​គ្រប់​ជំហាន​នៃ​ការ​ធ្វើ​ដំណើរ​របស់​ខ្ញុំ ដើម្បី​សម្រេច​បាន​គោលដៅ និង​ក្លាយ​ជា​ខ្ញុំ​​នៅ​ថ្ងៃនេះ ខ្ញុំ​ស្រឡាញ់​អ្នក”។ តារា​ស្រី​វ័យ ២៦ ឆ្នាំ​រូប​នេះ ទើប​ត្រឡប់​មកពី​កម្មវិធី​នៅ​ប្រទេស​ចិន​ថ្មី​ៗ​នេះ ជាមួយ​គូស្នេហ៍ ខាត់ វ៉ៃហាំង៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

មិនទ្រាំទៀត! ស្រីនោ មកការពារខ្លួនឯងពីការ bully ខណៈហ្វេនៗ-បវរកញ្ញារួមអាជីពនាំគ្នាគាំទ្រ

វប្បធម៌នៃការប្រើប្រាស់ពាក្យពេចន៍បណ្តុះបង្អាប់រូបរាងកាយ ដែលគេចាត់ទុកថាជា ការ bully នៅតែកើតមានឡើងក្នុងសង្គមនាពេលបច្ចុប្បន្ន រួមទាំងវិស័យបវរកញ្ញានៅកម្ពុជាផងដែរ។ កន្លង

ស្ត្រីខ្មែរម្នាក់នេះជាម្ចាស់ quote ក្នុងរឿង «​រាជិនី​សារព័ត៌មាន​» របស់ TVB ហុងកុង

សម្រង់​សម្ដី​របស់​អ្នក​សារព័ត៌មាន​កម្ពុជា​ម្នាក់​ត្រូវ​បាន​ដាក់​បញ្ចូល​នៅ​ក្នុង​​ខ្សែ​ភាពយន្ត​រឿង​«​រាជិនី​សារព័ត៌មាន​» ឬ Queen of News ។ ខ្សែ​ភាព​យន្ត​ដែល​លាត​ត្រដាង​ពី​វិស័យ​សារព័ត៌មាន​មួយ​

បវរកញ្ញា-បុរសឯកកម្ពុជា ២ រូប ឈ្នះជយលាភីពីអន្តរជាតិថែមទៀតហើយ!

បវរកញ្ញា-បុរសឯកកម្ពុជា ២ រូបទៀតរួមមានលោក ធិ ធារ៉ា និង កញ្ញា ម៉ៅ នីង បានសាងមោទនភាពថ្មី សម្រាប់ប្រទេសកម្ពុជាលើឆាកអន្តរជាតិ ក្រោយអ្នកទាំង ២ បានឈ្នះតំណែងជយលាភី

ចាប់ដៃសហការគ្នាម្ដងទៀត! ត្រលប់មកវិញលើកនេះ Kim Woobin និង Suzy សម្ដែងបែបរឿងកំប្លែង

ក្រោយសម្ដែងរឿងរួមគ្នាក្នុងឆ្នាំ ២០១៦ “Uncontrollably Fond” តារាប្រុស Kim Woobin និងតារាស្រី Suzy កាន់តែទទួលបានការចាប់អារម្មណ៍ខ្លាំង។ ប៉ុន្ដែអ្វីដែលធ្វើឲ្យមហាជនហាក់មិនអស់ចិត្ដនោះ គឺចុងបញ្ចប់នៃរឿងមិនបានជួបជុំគ្នា ដែលធ្វើឲ្យអ្នកទស្សនាខ

ស៊ីន ជេននី បកស្រាយរឿងបានទៅដើរលើកម្រាលព្រំក្រហមមហោស្រព Cannes

ឆ្នាំ​នេះ​មហាជន​ពិតជា​ភ្ញាក់ផ្អើល​ពេល​ឃើញ​វត្តមាន​តារា​ស្រី​ជើង​ថ្មី ស៊ីន ជេននី ដែលជា​ប្អូន​ស្រី​របស់​កំពូល​តារា​ស្រី​ប្រចាំ​កម្ពុជា ស៊ីន យូប៊ីន ក៏​បាន​ដើរ​លេង​កម្រាល​ព្រំ​ក្រហម​នៃ​មហោស្រព​ភាព

មិនធម្មតា! សិល្បករខ្មែរប៉ុន្មានរូបនេះ មានវត្តមានក្នុងកម្មវិធីកម្រាលព្រំក្រហមនៅបារាំង

សិល្បករ​វ័យ​​ក្មេង​ច្រើន​រូប​របស់​កម្ពុជា ​បាន​បង្ហាញ​វត្តមាន​នៅ​ក្នុង​​​មហោស្រព​ភាពយន្ត​ Cannes លើក​ទី​៧៧ នៅ​ឯ​ប្រទេស​បារាំង​​។​ នេះ​ជា​មោទកភាពកម្ពុជា ​ចំពោះ​ការ​បង្ហាញ​គ្រាប់​ពេជ្រ​

ចប់មង្គលការ Tempo Tris បង្ហោះសារមានន័យ ដើម្បីបញ្ជាក់ភាពច្បាស់លាស់ចំពោះគូស្នេហ៍

សិល្បករមួយរូបទៀតហើយ ដែលបានដឹកដៃគូស្នេហ៍ចូលរោងជ័យក្នុងឆ្នាំ ២០២៤ នេះ នោះគឺតារាចម្រៀង និងជាអ្នកនិពន្ធទំនុកច្រៀង Tempo Tris ដែល​មាន​ឈ្មោះពិតថា ដួង រស្មី។ មង្គលការ

ស្អាតដូចព្រះនាង! Yoona និង Han SoHee បង្អួតសម្រស់ក្នុងកម្មវិធីមហោស្រពភាពយន្ដ Cannes

នៅថ្ងៃទី ២០ ខែ ឧសភា ឆ្នាំ ២០២៤ តារាសម្ដែងស្រីកូរ៉េល្បី ២ រូបគឺ Yoona និង Han SoHee បានបង្ហាញវត្ដមាននៅក្នុងកម្មវីធីមហោស្រពភាពយន្ដ Cannes លើកទី ៧៧ នៅឯទឹកដីប្រទេស បារាំង។ វត្ដមានរបស់តារាស្រីឆ្នើមទាំងពីរបានក្លាយ

ជីវិតតួស្រីរឿង F4 និងអតីតស្វាមី ក្រោយលែងលះ ប្រែប្រួលខ្លាំងសឹងមិនគួរឱ្យជឿ

យោងតាមប្រភពព័ត៌មាន Nate បានឲ្យដឹងថា ជីវិតរបស់អតីតគូស្វាមីភរិយាកូរ៉េ តារាស្រី Goo HyeSun និងតារាប្រុស Ahn JaeHyun គឺមានការប្រែប្រួលខ្លាំងស្ទើរមិនជឿ ជាពិសេសទាក់ទិននឹងបញ្ហាហិរញ្ញវត្ថុ។ ស្របពេលដែលការរស់នៅប្រចាំថ្ងៃក៏មើលទៅហាក់មានការលំបាក និងស្មុគស្មាញផងដែរ។

តារាចម្រៀង កែវ ច័ន្ទដាលីន ស្អាតខ្លាំងក្នុងពិធីភ្ជាប់ពាក្យលក្ខណៈគ្រួសារ!

អតីតបេក្ខភាព X-Factor Cambodia  រដូវកាលទី១  និងជាអតីតបេក្ខភាព I Am A Singer Cambodia  រដូវកាលទី​២ បានធ្វើឱ្យអ្នកគាំទ្រមានការភ្ញាក់ផ្អើលជាខ្លាំង ក្រោយភ្ជាប់ពាក្យស្ងាត់ៗ