យប់មិញនេះ បវរកញ្ញាដែលត្រូវតំណាងកម្ពុជាចូលរួមប្រកួតក្នុងកម្មវិធី Miss World កញ្ញា ខន សូរិយា បានសម្រេចចិត្តដកខ្លួនក្រោមហេតុផលមួយចំនួនដែលនាងបានជួបប្រទះនាពេលកន្លងក្នុងអំឡុងពេលកាន់តំណែងជា Miss World Cambodia 2025។

មហាជនអ្នកតាមដានវិស័យបវរកញ្ញាប្រាកដជាបានជ្រាបហើយថា កញ្ញា ខន សូរិយា ត្រូវបានជ្រើសឱ្យតំណាងកម្ពុជា ដើម្បីចូលរួមប្រកួតលើវេទិកាអន្តរជាតិនៃកម្មវិធី Miss World 2026។ ជាក់ស្ដែង នារាត្រីថ្ងៃ ២០ ខែមករា ម្សិលមិញ ម្ចាស់មកុដ Miss World Cambodia 2025 រូបនេះបានសម្រេចដកខ្លួនចេញពីការប្រកួត ដោយបានបញ្ជាក់ពីហេតុផល និងរឿងរ៉ាវដែលនាងបានជួបប្រទះក្នុងអំឡុងពេលត្រៀមខ្លួននៃការចេញទៅប្រកួត។



ចាប់តាំងពីថ្ងៃដំបូងនៃការឈានជើងចូលវិស័យមួយនេះ កញ្ញា ខន សូរិយា បានដាក់ចិត្ត កាយ និងបេះដូងលើការប្រកួត ថែមទាំងបានព្យាយាមសិក្សា ស្រាវជ្រាវ និងបង្កើតកម្មវិធីសប្បុរសធម៌បន្ថែមទៀត។ ដ្បិតមានភាពក្មេងខ្ចីក្នុងវិស័យនេះ សូរិយា បានព្យាយាមខិតខំអស់កម្លាំងកាយចិត្តដើម្បីធ្វើវា ប៉ុន្តែការប្រឹងប្រែងមួយនេះក៏បានមកដល់ទីមួយដែលមិនអាចបន្តទៀតបាន។ ពិតណាស់ ការដើរនៅលើវិថីមួយតែម្នាក់ឯង មិនមែនជារឿងងាយស្រួលនោះទេ។
តែទោះជាយ៉ាងនេះ ការចាកចេញរបស់ សូរិយា មិនមែនមកពីកំហឹង ឬទទួលការស្ដីបន្ទោសអ្វីនោះឡើយ តែជាមេរៀនមួយនៃបទពិសោធន៍ជីវិត។ នេះជាការបញ្ជាក់បន្ថែមក្នុងវីដេអូកាលពីយប់មិញ៕
វីដេអូទី១៖ facebook.com/reel/1240454091289789/?s=single_unit
វីដេអូទី២៖ facebook.com/reel/25067658119575047/?s=single_unit
រូបភាព ៖ Soriya Khorn























Account
Security
Favourite Content